Category Archives: ПАТУВАЊА

Во освојување на врвот Лиска

Во организација на Планинарско -еколошкото друштво Ендорфин од Кичево и Планинарското друштво Трансферзалец од Скопје викендов беше организирано искачување на врвот Лиска на Илинска планина. Искачувањето на врвот Лиска беше предизвик за  преку 300  заинтересирани поединци и претставници  на групи и планинарски здруженија од цела Македонија.

ПЕД  Ендорфин – Кичево
Почетната точка на тргнување на рутата долга 17 км  беше селото Големо Илино (опш. Демир Хисар) на 980 мнв со премин преку врвот Лиска  до крајната  точка – манастирот во  с. Прострање (опш. Кичево) на 995 мнв на североисточната страна од Илинска планина. Средно тешка тура во траење од 8 часа и совладување на вкупна висинска разлика од 960 метри.
Како што потврдија од ПД Трансферзалец освојувањето на врвот Лиска  како организиран настан претставува Априлски  предизвик за членовите на друштвото и сите заинтересирани ентузијасти.
Лиска се наоѓа на Илинска Планина -дел од масивот Бигла во западниот дел на Македонија, на надморска висина од 1.908 м. Тоа е седмиот по ред,  и еден од 12-те  врвови во Македонија кои со  акцискиот план на друштвото е предвидено да се посетат оваа година.
Местото нуди уникатна можност за уживање од каде се протега  поглед (360) на цела Западна Македонија, со  двете најголеми македонски природни езера Охридското  на југозапад, Преспанското  на југ,  врвот Пелистер на југоисток, целата област Железник (Демир Хисар) на исток, градот Кичево на север, планините Бистра Стогово, Крчин, Дешат и Кораб на северозапад и целата област и котлина Дебарца со планините Караорман и Јабланица на запад.
ПЕД  Ендорфин – Кичево
ПД  Трансферзалец – Скопје

Името на врвот Лиска за прв пат е споменето во пишувањата на  Македонскиот револуционер Ѓорче Петров кој во својата книга ,,Материјали по изучувањето на Македонија,,  запишал дека врвот Лиска на Беличка Планина името го добил  поради изобилието на  каменот плоченец (лискун) со кој располага овај предел. Потврда за тоа се и  кажувањата на мештаните во селото Големо Илино чии што куќи  се покриени со плочи од каменот лискун ископан токму од висинските карпи  на врвот  Лиска.

Курсеви по Фламенго во Шпанија

Што е Фламенгото?  Фламенгото претставува професионализирана артистичка форма на настап базирана на различните музички традиции кои потекнуваат од југот на Шпанија. Дека се работи за сложена танцова дисциплина потврдува и фактот што Фламенгото во својата комплексност ги инкорпорира пеењето (cante),  свирењето гитара (toque),  танцот (baile) и ракоплескањето (palmas).

И оваа година почнувајќи од 10 Април до 20 ти Мај Танцовата  Академија Flamenqueria од Севиља организира курсеви за изучување на Фламенгото. Со својот професионален тим од предавачи и кореографи оваа високо рангирана академија нуди екслузивна можност за запознавање со тајните на светски познатото Фламенго. Станете дел од оваа уникатна можност и запознајте се со  традициите и духот на Шпанската култура.   Повеќе информации околу уписот и условите можете да добите на следниов линк

Лице за контакт: Manuela Carasco, email:reservas@flamenqueria.es C/Castilla, 94 Sevilla Tel:+955226441 Доколку професионално се занимавате со танцување академијата нуди разни поволности околу размената на искуства и можност за соработка на проекти од заеднички интерес.

Plaza de España

Посетете ја Севиља и уживајте во изборот на сместување кое вам најмногу ви одговара. Севиља е дом на Фламенгото  и главен град на Андалузија, регион во јужниот дел од Шпанија познат по  Готската Катедрала и вечното почивалиште на Кристофер Колумбо.

Дуфски водопад

Водопадот Дуф се наоѓа во близината на селото Ростуше. Водопадот е висок околу 28 метри. Водопадот Дуф спаѓа во рамките на Националниот парк Маврово и од Скопје е оддалечен околу 125 км. До него се стигнува возејќи по регионалниот пат Маврови Анови  Дебар кој се протега по долината на реката Радика.

Водопадот се наоѓа на леснодостапно место и за да се дојде до него не е потребен голем физички напор. До него води обележана пешачка патека во должина од илјада и дваесет метри, така што, доколку се пешачи со просечно темпо, до водопадот се пристигнува за половина час. Од половина пат, патеката води по кањонот на Ростушка Река, кој на некои места е длабок и до 100 метри. На крајот од кањонот се наоѓа водопадот, скриен позади карпите, со висина над 25 метри. На местото е поставена алпинистичка опрема со која посетителите може да се искачат по карпите што го обиколуваат водопадот. За посета на оваа природна знаменитост се наплаќа влезница од 50 денари, со која се добива и брошура за водопадот, како и услуга од туристички водич.

“Hotel de Glace”-хотел од лед и мраз

Канадскиот “Hotel de Glace”,кој се наоѓа во близина на Квебек, а секоја година  привлекува се поголем број на туристи оваа година по 13-ти пат се враќа за потребите на посетителите. Станува збор за уникатен леден хотел што секоја година одново и одново се создава со неколку стотини илјади тони снег и мраз.

Минатогодишниот хотел беше инспириран од природата, а овогодинешната тема е “Патување во центарот на зимата”, инспирирана од истоимениот роман на Џулс Верн.

Туристите кои што доаѓаат во хотелот најчесто прават обиколка на хотелот, преноќуваат, па дури некои и стапуваат во брак во рамките на истиот.

 

Ѕидовите се изрезбани внимателно, се со цел истите да ги потсетуваат гостите на делови од Канада, а просториите се дополнети и со најразлични ледени украси и скулптури.

 

 

 

 

Поради се поголемиот интерес, оваа година бројот на соби е зголемен на вкупно 44, во споредба со претходните 36 соби.

Подводен ресторан кој ќе ве остави без здив

Шест метри под површината на Индискиот океан, првиот подводен ноќен клуб е претворен во ресторан кој им овозможува на гостите да го гледаат она што го јадат. Познат како Subsix, сместен во одморалиштето PER AQUUM Niyama на Малдивите овој ресторан нуди незаменлив поглед на океанот за многу посетители.

Стаклените ѕидови што го опкружуваат овозможуваат единствено доживување да вечерате сред океанот со поглед на 90 различни видови животни кои живеат на коралниот гребен.
За да се стигне до ресторанот гостите мораат со глисер да одат 500 метри од брегот, а потоа преку посебни скалила се спуштаат во ресторанот под морското ниво.

Можеби ќе звучи чудно, но новиот изглед на Subsix ресторанот е инспириран од околните морски животни. Бар во форма на школка, столици како морската саса со гумени прсти, корали како лустери и длабокото сино осветлување го прават овој ресторан уште поатрактивен.

Покрај тоа што претходно беше отворен само за ручек, после реновирањето, ресторанот сега е достапен и за венчавки, семинари од областа на морската биологија и тематски вечерни настани.

Словенија стана првата земја во светот што е прогласена за „зелена дестинација”

Словенија стана првата земја во светот што е прогласена за „зелена дестинација“, врз основа на проценката од холандската организација, Green destinations

Титулата на Словенија ѝ беше претставена во вторникот на церемонијата во Љубљанската тврдина, во рамки на дводневната конференција Global Green destinations day, истовремено со декларацијата за 100-те врвни одржливи дестинации, во кои е вклучена и Љубљана.

Основачот на Green destinations, Алберт Салман, изјави дека претставници на организацијата направиле интервјуа со Словенечкиот туристички одбор (STO), со вработени во различни министерства, стручни лица и професори, кои им дале задоволителни одговори на нивните прашања врз основа на сто критериуми. Одговорите исполниле 96% од критериумите. 

Заблагодарувајќи се за титулата, државниот секретар во министерството за економски развој и технологија, Ева Штравс Подлогар, кажа дека развојот на одржливиот туризам беше клучна заложба во рамки на стратегијата за развој во периодот 2012-2016 година и дека ѝ е драго што резултатите го потврдиле тоа.

Директорката на туристичкиот одбор (STO), Маја Пак, рече дека Словенија станува препознатлива кај меѓународната туристичка заедница како мала земја која презема големи чекори во одржливиот туризам, посочувајќи дека „зелената идеја за словенечкиот туризам“ на туристичкиот одбор, промовира зачувување  на животната средина и локалната автентичност, кои придонесуваат за подобрување на квалитетот на животот. 

Покрај Љубљана, на листата се најдоа и Нова Горица, Брда, Крањска Гора, Марибор, Птуј, Градец, Бела Крајина и Велење.

Конференцијата Global green destinations day почна на Светскиот ден на туризмот, 28 септември, на која присуствуваа 350 експерти и професионалци во одржливиот туризам од Европа и пошироко: Источен Тимор, Боцвана, Руанда, Индонезија, Јужна Африка и САД.

На отворањето, сите учесници се согласија дека зелениот туризам во минатото се сметал како предност, а денес како нешто што туристите го очекуваат. Секој турист денес сака да посети места што се зелени, мирни, чисти и автентични.

Петте најлуксузни замок хотели во Шпанија

Популарно наречени ,,castle- хотели,, или ,,paradores,, замок хотелите претставуваат луксузни објекти за сместување во историски пренаменети градби како манастири или замоци.Парадор хотелите во Шпанија го промовираат туризмот како и вековната традиција и култура на Шпанскиот народ. Ви ги откриваме петте најлуксузни замок хотели во Шпанија.

1. Parador de Leon – Hostal San Marcos
е препознатлив по тоа што е еден од најпознатите и најубави замок хотели на северот од Шпанија во градот Леон, лоциран на пространиот плоштад Сент Марко. Во XVI век пред да биде пренаменет овој луксузен хотел служел како манастир а воедно и болница со истоменото име. Совршениот спој на стара архитектура, колосален изглед, епски декор и одлична услуга, со векови ги воодушевува и импресионира патниците кои доаѓаат да го посетат ова здание

2. Parador de Santiago de Compostela, A Coruna – Hostal Dos Reis Catolicos
е вториот по ранг замок хотел со пет звезди лоциран во центарот на северо западниот град Ла Коруња. Како еден од најлуксузните хотели Parador de Santiago е истотака и еден од најстарите хотели во светот.Овој светски препопознатлив бренд е спој на традицијата и витешкото благородништво. Специјалнот древен дизајн, луксузните ресторани, одличната кујна, спектакуларното зеленило и преубавите сводови се карактеристика на хотелот со светско реноме – Parador de Santiago.

3. Parador de Alarcon
лоциран во градот Cuenca во седмиот век бил Арапска тврдина и замок. Во денешно време хотелот замок со 4 ѕвезди е спој од средновековен и модерен стил на уживање кој со својата грандиозност ве прави да се чувствувате инспирирани и енергични. Хотелот е препознатлив по високата кула на врвот од тврдината и богатиот раскошен ентериер декориран со колекција перфектно зачувани средновековни слики.

4. Parador de Granada
е уште еден од препознатливите Повеќе...парадор замок хотели изграден во Андалузија во градот Гранада на јужниот дел од Шпанија.Карактеристичен е по егзотичните цветни градини, древните сали и фонтани кои потсетуваат на едно славно минато. Класичен мих на арапскиата и средновековна христијанска култура хотелот замок во Гранада е место каде посетителите се вљубуваат на прв поглед во летната тераса, егозитичното зеленило и пространите гостински соби опремени со уникатен мебел и средновековни оригинални орнаменти.

5. Parador de Oropesa
е изграден во 986 тата година на врвот од ридот во градчето Толедо, во централна Шпанија. Од бројните погодности кои ги нуди овој прекрасен сместувачки капацитет вредни за напомена се удобните гостински соби, прекрасните салони, терасата, отворениот базен и ресторанот во средновековен стил.Спектакуларната градска панорама и вкусните јадења во комбинација со оригиналното средновековно опкружување го прават овај замок уникатен препознатлив и незаменлив.