Category Archives: ДЕСТИНАЦИИИ

Рекреација и забава на едно место

Летото заврши а со тоа и топлото време. Сепак доколку сеуште сте емотивно приврзани за летото и доколку имате неискористени денови од вашиот годишен одмор или сте  во план максимално да го искористите викендот кој ви претстои топло ви  го препорачуваме најголемиот затворен тематски аква парк во Европа, место кое со својата раскошна понуда ви го нуди летото за возврат и тоа замислете преку целата година.

Лоциран не така далеку, на оддалеченост од нешто повеќе од 1500 км, во северното преградие на Будимпешта се наоѓа Хотелскиот комплекс Аква  world место кое плени со својот раскош, елеганција и уживање.  Иако рангиран со само четири звезди комплексот нуди одлична можност за незаборавен престој и забава за посетителите од најразлична возраст во текот на целата година.

Хотелскиот капацитет поседува 309 стандард двокреветни и четворокреветни соби, делукс апартмани,  затворен комлекс базени со четири климатски зони,  современ спа центар, мини бар, собна послуга, бесплатен неограничен интернет, бесплатен паркинг за преку илјада возила, безплатен шатл превоз до центарот на градот, игротека, безплатен престој за деца до седум годишна возраст и повеќе од тоа. Тука летото трае и трае и не завршува. Еве и зошто, составен дел на хотелот е затворениот спа центар и тематскиот комплекс базени претставен преку четирите климатски зони од поларна до суптропска.

 

 

 

 

 

 

 

 

Додека децата играат во Бонго клубот за деца, родителите може да уживаат во најсовремениот спа центар во Европа. Аква центарот е покриен со гигантска купола висока 12 метри и дијаметар  од дури 72 метри. Карактеристичен декор во централниот дел на паркот претставува изградената реплика на древниот Анхор кој со неколкуте величествени кули е поврзан преку уникатни висечки мостови.

Доколку сте расположени за повеќе од вообичаена релаксација и задоволство кое навистима долго ќе го паметите, хотелот ви нуди  викенд програми на база на сместување со појадок или комплетен аранжман. Информирајте се повеќе за цените и слободните места доколку резервирате со клик на некоја од понудените слики.

Индонезија го има најдобриот хотел на светот (ФОТО)

Комплексот хотели “Nihivatu” кој се наоѓа на индонезискиот остров Sumba,   400 километри источно од Бали, втор пат по ред е прогласен за најдобар хотел во светот од страна на специјализирано списание Travel + Leisure.

Направен е по моделот на старите куќи на островот, покриени со слама, но секоја соба има приватен базен. На располагање на гостите им стои и сурфање,часови по јога, јавање, риболов, спа услуги, патувања ….  Повеќе информации за хотелот  може да најдете на нивниот веб сајт.

Извор : http://www.travelandleisure.com 

 

Плажата Зрче – Балканската Ибица (ФОТОГАЛЕРИЈА)

Островот Паг и плажата Зрче познати и како Хрватската Ибица е една од најпознатите летни атракции за млади каде забавата е неизбежна. Млади луѓе,музика, забава до раните утрински часови, светски познати ди-џеи, море, прекрасни плажи,убави девојки и момци…се дел од она што овој хрватски остров може да ви го понуди.

А, забавата и журките се посебна и приказна сама за себе. Недалеку од Новаља, на прекрасната плажа Зрче летото се претвора во “фабрика за забава“. Клубовите по плажите се домаќини на фестивалите и најпознатите ѕвезди од светската клубска сцена.

 

Бора-Бора најубавиот остров на светот (ВИДЕО)

Бора Бора е остров кој се наоѓа во самото средиште на Француската Полинезија, една од најубавите целини во островската група Ливард ( Leeward ), на Друштвените Острови. Блескавите плажи со бел песок порабени со палми, тиркизните ридовии грстовите сјајни цветови од хибискус се протегаат крај кристално бистрата лагуна. Тропските температури се движат меѓу 24 и 28°C ги намалува свежото ветре кое доаѓа од исток.  Преглед на слики на следниов линк: Bora Bora

Постои само еден пловен премин низ кој може да се помине меѓу прстенот од корални острови, кои локалното население го нарекло Мотус. Поради тоа, лагуната е природно престаниште. Освен главен централен остров, двапати поголем од Гибралтар ( 12km квадратни ), постојат и два помали – Тупуа ( Toopua ) и Тупуаити ( Toopuaiti ). Сите овие острови се остатоци од вулкански кратер кој еродирал. Два остри нерамни врови доминираат над Бора Бора: Пахија, висок 660m и малку повисок Отеману со совоите 725m.

Видео извор: alekseyfedorov

Преглед на слики на следниов линк: Bora Bora

Плоче – најубавата плажа во Црна Гора (ФОТО)

Плажата Плоче се наоѓа на 9 километри од Будва во Црна Гора и важи за најатрактивна и најпосетена плажа од туристите. Посебно е интересна за младите поради многубројните журки и забави кои се случуваат на оваа плажа. 

Венеција воведува 12 правила за однесување на гостите

Дванаесет златни правила за однесување на туристите  воведоа властите во италијанскиот град Венеција. Оние што ќе ги прекршат ќе треба да платат казна од 25 до 500 евра, соопшти здружението на руските туроператори.

Наместо претходните 50 евра за капење во каналите ќе се плаќаат 500 евра. За прошетка во градот по костим за капење или со разголено тело глобата станува 200 евра. По 100 евра ќе се земаат од секој кој прави пикник на јавно место или вози велосипед во пешачки зони.

Предвидени се казни и за пишување по споменици (400 евра) и оставање ѓубре (25 евра).

Туристите ќе бидат информирани за 12-те правила преку нова кампања во социјалните мрежи, како и со пораки и постери на сајтот на општината, на билборди и во местата каде што има најголем број луѓе .

Извор: Rusia turist.com

Лиужоу – Шумскиот град кој започнува да се гради во Кина

Кина започна да го развива првиот ,,Шумски град,, чија основна цел е борба против загадувањето на воздухот. Шумскиот град  дизајниран од Стефано Боери, оживува во Лиужоу, провинцијата Гуанкси на 175 хектари по должината на бреговите на реката Лиу. Се очекува да биде завршен во 2020 година.

Околу 1 милион растенија од 100 различни видови и 40 000 дрвја ќе бидат засадени во Шумскиот град. Фирмата на дизајнерот Стефано Боери која ги постави првите концептуални семиња во градот тврди дека Шумскиот град Лиужоу може да апсорбира над 10 000 тони CO2 и други загадувачи годишно, а од растенијата би можело да се произведува до 900 тони годишно кислород.

Но, не се само луѓето оние кои ќе имаат корист од развојот на овој град. Имено, различните видови птици од областа Лиужоу ќе добијат нов дом што ќе доведе до зачувување на биолошкта разновидност.

Секако, жителите на овој град нема да живеат во згради од дрвја и лисја, туку овој град ќе им ги пружи сите удобности на модерниот град вклучувајќи го и брзиот електричен воз. Шумскиот град ќе се потпира на геотермална енергија за напојување на внатрешните системи за климатизација, а соларните панели ќе обезбедат електрична енергија.

Изградбата на ваков град во индустриските центри во земјата ќе биде вистински тест за практично решавање на проблемите со загадувањето во Кина каде што околу 1.1 милиони луѓе годишно ги губат своите животи како резултат на ефектите од смог и нечист воздух.

 

НЕВООБИЧАЕНИ УБАВИНИ ВО СВЕТОТ

1.Прекрасна илузија на подводниот водопад во Маврициус

Па речиси, тоа е всушност само илузија … но изгледа сосема реално. Како слика создадена од самата мајка природа, островот Маврициус се наоѓа на 2.000 километри од југоисточниот брег на Африка, во близина на Мадагаскар.

Причината за ваквата илузија е поврзана со локалните песочни и слични наслаги кои протекуваат низ областа и ја менуваат бојата на водата, така што изгледа како водопад.

2.Индонезиски вулкан од чиј кратер еруптира сина лава

Сулфурните гасови согоруваат на такви високи температури што овој вулкан во Индонезија избива со сина лава.

3.Виножитно дрво – овие австралиски еукалиптус дрвја се познати по нивната единствена, мулти-обоена кора.

4.Цветни пустини во Чиле

Цветната пустина е климатски феномен што се јавува во пустината Атакама, Чиле. Феноменот се состои од расцутување на широк спектар на цвеќиња помеѓу месеците од септември до ноември, во годините кога врнежите се невообичаено високи.

5.Голема сина дупка во Белиз

Големата сина дупка е дестинација од светска класа за рекреативни нуркачи привлечени од можноста да се нурне во кристално чисти води и да се видат огромен број видови морски животни вклучувајќи тропски риби и спектакуларни корални формации.Има  кружна форма, во широчина над 300 метри и длабочина од 125 метри. Најголемата светска природна формација од ваков вид, Големата сина дупка е дел од поголемиот резервен систем за корален гребен, и е заштитена со УНЕСКО.

Наташа Костовска

 

Прекрасни дестинации – Arraial do Cabo, Бразил (ФОТОГАЛЕРИЈА)

Arraial do Cabo е општина која се наоѓа блиску до Рио де Жанеиро во Бразил. Има население од 27.715 и вкупна површина е 160 квадратни километри. Во оваа бразилска држава има прекрасни плажи кои вреди да се посетат.

 

 

 

Филмското студио Paramount го отвори првиот хотел (ФОТОГАЛЕРИЈА)

Филмското студио Paramount, познато е по филмовите како што се Невозможна мисија, Форест гамп и Кум,  одлучи да се прошири и во угостителската дејност со отворање на нова групација на хотели – Paramount Hotels & Resorts.

Првиот во низата на хотели е  отворен во Бодрум, Турција. The Bodrum by Paramount Hotels & Resorts има 135 луксузни соби со панорамски поглед кон морето, како и посебни вили. Сите луксузни вили се со големина од 195 квадрати до 900 квадрати, опремени со сопствени внатрешни и надворешни базени, турска бања и соба за масажа.

Извор: DivianArts.com