Category Archives: РАЗНО

Ејпл престави нови телефони на пазарот (ВИДЕО)

На 12-ти септември 2017 година Ејпл ги престави iPhone 8, iPhone 8 Plus и iPhone X како резултат на прославата на 10 годишнината на Ејпл и искажувањето почит на Стив Џобс како основач.Првиот iPhone беше пуштен во продажба на 29-ти јуни 2007 година и оттогаш Ејпл имаше продажба на над 1 билион од нив во светски рамки.
Новите карактеристики на iPhone 8 вклучуваат безжично полнење, 4к видео, додека iPhone X вклучува нов дизајн базиран на смарт телефоните,вклучувајќи препознавање на лицето на корисникот наместо хоме копче, потоа анимирани емоџис (Анимоџис) и многу повејќе. iPhone 8 има почетна цена од 699 долари, а iPhone X достигнува 999 долари и тие ќе бидат пуштени во предпродажба од 3 ноември 2017.

Наташа Костовска

 

Започнува новата сезона на “АРЕНА” , прв гостин Предраг Јанчески

Утревечер во 18:30 на ТВ Сонце започнува новата сезона од спортската емисија “АРЕНА” со Петар Једиковски.                   Прв гостин во новата сезона ќе биде Предраг Јанчески дипломиран спортски менаџер и уредник на сајтот www.javisejzuna.mk . Предраг ќе зборува за и околу актуелните состојби во Македонскиот спорт.

 

 

ТОW#400 – Спречување на одбивање

 Никој од нас не сака да биде одбиен, ако замоли за некоја услуга. Од таму потекнува и самиот проблем. „Зошто би прашал некого за нешто, кога тој/таа можеби ќе ме одбие? Ајде, подобро ќе си молчам отколку да кажам нешто…“ и така проблемот продолжува до недоглед.
Секое одбивање си има свои последици. Во зависност од тоа како го разбирате одбивањето, такви се и последиците, но најчесто не сме свесни за нив, дури малку подоцна… можеби…
Одбивањето може да се гледа од аспект на неприфаќање на вашите идеи и предлози, но и од аспект на ментално одбивање. Какво и да е, одбивањето не е убаво, па затоа и прашањето, како да го превенираме одбивањето:
  • Идеја/мисла – имајте идеја, идеја којашто ќе биде возможна, остварлива и решение за некој проблем. Немојте да „летате“. Бидете си реални.
  • Секогаш бидете подготвени – пред да започнете во развојот на концептот, направете истражување за потребноста на концептот, за развојот, за бенефитите, а после тоа пред кого сакате да презентирате, кој сè би требало да биде вклучен…
  • Планирање – испланирајте сè до најситен детаљ и имајте ги информациите, по можност од релевантни места. За да направите добро истражување, ќе треба да вклучите и други луѓе.
  • Време – сè е ова погоре убаво напишано, веројатно и го знаете, но за сето ова е потребно време. Немојте да биде прекратко, но немојте да планирате со месеци (во зависност од тежината на проблемот). А воедно испланирајте го и времето кога сакате да го презентирате или објавите.
  • Чисто и едноставно – кога ќе презентирате, сето тоа треба да биде стокмено, така што едноставно никој да нема дополнителни прашања, бидејќи вие ќе се погрижите сè да биде кажано со презентирањето. Употребувајте едноставен и разбирлив јазик.
  • Држете се до релевантното – во зависност од тоа пред кого презентирате, тоа ќе биде важно и ќе се придржувате кон него. Немојте да бегате од темата. Дозволено е бегање од темата само ако тоа ви иде во прилог. Вие го водите разговорот, а не другите.
  • Употребувајте правилна комуникација – најчесто вербална, но тука е дозволено и говорот на телото, но само ако знаете како да го работите, во спротивно, бидете си свои.
  • Предложете остварливо решение – на крај мора да имате решение и тоа да биде лесно остварливо. Под лесно, не значи само навистина лесно, туку и да е реално остварливо, можеби ќе чини многу, но бенефитите се големи, итн.
Справувањето со одбивањето е нешто на што се работи постојано. Не за друго, во животот ќе бидеме многу пати одбиени, но мораме да се научиме да ги пребродуваме проблемите.
Со успех во промените,
@kalin.babusku
Член на тимот
МАКЕДОНИЈА-ЕКСПОРТ Консалтинг

Arrow Smartwatch (паметен часовник Ароу)

Arrow Smartwatch (паметен часовник Ароу) е првиот часовник со вградена 1080p HD ротирачка камера,микрофон и звучници. Со негова помош се снимаат прекрасни фотографии и видеа.Дополнително може да се уредуваат и управуваат сликите или видеата од часовникто.Со апликација за iOS и Android, Arrow обезбедува известувања во реално време за повици, пораки и социјални медиуми.

Наташа Костовска

TOW#399 – Затоа што сите така прават!

Зошто поминуваш среде улица, а не на пешачки?! – Затоа што сите така прават!
Зошто не ги изми садовите во канцеларија?! – Затоа што сите така прават!
Зошто го фрлаш сметот на улица, а не во канта?! – Затоа што сите така прават!
Зошто не го пополни документот на работа?! – Затоа што сите така прават!
Зошто не ја заврши таа активност?! – Затоа што сите така прават!
Зошто во банка се туркаш преку ред?! – Затоа што сите така прават!
Зошто не застануваш на пешачки?! – Затоа што сите така прават!
Зошто не го собра изметот од кучето?! – Затоа што сите така прават!
Зошто земаш мито?! – Затоа што сите така прават!
Зошто не го раскренеш бирото?! – Затоа што сите така прават!
Затоа што сите така прават! – најлесниот изговор или правило зад кое се кријат голем број оправдувања.
Сум бил во ситуација кога нешто нема да се заврши како што треба, од мене или од некој друг, и да си дадеме одговор или изговор дека – така прават сите. Ова го правиме бидејќи ни е полесно, не мрзи, не ни се троши енергија и време, не сме свесни за последиците (мала одговорност), се срамиме да бидеме различни од другите (прифатени од другите), зошто сме лесно поводливи или помалку морални, т.е. дека сме големи конформисти.
Нашиот мозокот е мрзелив. Секогаш ќе го бара полесниот пат и начин како да направи нешто. Ние го користиме овој изговор, бидејќи некогаш за да ги направиме работите како што треба, ќе ни бидат потребни повеќе време, пари, енергија или менување на нашите принципи, ставови и навики. Некои истражувачи велат, ако видиме некое дрво со јаболка ние ќе решиме да ги собираме оние што се најдолу, најлесно достапните. Дури и ако видиме дека тие што се погоре се подобри, нашиот мозок ќе најде изговор дека сепак изборот ќе биде лош, ако посегнеме по нив. Или, доколку ни е тешка некоја работата/активност, наместо да си кажеме „тешко е, но учам или вреди да се трудам повеќе”, нас полесно ќе ни биде да решиме да се откажеме.
Што е потребно да направиме и имаме на ум со цел да го намалиме користењето на овој изговорот:
  1. Тешко е: мора да сфатиме дека навистина е тешко да се оди по патот по кој се оди поретко. Ако повеќето ги кршат правилата и законите, и психолошки и социјално е потешко да одиме по правилниот пат.
  2. Да ја развиваме нашата индивидуалност: тоа значи да го следиме нашето срце. Ако некогаш го искористиме овој изговор тоа значи дека не се чувствуваме сигурно во себе и се криеме позади групата.
  3. Да имаме став/принцип: Ние за да бидеме социјално прифатени понекогаш правиме работи што ги прават другите, а нам не ни се допаѓаат. Бидете истрајни во вашите принципи и етика на работа и живеење.
  4. Да не потклекнеме на влијанието од другите: понекогаш сите прават нешто, но ние знаме дека тоа не е добро. Но, ако не го направиме другите ќе ни се смеат или нема да бидеме прифатени од групата. Треба да се балансира со другите, но јас секогаш одбирам (доколку знам дека сум во право или тоа е нешто позитивно) да останам на своето.
  5. Да бидеме различни од другите: сите ние сакаме да сме различни од другите, а сепак правиме работи што ги прават сите. Со помалку користење на овој изговор, ние сме веќе различни.
Тешко е да смениме нешто радикално во однос на ова правило на макро ниво, но она што може да направиме е да се смениме себеси во однос на тоа, да се криеме што помалку зад овој изговор.
Немојте да бидете како другите, бидете како третите, четвртите или петтите!
Со успех во промените,
Петар Лазаров
Член на тимот
МАКЕДОНИЈА-ЕКСПОРТ Консалтинг

Необични видови птици (ФОТО)

Птиците се најсовршените летачи меѓу животните. Благодарение на тоа, тие се распространиле низ многу оддалечени подрачја. Низ оваа фотогалерија може да погледнете необични видови на птици кои ги има низ целиот свет, а за кои не сме ни знаеле дека ги има.

Cicinnurus respublica – Вилсонова рајска птица

Colius striatus – Пругаво коли

Eudocimus ruber – Црвен ибис

Deroptyus accipitrinus – Ладалест папагал

Aix galericulata – Патка мандаринка

Buceros bicornis – Голем дворог клунорог

Sagittarius serpentarius–Секретар

Ocreatusunder woodii – Колибри знаменоносец

Casuarius casuarius – Обичен казуар

Erythrura gouldiae – Гулдова амадина

Porphyrio porphyria – Султанка

Numida meleagris–Бисерка

Goura victoria – Викториин крунест гулаб

 

Recurvirostra avosetta – Кривоклуна сабјарка

 

Passport:Глобален патнички адаптер (ВИДЕО)

Благодарение на вградените се-во-едно приклучоци и универзалниот излез на наизменична струја, може да работи беспрекорно во повеќе од 150 земји во светот.

Карактеристики:

Димензии: 2.24 “x 2.8” x 2.5 “/ 57mm x 72mm x 64mm

Тежина: 5.6oz / 159g

USB излез: 2.4A / 12W Макс на приклучок, 5A / 25W Вкупно со ZEN +

AC влез: 100-250V / AC 50 / 60Hz

Излезна моќност: 6A Max (600W на 100V или 1500W на 250V)

Наташа Костовска

Мини – паметен новчаник (ВИДЕО)

Новчаник во вид на сеф кој содржи 7 прегради за складирање на картички,пари… Содржи шифра која има безброј комбинации и доколку го загубите паричникот содржи вграден сензор за следење.

Наташа Костовска

Mokacam: Најмалата камера во светот

*Фотографија – Споредба на карактеристики во однос на останати камери

Mokacam со можностите што ги нуди е камера за секоја прилика. Содржи сензор за следење на движење,екран што се ротира, може да се монтира на површини со помош на магнет,се поврзува на Wi-fi за споделување на видео/слики на социјални мрежи и е водоотпорна.

Наташа Костовска

 

DigitsoleSmartshoe: Интелигентна патика

ЗДРАВСТВЕНИ АНАЛИТИКИ – Сензорите за движење ги анализираат нивото на погон, силата на удар, заморот, ставот на одење, чекорите, калориите и повеќе. Се добиваат прецизни податоци што ги спречуваат повредите и го подобруваат вашето здравје.

ПАМЕТНО ПОВРЗУВАЊЕ – Bluetooth 4.0 поврзувањето обезбедува персонализирани препораки за тренинг, анализа на шаблони и многу повеќе во реално време преку апликација за паметни телефони базирана на податоци за активност.

ДИЗАЈН – Дизајнот на следната генерација на чевли вклучува автоматизирање, регулирање на температурата со загревање и многу повеќе. Smartshoe е дизајниран во ултра-лесна, премиум кожа и Neotech EVA чевли.

Наташа Костовска