All posts by javisejuzna

Симева и Бугариќ победници на Мастерсот до 14 години

Александра Симева е победник на Мастерс турнирот до 14 год. кој се одржа  викендов на тениските терени во Тениспарк – Скопје. Александра која е членка на ТК Тениспарк ја круниса оваа натпреварувачка сезона со освојувањето на Мастерсот, во кој земаат учество најдобрите 8 тенисерки од Македонија во женска и машка конкуренција.

Александра, ги реализира своите зацртани цели за натпреварувачката 2017 год. и влезе во  150-те најдобри во категорија до 14 години. Александра моментално е 125-та рангирана  со освоени 275 поени од вкупно 1234 тенисерки на Tennis Europe Ranking, сепак треба да се напомене дека таа стартуваше од 1292 место со 11 поени во последната недела од декември 2016 год, за да во 33-та недела од 2017 год. го освои највисокото за неа 117 место.

Додека пак во машка конкуренција победник е Берк Бугариќ. Берк моментално се наоѓа на 144 место од Tennis Europe Ranking со освоени 205 поени, а негов највисок ранг бил 110 место. Му посакуваме на Берк многу успех на престојниот турнир до 16 год. во Малта, а на Александра и посакуваме да ја претстави Македонија во најдобро светло на кампот на Ник Болитиери, Брединтон, Флорида во САД.

Предраг Јанчески

Шутерско издание на МЗТ за победа

Во четвртото коло во АБА лигата, МЗТ Скопје ја забележа втората победа откако вечерва победи на гости кај Игокеа со 108-99.

Најефикасен во составот на МЗТ Скопје беше Дамјан Стојановски со 23 поени, Минчев постигна 19, Бејли и Трајковски по 17. Рајт од Игокеа беше најефикасен со 29 поени. ЦЕЛОСНА СТАТИСТИКА
Во следното коло, МЗТ Скопје на 23. октомври ја пречекува екипата на Цибона.

Прибак и Штербик блескави -комплетен извештај од 5-то коло во ЛШ (ВИДЕО)

Група “А“:

Висла Плоцк – Пик Сегед  27:33 

Нант – Кристијанштад  34:25 

Вардар – Барселона  27:24 

Табела:

а

.

Група “Б“:

Алборг – ПСЖ  27:33 

Кил – Фленсбург  20:20 

Киелце – Веспрем  32:32 

Табела:

Б

.

Група “Ц“:

Кадетен Шафхаузен – Скјерн  25:24 

Елверум – Горење Велење  29:28 

Динамо Букурешт – Адемар Леон  24:28 

Табела:

ц

.

Група “Д“:

Чеховски Медведи – Металург  26:32 

Бешикташ – Мотор Запорожје  28:28 

Спортинг Лисабон – Монпелје  29:33

Табела:

д

ТИМ НА КОЛОТО

НАЈДОБРИ 5 ГОЛОВИ

НАЈДОБРИ 5 ОДБРАНИ

Извор: EHF TV

Мак-интернационалци фудбал

Хрватска 1

Рудеш 0 : 1 Локомотив Загреб новиот прволигаш со примен гол во судиското продолжение ги загуби сите три бода, инаку за домаќините во 80 минута влезе во игра нашиот напаѓач Самир Фазли, кој заедно со соиграчите не го пронајдоа патот до противничката мрежа.

Истра 1 : 0 Риека огромно изненадување кое го приреди домаќинот со минималната победа, а вредно за напоменување е што сите наши интернационалци беа во првите 11, каде за Истра настапија Томе Китановски кој ги одигра сите 90 минути и заработи жолт картон во 75 минута, додека вториот наш интернационалец од овој тим Ристе Митревски кој исто така ги одигра сите 90 минути, што се однесува до левиот бек на Риека Леонард Жута тој пак исто одигра 90 минути и заработи жолт картон во судиското надополнување.

Динамо Загреб 1 : 1 Осиек хрватското дерби кое домаќините дури во последните моменти од натпреварот со гол на резервистот Енрике стигнаа до израмнување и поделба на бодовите. За гостите настапи во текот на сите 90 минути напаѓачот Музафер Ејупи, додека Аријан Адеми после двегодишна пауза настапи на првенствен натпревар, а влезе во игра во 53 минута.

Славен Белупо 1 : 2 Интер Запрежиќ гостинска минимална победа, а свој настап за домаќините запиша нашиот напаѓач Мирко Ивановски од 65 минута.

Шпанија Примера дивизија

Еспањол 0 : 0 Леванте натпреварот заврши со непопуларниот резултат без голови со поделба на бодовите. Како последна замена на средбата беше нашиот репрезентативец Енис Барди во 80 минута и помогна да се задржи топката на средината на теренот и да се освои толку посакуваниот бод во борбата за опстанок во лигата.

Бугарија 1

Берое 1 : 2 Локомотив Пловдив гостите стигнаа до трите бода иако беа аутсајдери на овој натпревар, заслуга за триумфот има и нашиот ветерaн во тимот од Пловдив Ванчo Tрајанов кој е староседелец во овој тим.

 

 

Чешка 2

Витковице 1 : 0 Прибрам гостите минимално го загубија натпреварот со гол примен уште во 7 минута. Инаку свој настап забележа од 56 минута нашиот интернационалец Зоран Даноски.

Холандија 2 Ерсте дивизија

Мастрихт 1 : 2 Фортуна Ситард гостите стигнаа до трите бода, а на клупата за резерви остана Стефан Ашковски.

БИХ 1

Слобода 1 : 3 Сараево тимот на Крсте Велкоски кој воедно токму тој го отвори натпреварот со водство во 19 минута, а неговиот тим на рутински начин стигнаа до победа и до трите бида.

Словенија 1

Домжале 6 : 0 Анкаран Хрватини домашниот состав на Домжале крајно убедливо стигна до победа од 6:0, а во текот на првото полувреме во средината на теренот одигра нашиот интернационалец Зени Хусмани.

Србија 1

Земун 0 : 0 Војводина натпревар со непопуларен резултат без голови, но со поделба на бодовите на двете страни. На клупата за резерви остана Даниел Аврамовски.

Црвена Звезда 4 : 0 Шабац очекувана победа на домаќините кои беа огромни фаворити, за гостите до 72 минута настапи Бојан Ѓорѓиевски.

Чукарички 0 : 0 Јавор натпревар одигран без голови и поделба на бодовите, каде Филип Ристовски ги одигра сите 90 минути, додека Алекса Амановиќ младинскиот репрезентативец до У-21 остана на клупата за резерви.

Белгија 1 Јупилер лига

Шарлероа 2 : 2 Еупен по подолга пауза нашиот репрезентативен стопер Ѓоко Зајков се најде во првите 11 и ги одигра сите 90 минути, а двете екипи си ги поделија бодовите одигрѕвајќи нерешено со резултат 2:2.

 

Кипар 1

Арис 0 : 5 Аек Ларнака убедлива победа на Аек со учинок и на нашите интернационалци напаѓачот Иван Тричковски кој постигна два гола во 29 минута и во 42 минута од пенал потоа беше повлечен од игра во 75 минута, додека вториот наш интернационалец Даниел Мојсов придонесе тимот да не прими ниеден гол, а најтешка задача имаше третиот наш интернационалец голманот на Арис Един Нурединовски кој беше принуден дури 5 пати да ја вади топката од мрежата.

Ермис 2 : 1 Омонија голема победа за домаќините, а дел од таа победа беше и Александар Дамчевски кој настапи од 89 минута токму во самиот финиш за да помогне да се освојат трите бода.

Аел Лимасол 0 : 1 Папос минимална победа на гостите, а нашиот младински репрезентативец до У-21 Давор Здравковски повторно остана на клупата за резерви.

Чешка 1

Брно 2 : 1 Словачко тесна победа на домаќините, додека за Словачко со капитенската лента и сите одиграни 90 минути од нашиот ветеран Величе Шумуликоски.

Англија 2 Чемпионшип

Лидс Јунајтед 0 : 1 Ридинг нашиот репрезентативец Езџјан Алиоски поради згуснат распоред  не беше вклучен во конкуренција за настап на овој натпревар.

Италија Серија Б

Фросиноне 0 : 0 Палермо натпреварот заврши со поделба на бодовите, а за гостите нашиот напаѓач Илија Несторовски кој воедно е и капитен на тимот ги одигра сите 90 минути, додека вториот наш интернационалец Александар Трајковски остана на клупата за резерви.

Јапонија 1 Ј лига

Јокохама 1 : 1 Омија Ардија натпревар во кој по подолга пауза беше и вклучен и нашиот интернационалец Давид Бабунски кој настапи од 83 минута.

 

 

Унгарија 1

ДВТК 5 : 0 Вашаш по рамноправното прво полувреме, сепак со фуриозното одирано второ полувреме стигнаа до убедлива победа, а за гостите настапи во текот на сите 90 минути дефанзивецот Кире Ристевски.

Ујпешт 0 : 0 Пакс натпревар без голови и поделба на бодовите, каде за домаќините на клупата за резерви во текот на сите 90 минути беше младинскиот репрезентативец до      У-21 Ремзафик Селмани.

Пушкаш Академија 1 : 1 Ференцварош по излегувањето од игра на нашиот репрезентативец Стефан Спировски, неговиот тим не го издржа притисокот и остана без останатите 2 бода, односно поделба по еден бод за двата тима.

Словачка 1

Ружомберок 1 : 1 Злате Моравце двата тима поделија по еден бод, а нашиот интернациналец Тихомир Костадинов настапи од 74 минута.

Шведска дивизија – Нора

Акрополис 2 : 0 Вастерас победа на домаќините, а нашиот младински репрезентативен лев бек до У-21 Алекс Симовски остана на клупата за резерви.

Турција 1

Анталијаспорт 1 : 3 Гезтепе нашиот напаѓач Адис Јаховиќ е во животна форма каде на овој натпревар постигна два гола во 9 минута кога се најде очи во очи со противничкиот голман и шутираше неодбранливо во неговиот лев агол, додека вториот гол беше во 18 минута од слободен удар каде се случи и голманска грешка, но сеедно кога Јаховиќ стрела од сите позиции, инаку беше повлечен од игра во 87 минута од натпреварот.

Италија Серија А

Калјари 2 : 3 Џенова тешка гостинска победа за екипата од Џенова, но сепак нашиот репрезентативен капитен Горан Пандев остана на клупатата за резерви.

Белорусија 1

Минск 2 : 2 Нафтан во ефикасен натпревар со дури 4 постигнати гола и поделба на бодовите, а свој нов настап запиша нашиот интернационалец Дарко Мицевски со одиграните 90 минути.

 

Холандија 1 ередевизија

Вилјем II 3 : 1 Твенте нов пораз за тимот на Твенте за кој и овој пат на клупата за резерви остана нашиот репрезентативец Никола Ѓорѓев.

Полска 1

Заглебје 3 : 2 Горник натпревар со многу возбудувања и многу голови, а свој настап во последните десетина минути и за нашиот искусен десен бек Александар Тодоровски.

Шпанија 2

Кордоба 1 : 5 Гимнастик висока победа за гостите, а на нивниот гол беше нашиот репрезентативен голман Столе Димитриевски кој во 60 минута заработи и жолт картон.

Шведска дивизија – Скодра

Одеволд 1 : 0 Сковде минимална домашна победа, а во победничкиот тим настапи од 65 минута нашиот младински репрезентативец до У-21 Даниел Крезиќ.

Кринстијанштад 0 : 3 Мјалби нашиот искусен интернационалец кај гостите Даниел Ивановски остана на клупата за резерви.

Предраг Јанчески

Доријан и Анамарија се вратија со медал

На меѓународниот натпревар во Катерини, Грција што се одржа на 14.10.2017 Џудо Клуб Дрим-Струга настапи со 3 натпреварувачи и освои 2 медали: злато и бронза.

Доријан Петкоски се закити со златен, Анамарија Стојмиловска со бронза, додека Васили Томаноски го освои 5-то место.

Овие деца кој се толку мали, а толку успешни ни наговестуваат дека во Струга, а и во Македонија ке има светла иднина за џудо спортот, и ЏК ДРИМ Струга во нив гледа идни ОЛИМПИЈЦИ!

 

ЖРК Вардар моќен во Германија

Ракометарките на Вардар го победија Турингер на негов терен со 29:21 во натпревар од второто коло од Лигата на шампионите.  Македонскиот шампион одигра одличен меч и во текот на целиот меч ја диктираа играта. Најефикасна на теренот беше Јованка Радичевиќ со седум постигнати голови, по пет дадоа Пенезиќ, Лакрабер и Лекиќ.

Целосна  СТАТИСТИКА 

Купиле половина пура за 12.000 долари

Пурата која до пола ја испушил некогашниот британски премиер Винстон Черчил на патувањето за Париз на 11 Мај во 1947 година е продадена за нешто повеќе од 12. 000 долари на интернет аукција.

Остатокот од пурата долга 10 сантиметри, вчера вечерта била купена од неименуван колекционер од Флорида, а од аукциската куќа „Ar-Ar” од Бостон ,тврдат дека Черчил баш таа пура ја запалил на 11 мај 1947 година, на парискиот аеродром.

Пурата била зачувана од пилотот Вилијам Алан Тарнер, кој управувал со авионот со кој Черчил и неговата сопруга патувале за Париз и назад за Лондон.

Извор: newsroom.mk

Одлично коло во Супер лигата, двоцифрени Илиев, Ојлески и Кукуловски

ГРК БОРЕЦ – ВАРДАР ЈУНИОР 37:33

Ракометарите на Борец, предводени од Ивица Илиев го совладаа тимот на Вардар Јуниор со 37:33. Најдобар поединец во победничкиот тим беше Ивица Илиев со 15 голови, по 6 дадоа Антонио Јаневски и Илија Крстевски. Кај Вардар Јуниор, Дејан Кукуловски даде 10 голови, додека Стефан Трпчевски  постигна 9.

ПРИЛЕП 2010 -ПЕЛИСТЕР 23:26

Пелистер победи во пелагониското дерби на гостувањето во Прилеп со 23:26. Најдобри кај Пелистер беа Орјоникдѕе  и Чантурија со по 9 гола, додека кај Прилеп Менде Петкоски со 6 и Петар Шајин со 5 погодоци.

ПРОЛЕТ 62 – ЕУРОФАРМ РАБОТНИК 26:24

Во дербито на колото  Пролет го совлада тимот на Еурофарм со 26:24. Најдобар  кај победниците беше Ласко Андоновски со 9 голови, следен од Џонов кој даде 5, додека кај Еурофарм Работник ниту 12 голови на Гоце Ојлески не помогнаа да се избегне поразот.

Мечот помеѓу Металург 2 и Охрид е одложен поради обврската на Охрид во ЕХФ купот.

ТАБЕЛА

Извор: macedoniahandball.com.mk

Босанците направија бурек за гинис (ВИДЕО)

Во Тузла е направен бурек од 650 килограми кој ќе се обиде да влезе во Гинисовата книга на рекорди. Освен бурек, направена е и порција со 1.5000 ќебапи.

Бурекот 12 часа го правеле кувари од ресторани од Тузла. Домашна, развиена јуфка од домашно брашно со должина од 1.500 метри и со домашно месо, го чини бурекот од шест метри во огромна тава, која на Плоштадот на слободата во Тузна е спуштена со дигалка.

Босанскиот бурек е неизоставен дел од исхраната на граѓаните, традицијата и гастрономската понуда.

Куварите, кои учествувале во правењето на џиновскиот бурек, сакаат да ја потикнат свеста на граѓаните да купуваат домашни производи и така да градат иднина на земјата.

– Со купување на домашните производи ја зајакнуваме економијата, доаѓаме до нови работни места, а на крајот на краиштата, нашите производи во 90% од случаите се подобри од увезените, појаснуваат куварите.

Бурекот е поделен на граѓаните и бројните служби кои секојдневно се на располагање на граѓаните.

За три месеци ќе се знае дали овој бурек успеал да влезе во Гинисовата книга на рекорди во која не влезе досега најголемиот направен во Љубљана од 5,5 метри.

Извори: kumanovskimuabeti.mk , Klix.ba

Соништата и желбите – основа на секој почеток

Во динамично опкружување во кое живееме, и во услови на борба за сопствената егзистенција и обезбедување на подобар живот за своите најблиски, потребата од штедење се покажува како неопходност. Полисата за животно осигурување се покажа како добар и сигурен начин на штедење, кој во случај на најтешки моменти обезбедува финансиска згриженост на најблиските.

Инвестирањето во животно осигурување веќе подолго време е едно од најатрактивните вложувања во Европа и во светот, од причина што се акумулираат вложените средства преку долгорочно штедење. На овој начин осигуреникот создава сигурност, а истовремено го обезбедува своето семејство со финансиска сигурност при евентуален несреќен случај.

Програмите за животно осигурување кои ги нудиме, се прилагодени за потребите на современиот човек за финансиска заштита, штедење и вложување од сите економски и социјални аспекти.

Како во едно семејство, ние сме посветени нашите клиенти да уживаат во долговечна сигурност. Оттука разбирајќи ги потребите ги инспирираме посветено да ги планираат нивните животи и животите на своите најблиски со многу самодоверба и елан.

Нашите вредности се нашата основа за успешна и плодна соработка.  Пополнете ги празните полиња на следниов линк испратете ни ваш контакт на емаил, вибер или скајп за подетално да ги утврдиме вашите цели и да ви го објасниме начинот за обезбедување долгорочна финансиска сигурност на вас и вашето семејство.  Исполнете ја обврската спрема нив, еден ден ќе ви бидат благодарни.