Category Archives: МУЗИКА

Фолтин дел од учесниците на ДРИМОН фестивалот во Струга

На 28 Јули во 21:00 часот на летната сцена при Ц.К. “Браќа Миладиновци” во Струга ќе настапи и групата Фолтин како дел од годинешното издание на ДРИМОН фестивалот.

ФОЛТИН е една од најпознатите групи од Македонија. Постои од 1997 година. Зад себе има седум самостојни албуми, музика за преку дваесет театарски претстави и бројни настапи во Македонија, Хрватска, Италија, Австрија, Словенија, Србија, Босна и Херцеговина, Албанија, Бугарија, Франција, Германија, Унгарија, Англија, Либан, Холандија, Белгија, Турција и Чешка. Музиката на ФОЛТИН обично се опишува како духовита, старасна, со жешка танцувачка атмосфера. Освен на македонски, пеат и на таканаречен „спонтан eсперанто“, имагинарна смеса или фонетска имитација на светските јазици. ФОЛТИН себеси се опишуваат како ПСЕВДО-ЕМИГРАНТСКО КАБАРЕ.

5 – то издание на ДРИМОН годинава ќе се одржи од 26-30 јули во Струга под мотото “Градиме нови генерации” . На фестивалот ќе има многу концерти, театарски претстави, изложби, работилници, базар на ракотворби…..

БИДЕТЕ И ВИЕ ДЕЛ ОД ДРИМОН ФЕСТИВАЛОТ ОД 26-30 ЈУЛИ ВО СТРУГА!

Извор: Drimon Festival (facebook фан страница)

Прекрасен ремикс : Olly Murs & Conor Maynard (ВИДЕО)

Наташа Костовска

2 CELLOS со прекрасна изведба на хитот Despasito (ВИДЕО)

Мега популарните хрватски челисти Лука и Стјепан – 2 CELLOS направија прекрасна преработка на големиот хит “Despasito”.

Прекрасен летен хит на Лозано (ВИДЕО)

Влатко Лозаноски-Лозано денес го објави спотот и песната за “Oва лето ќе се памти”. Се работи за прекрасен летен хит кој го направија :

Музика: Лазар Цветкоски
Текст: Магдалена Цветкоска – Ена & Милан Миланов
Аранжман: Лазар Цветкоски

Главната улога во спотот ја има моделот Ана Трајковска.

Боби Мојсовски сними спот со Тончи Хулјиќ & Мадре Бадесса(ВИДЕО)

Еден од најдобрите Македонски пејачи Боби Мојсовски сними песна и спот заедно со Тончи Хулјиќ & Мадре Бадесса “Ја би да сан опет мали”. Со оваа песна тие настапија и на CMC фестивалот во  Хрватска. Музиката за песната е на Тончи Хулјиќ, текстот на Вјекослава Хулјиќ, додека аранжманот заедничко дело на Тончи Хулјиќ и Душан Васиќ.

 

Тамара Ангеловска со прекрасна песна на англиски јазик (ВИДЕО)

Тамара Ангеловска ја објави својата прва авторска песна на англиски јазик со светски призвук насловена како „Blame of you“ во продукција на реномираната продукција High Records.

Видео приказната за темата „Blame of you“ која понатаму ќе добие и своја македонска верзија, снимена е во Струга во продукција на Џубокс Видео под режисерската палка на Џулиани.

Креацијата е на Златко Јовановски – ЈЗЈ и шминката на Ника мејк-ап целосно ја истакнуваат природната убавина на Тамара.

 

Прекрасна песна од Tајфата & Димитар Андоновски (ВИДЕО)

Тајфата и Димитар Андоновски снимија прекрасна песна со наслов “Седум дена седум ноќи” . Песната е авторско дело на дуото задолжено за правење хитови Лазар и Магдалена Цветкоски. Видеото го направи Vesta Production.

Македонката Регина со кореографија за “Someone’s Got You In Their Prayers Tonight”

 Регина Клењоски  ја креираше кореографијата за видеото за песната од Еван Шелтон “Someone’s Got You In Their Prayers Tonight” . Светската премиера на песната е најавена за денес.

Регина е уметнички директор на компанијата Regina Klenjoski Dance со седиште во Лос Анџелес и во Вичита. Таа во моментов е хонорарен професор во одделот за танц во Вичита Државниот универзитет.

За тие кои не знаат Регина Клењоски по потекло е од селото Јабланица кое се наоѓа во Струга.

Студиото   Regina Klenjoski Dance  е формирано во 1999 година од страна на Регина Клењоски и според публиката, критичарите и многубројните награди од областа на модерните танци тоа е едно од најпрестижните студија во САД.

“I Don’t Know Your Name” новиот хит на Мартија (ВИДЕО)

Вчера младата и многу талентирана наша пејачка Мартија Станојковиќ ја објави својата нова песна “I Don’t Know Your Name” . И  оваа песна како и  евровизиската со која Мартија настапи на детската евровизија е комплетно авторско дело на извонредниот Александар Масевски.

Петар Маркоски – Македонија во последните неколку години едвај има музика

Што прави Петар во моментов како да го снема од музичата сцена периодов ?
Веќе од месец септември 2016 год се преселив во Италија каде запишав магистерски студии по Економија и Финансии во еден од најубавите градови во Италија – Венеција.
Штом станува збор за музиката …ќе одговорам со прашање, за која музичка сцена разговараме? Македонија во последните неколку години едвај има музика … медиумите преокупирани со сосема непотребни работи, па и да има музика нема кај да се промовира. Само во Македонија мора да молиш за да биде објавена вест за тебе дека промовираш нешто ново, нели ти објавуваат само ако имаш пријател …смешно многу! Сепак ќе речам со чест на исклучоци!
Понатака, Доволна е информацијата дека нема продукциски куќи, менаџери, локали каде да се пее таа музика, телевизии каде да се промовираат видео спотовите … да заокружиме ” Од каде да се заработи, па да се инвестира!? ” , а од друга страна тие кои снимаат знаат кои се цените за музика, текст, аранжман… така да, колкава и да е љубовта кон музиката, во Македонија згаснува!

 Те гледавме во некои од спотовите на Даниел Јовески како модел. Дали да очекуваме и натаму да те гледаме во такви улоги ?
Тоа беа интересни проекти кои ги изработивме со Даниел и претставуваа ново искуство, дружење  и професионалност, но сепак не е тоа за мене пред се јас сум музичар и уживам само во таа улога!

Познат си по преработките на многу странски хитови (популарните кавери). Дали наскоро може да очекуваме и авторска песна ?
Да, преработките се нешто што сакам да го правам во слободно време, пред нешто повеќе од месец дена објавив 4 нови  преработки кои можете да ги најдете на мојот YouTube канал Petar Markoski, песни на Sia, Shawn Mendes, Ed Sheeran, и тоа е нешто што би го правел понатака.
За моја авторска музика моментално воопшто не би се трошел додека не дојде подобро утре!

На публиката многу им се допадна проектот “ Зимска бајка” кој го направивте со неколку музичари од Охрид пред 2 години. Дали може да те видиме повторно во некој таков проект?
Настанот кој по прв пат се оддржа во Охрид и претставуваше мој личен проект се викаше “Let it Snow” а овој што го споменавте во вашето прашање горе е нешто друго што сака да биде “Let it Snow” 🙂
Мојата желба за организирање таков настан беше огромна, а моите очекувања на крајот и се надминаа. За мене беше тоа и повеќе од доволно!
Минатата година 2016 организиравме настан за денот на вљубените, настан насловен “Не кажувај либе добра ноќ…” кој на моја огромна чест и задоволство беше настан во склоп на “Фестивалот Охридско Лето” што за мене претставува момент кој ќе остане во моето срце засекогаш.
По ова што го напоменав горе доаѓам и до мојот одговор на вашето прашање, а тоа е дека мојата желба за вакви настани не згаснала но сепак за настан од таков карактер се бара добра идеа, подготвеност, трпение и време што сега моментално ми е недостиг.

 Каде најчесто настапува Петар низ Македонија. Каде може да те најдат твоите верни фанови ?
Моментално никаде затоа што како што напоменав на почетокот, моментално сум во Италија и кога доаѓам во Македонија деновите ги користам за да се видам со моите дома, роднините, пријателите, да испиеме по едно кафе и да се насмееме за сето пропуштено време.

Што ќе им посакаш на крај на читателите на порталот www.javisejuzna.mk ?
Им посакувам љубов, успех и истрајност на сите!
Сонот е она што не води низ животот, ако сме го промашиле патот ќе побараме нов, но нема да дозволиме да се разбудиме!