Декорирање на новогодишната трпеза

Декорирањето на новогодишната трпеза претставува вистинско задоволство и уживање. Имајќи предвид дека некои од нас веќе се одлучиле да ја прослават новата година во домашен амбиент ви подготвивме серија од слики кои се надеваме ќе ја поттикнат вашата имагинација и креативност во подредувањето на вкусовите.

Нека ви е среќна и успешна новата 2017 та!

Дали знаете каде се наоѓа највисоката елка

Највисоката елка во светот која пред четири месеци почна да се прави во Шри Ланка е завршена точно на време, за Божиќ. Оваа елка направена во главниот град на земјата Коломбо, е висока 73 метри односно 18 метри повисока од актуелниот рекорд.

 Елката чија конструкција е направена од челик и жица е украсена со 600 000 лед светилки, повеќе од 1 милион природни борови шишарки избоени во различни бои и завршува со 6 метри висока сјајна ѕвезда. За правење на елката потрошени се 80 000 долари, и при тоа овој потег е критикуван од Католичката црква како безпотребно трошење пари, наместо тие да бидат наменети за сиромашните.

Гинисовата книга на рекорди допрва треба да потврди дали е ова највисоката вештачка елка во светот.

Моментално рекордот го држи новогодишната елка направена во градот Гуангжу во Кина минатата година, која е висока 55 метри.

Европски Скијачки центри – Ливињо

Cheap Hotel Deals. Book now and get up to 75% Off.

Ливињо убедливо е еден од најефтините алпски скијачки центри во Италија. Сместен на 1820 метри надморска висина Ливињо преtставува позната шопинг дестинација пред се поради неговата местоположба каде покрај скијањето може да се ужива и во купувањето. Пристапните цени на алкохолот, цигарите, парфемите и брендираната роба се вистински магнет за туристите од цела Европа кои го посетуваат ова магично место во текот на целата година. Ослободувањето на плаќањето данок на овие производи претставува привилегија која датира уште од времето на Наполеон кога истиот во 1805 тата година, како тогашен владетел на Кралството Италија ги воведува царинските бенефити за Ливињо. Истите тие царински поволности подоцна се прифатени и надградени од Австро – унгарија во 1818 та и Европската економска заедница во 1960та година. Дополнителна причина да се посети ова зимско туристичко место се и добро одржаните широко појасни ски терени адаптирани пред се за почетниците како и за напредните скијачи. Следат, количината на снежни врнежи во текот на годината како и квалитетот на снегот кој вообичаено се задржува на патеките до средината на Април.

Главен недостаток кој го прави овај ски центар помалку атрактивен за разлика од останатите е пристапноста. Имено, неразвиената патна инфраструктура која го поврзува Ливињо со Бормио на исток, Сент Мориц на запад и Давос преку Кластер Егадин тунелот на север како и оддалеченоста од главните патни артерии кон Милано, Цирих и Бергамо го прават Ливињо помалку атрактивно место за посета од страна на искусните љубители на скијањето. Така на пример просечното времетраење на превозот од аеродромите во Милано или Цирих од Швајцарска страна, изнесува околу три и пол до четири часа во зависност од густината на сообраќајот и делот од денот кога се патува.

Карактеристични за Ливињо се тесните улици како и живописните и атрактивни куќички градени во стар алски стил. Вреден за напомена е и бесплатниот автобуски превоз кој сообраќа на далечина од 12 километри кружно и ги поврзува четирите дистрикт зони на Ливињо: Санта Марија, Сан Антонио, Сан Роко и Трепале – местата од каде започнува вистинската зимска авантура. Инаку ски центарот е поврзан со мрежа од триесетина ски лифтови на двете страни од долината. Гондолата Карусело е главниот линк кој води до највисоката точка – врвот Карусело на 2797 метри надморска висина, и до кој се стигнува во две етапи. Тоа е местото од каде отпочнува скијањето надолу преку сртот Вета Блесациа и Костациа на 2328 м.н.в по стрмната надолнина се до спротивната страна на влезот од Ливињо на надморска висина од околу 1800-тини метри.Најатрактивната патека во Ливињо. Безмалку 1000 метри висински диференцијал од почетната точка и околу еден час фантастично скијање низ прекрасниот алпски живописен терен. Локацијата на сите ски лифтови е означена на мапата која е бесплатна и може да се најде насекаде, од кафетериите и рестораните па се до бутиците и штандовите каде се продаваат ски картите. Што се донесува до ски пасот, цената на ски картичка варира во зависност од понудата и периодот (почетокот, средината или крајот на зимата),  Тоа може да се купат на интернет, како и.

Сместувањето како и секаде така и тука е организирано на база на целодневен и полудневен пансион. Имајќи го предвид големиот број ресторани со кој изобилува местото сместувачките капацитети се продаваат претежно на база на полупансион. Тука се и големиот број апартмани и студија се разбира. Од хотелите со четири звезди би ги издвоиле Golf Parc и Intermonti. Хотели со три звезди Alpina, Helvetion и Viktoria. Околу цените и услугите кои се нудат во споменатите сместувачки капацитети подетално може да се информирате на следниот линк.

Hotel Helvetia

Александар Кираџиев Национален првак на Македонија во маратон

На колку години започна Александар да се занимава со атлетика и кој е “виновен” за тоа ?

Главен виновник за мојата Атлетика беше тогашниот Божиќен крос. Традиционална манифестација на која за прв пат, случајно слушајќи на телевизија, се пријавив и истрчав 12км. Тоа беше 1998 година, значи пред точно 18 години. Секако понатаму ветер во грб добив од моите родители и од тогашниот мој тренер (веќе починат), Методија Веновски.

Како од толку дисциплини во Кралицата на спортовите ти го одбра маратонот како најтешка дисциплина ?

Маратонот не го одбрав веднаш, туку од секогаш сум ги трчал пократките дисциплини (од 800м до 5.000м), што е и моја препорака до помладите кои влегуваат во светот на Атлетиката. Маратони трчам последните 3-4 години, затоа што веќе почуствував дека моето тело е веќе подготвено за тој толку долг и напорен пат од 42.2км. Маратонот дефинитивно е мојата дисциплина и тука ќе се обидам да го извадам целиот мој потенцијал.

И твојата сестра Весна е одличен маратонец.Колку си помагате еден на друг?

Весна е троен Национален Рекордер (10.000м, Полумаратон и Маратон). Со неа од секогаш сме си помагале, а сега како одминува времето, најголема меѓусебна помош имаме преку интензивни разговори на тема тренинзи, трки, организации на трки итн. А тоа сметам дека е поголема помош од било која друга.

Како успеваш да ги прилагодиш тренинзите ако се знае дека си и сопруг,татко а и работиш секојдневно?

Тренинзите ги правам по работа (17-18ч.), а при двојни тренинзи, правам и пред работа и по работа. Се обидувам да балансирам и оптимизирам и ако кажам дека е лесно и едноставно, ќе излажам. Тој е толку комплексен процес и се радувам што и мојата дама е исто така матичен трчач, па се разбираме околу тренинзите и чување на нашиот мал Вања. Сепак, мојата љубов кон трчањето е толку голема и искрена, што секогаш ќе барам и наоѓам  макар и мал простор да го изработам мојот тренинг.

На колку маратони настапи во изминатава 2016 и дали си задоволен од резултатите кои ги постигна ?

Во 2016 настапив на вкупно 3 Маратони: Скопски Маратон (Мај), Поштенски Маратон (Октомври) и Истанбул Маратон (Ноември). Оваа година се роди нашиот мал Вања и реално, оваа година ми беше така-речи експериментална. Може да сфати само човек кој го направил тоа што јас го направив – да има мало дете, да работи полно работно време, да тренира, да се снаоѓа сам за финансии и да си организира трки.

Како и да е, на Скопски Маратон успеав да ја одбранам титулата НАЦИОНАЛЕН ПРВАК во Маратон и со тоа да останам убедливо најдобриот Маратонец во Македонија, веќе 3 години наназад!

Како ги финансираш настапите на маратоните дали самостојно или имаш некои спонзори ?

 

Како што кажав, финансиите се моја одговорност. Спонзори за жал немам и доколку има некој кој би сакал да ја помага мојата маратонска кариера, нека се обрати. Имам помагатели, кои несебично, на свој начин се секогаш до мене (Скопски Маратон, Гостилница Ла Тана, Скечерс, Сара 4, Гармин Македонија). Многу поголеми чекори напред би грабал доколку има луѓе/фирми/институции/ ентузијасти кои би ми помогнале посериозно околу моето маратонство.

Дали има желба и мотиви кај Александар да го видиме на ЛОИ 2020 во Токио ?

Апсолутно! Како што кажав, јас сум најдобар Маратонец во Македонија, со 2:38 Маратон од минатата година и работам на тоа систематски и структурирано да го симнувам овој резултат. Целам кон ЛОИ Токио и мислам дека овој пат, главната Олимписка дисциплина – Маратон, ќе има за прв пат преставник и од Македонија.

Што ќе им посакаш за крај на нашите читатели и која е твојата желба за годината што претстои ?

На вашите читатели им ги честитам празниците и им посакувам успешна 2017. Секако и на вашиот тим големи успеси. Им препорачувам на сите кои ќе прочитаат, да бидат bona fide карактери, односно она што го прават да биде искрено, вистинско и без манипулации и малверзации. Систематскиот и искрениот пристап, секогаш резултира. Кога ќе се свртам назад позади себе, си потврдувам дека тоа е така и никогаш од ништо не се срамам.

 

Фидбек деновиве го снимаат спотот за новата песна

Музичкиот состав „Фидбек“ во наредниот период  ќе ја промовира својата нова, трета по ред студиска песна која го носи насловот „Влези во мојот живот“, а зад неа се потпишуваат Огнен Неделковски (текст) и Милан Стефановски (музика и аранжман).За таа цел деновиве го снимаат и спотот за новата песна.Во продолжение може да видите и неколку фотографии од снимањето на спотот.Песната е снимена во студиото на „Кларион Продукција“, а музичкиот состав „Фидбек“ е составен од 5 професионални музичари во комплетен вокално-инструментален состав и тоа: Јане Славов (вокал), Игор Гудески (тапани), Томислав Димовски (соло гитара), Бобан Клењоски (клавијатура и вокал) и Стефан Петрушев (бас гитара).Официјално постојат од 2009-та година, а за сите овие години можат да се пофалат со настапи на голем број свадбени прослави, матурски вечери, настапи во најпознатите дискотеки од сите градови во Република Македонија, настапи како придружен бенд на познати телевизиски емисии како „Опуштено“ со Тони и Део и други.Момците од „Фидбек“ зад себе имаат голема соработка со многу естрадни уметници од земјава и странство, меѓу нив може да се истакнат настапите како пред група на солистичките концерти на Здравко Чолиќ, Тони Цетински и Аца Лукас, но и како пратечки бенд на настапите на босанската нова ѕвезда, Маид Хеќимовиќ Она што е особено интересно за овој бенд е токму нивното големо внимание кое го посветуваат на делот со забавна музика на свадбените свечености каде изведуваат евергрини од македонската и светската сцена, но и шпански и латино хитови.

Споредба на игрите на Вардар и Металург во Сеха лигата

Поради престојното Светско првенство во ракомет во Франција следува пауза и во Сеха лигата. Порталот www.javisejuzna.mk направи анализа на досегашните настапи на Вардар и Металург во ракометната Сеха лига. Целата анализа се темели на податоците од официјалната страница на Сеха лигата   http://www.seha-liga.com/stats

Изминатава полусезона Вардар одигра одлично во Сеха лигата каде на 15 натпревари забележа 12 победи,2 натпревари завршија нерешено а доживеа само еден единствен пораз од екипата на Загреб. На крајот собра 38 бодови и мометално се наоѓа на првата позиција со 3 бодови повеќе од второпласираниот Веспрем.

За разлика од екипата на Вардар вториот наш претставник Металург одигра 13 натпревари на кои забележа 3 победи,една средба заврши нерешено и загуби на 9 натпревари. На крајот собра 10 бодови и се наоѓа на осмото место.

Индивидуално најдобар стрелец во Вардар е Тимур Дибиров со 70 голови, додека најдобар стрелец во екипата на Металург е Филип Талески со 46 голови.

Најдобар просек на реализација кај Вардар има повторно Тимур Дибиров со 75,3% (70 голови од 93 обиди), додека во Металург најдобар процент има Никола Костески со 72,7% (32 гола од 44 обиди).

Кога сме кај асистентите најмногу асистенции има Лука Циндрич (Вардар)- 27, додека во Металург најдобар е Мартин Велкоски со 26.

Најдобар крадец на топки е Македа од Вардар со 9 украдени топки, додека кај Металург има четворица со по една украдена топка: Драгаш, Кузманоски, Палески и Костески.

Најдобар процент на  погодени удари од крилна позиција има Никола Костески од Металург -69,2%,  додека на спротивната страна Тимур Дибиров од Вардар со 67,6%.

Кога се голманите во прашање најдобар е Петар Ангелов од Вардар со 31% на одбранети удари, додека на спротивната страна најдобар е Дарко Арсиќ со 29,5% на одбранети удари (одбранил и 4 пенали). Притоа вреди да се спомне учинокот и на младиот Даниел Ѓорѓески од Вардар кој бранеше само на 3 натпревари но има одличен просек од 41 % на одбранети удари.

Се надеваме напролет и Вардар и Металург ќе не радуваат со уште подобри резултати и во Сеха лигата но и во Лигата на шампионите каде очекуваме Вардар  да стигне до толку посакуваниот Фајнл фор .

Стефан Николоски-сопственик и менаџер на Хотел Амбасадор од Охрид

За читателите на www.javisejuzna.mk поразговаравме со младиот Стефан Николоски долги години сопственик и менаџер на Хотел Амбасадор Охрид.

За тоа како и од кога започнал да се занимава со менаџирање и кои се неговите идни планови може да прочитате во следното интервју:

 

Јави се јужна:

 Колку време постои Хотел Амбасадор и како започна со работа?

 

Стефан Николоски:

Хотел Амбасадор постои oд 2001 година. Хотелот е производ на нашиот друг матичен бизнис, а тоа е продажба на возила и мотори со кој се занимаваме од 1993 година. Од тогаш па се до овој момент хотелот со тогаш мал капацитет како на соби така и во ресторанот постојано растеше да денес брои 24 соби и ресторан со капацитет од преку 400 гости.

 

Јави се јужна:

 Што се промени за овие години постоење и на кој принцип работите?

 Стефан Николоски:

Примарно хотелот работи со групи, договорени екскурзии за деца и средношколци, како и со свадби. Нашите кулинарски специјалитети како и се останато се добро познати кај многу задоволни клиенти кои самите не препорачуваат на други.

Хотел Амбасадор Охрид

Јави се јужна:

Што нуди Хотел Амбасадор за Новогодишните и Божиќните празници ?

 Стефан Николоски:

Хотел Амбасадор за новогодишните празници нуди жива музика на 25, 29, 31 Декември и 1 Јануари , како и дочек на Стара Нова година – Василица. Во текот на овој период има разни мениа во поглед на храна и неограничен пијалок .

 Јави се јужна:

Покрај раководењето со Хотел Амбасадор ти си успешен менаџер и во уште неколку други области?Кои се тие ?

 Стефан Николоски:

Покрај раководењето на Хотел Амбасадор каде сум и сопственик (со моето семејство), јас сум менаџер на добро познатиот Амбасадор Мото центар кој се занимава со продажба и одржување на скутери и моторцикли веќе 20 години.

Меѓу другото сум дел од сопствениците и менаџментот на Shilla coffee and  bar кој се наоѓа во срцето на Охридската чаршија, каде сме препознатливи по вкусни и разновидни врсти на кафиња, смути и коктели.

Shilla- coffee and  bar

Јави се јужна:

Што наредно може да очекувамe од Стефан Николоски?

 

Стефан Николоски:

Околу прашањето што следно се очекува можам само скришно да кажам дека Shilla coffee and bar веќе е во преговори за проширување и зајакнување на својот бренд преку отворање на нови продажни места -пултови како и нов bar.

 

Јави се јужна:

Стефан ти благодариме за одвоеното време.Што имаш за крај да им порачаш на нашите читатели?

 

Стефан Николоски:

Од мое име и од името на Хотел Амбасадор, Амбасадор мото центар и Shilla coffee and bar им посакувам на сите читатели Среќни Новогодишни и Божиќни празници, да бидат здрави живи и весели.И ги очекуваме да не посетат нареднава 2017 и да се уверат во се она што кажавме.

Петте најубави градини во светот

Ботаничките градини во светот ни даваат можност  да и се восхитуваме на природата.  Еден ден возење низ шарените, миризливи цвеќиња и восхитувачката природа е најдобар начин да се релаксирате и одморите.

Ова се петте најубави градини во светот:

  1. Keukenhof градина ( Холандија )

Оваа градина е позната како градина на Европа. Градината располага со 32 хектари земја полна со лалиња, мелници, фонтани и езера кои пленат со својата убавина.Можете да уживате во убавината на лалињата ( преку 800 видови на лалиња ) особено три месеци во годината од март до мај, па затоа е важно навреме да го испланирате вашиот одмор во Холандија. Keukenhof градината е на половина пат помеѓу Амстердам и Хаг и е сопственик на еден  од главните симболи на земјата: лалето. Keukenhof градината е одлична забава и за децата. Во неа има лавиринти и игралиште во кои тие можат да се забавуваат. Накратко кажано, забава за целото семејство.

 

  1. Градините на Клод Моне ( Франција )

Овие градини можат да ги препознаат сите оние кои ги виделе најпознатите слики на импресионистичкиот сликар Клод Моне, бидејќи повеќето од неговите дела ги сликал токму таму. Како и неговите слики, така и градините го менуваат својот изглед во зависност од сезоната. Тука имате можност да го посетите и домот на познатиот сликар кој содржи репродукции на многу од неговите најпознати слики и неговата огромна збирка јапонски отпечатоци.

 

  1. Петерхоф Палатата со градини ( Русија )

Една од најпознатите и најпопуларните туристички атракции во Санкт Петербург е Петерхоф палатата и паркот. Оваа палата импресионира со своите градини и ги пречекува посетителите со својата восхитувачка убавина. Звукот на природата во придружба на водата од фонтаните се вистинско задоволство. Особено импресивен е фактот што сите дизајнери на градини кои работеле на овој имот успеале да ги надминат екстремно неповолните услови на северна клима и да создадат градини со зеленило и цвеќиња, прекрасни пејсажи и раскошни архитектонски украси.

 

  1. Версајскиот дворец со градини  ( Франција )

Сместени на западниот дел од палатата, градините покриваат околу 800 хектари земјиште, од кое голем дел е уреден во класичен француски стил. Интересно е да се забележат фонтаните кои се наоѓаат низ големите тревници, разнобојните цвеќиња и скулптурите. Користејќи ја истата хидраулика уште од времето на Луј IV, фонтаните ги прават градините на Версај уникатни.За време на викендите од крајот на пролетта до почетокот на есента сите фонтани во градините се во целосна претстава. Посетителите можат да уживаат во овој спектакл кога сите фонтани танцуваат во ритамот на музиката.

 

  1. Градината на кактуси ( Шпанија )

Сместена во ( Гуатиза ) Лансароте, еден од канарските острови под управа на Шпанија, градината на кактуси е создадена од страна на уметникот и архитект Цезар Манрике. Таа е една од познатите дела на Манрике. Овде можете да уживате во глетката на повеќе од 1400 видови на кактуси од целиот свет. Почитувањето на природната околина е клучниот момент на ова архитектонско дело на Манрике што може да се види токму од оваа градина целосно интегрирана во пределот на островот. Ветерницата која се издвојува е најдоброто место да се фотографира оваа градина која е изградена во форма на амфитеатар.Идеално место за одмор додека ја посетувате оваа градина е езерцето во градината или кафулето каде може да се освежите.

 

Дедо Мраз во светот

Лондон

 

Копенхаген
Венеција
Сеул
Њујорк
Хонолулу

 

Kраснојарск

Зимски градини-Цветни соби

ЦВЕТНАТА СОБА честопати се дефинира како составен дел на куќата, односно дополнителна дневна соба, удобно наместена и украсена со собни растенија. Меѓутоа, некои љубители на собни растенија ќе посакаат нивната цветна соба да биде затворен продолжеток на нивната градина.

Кога се гради цветна соба, се води сметка за тоа на кој дел од куќата да се додате, за да се вклопи убаво, а истовремено да биде поврзана со кујната, ходникот или со друга просторија во која се престојува.

Цветната соба треба да биде доволно осветлена, да има систем за проветрување, по можност таванско проветрување. Сите активности во цветната соба се околу растенијата ( садење, пресадување, размножување, нега ). Па поради тоа подот и мебелот мора да бидат практични и од отпорни материјали.

Воздухот во цветните соби не треба да биде сув, бидејќи нема да им е погоден на растенијата, а и ќе го поттикнува напаѓањето на некои болести и штетници.

Најчест проблем во негата на собните растенија е претераното залевање. Правило е да се залева дури кога компостот речиси се исушил. Во текот на активното растење се залеваат обилно, а многу помалку зиме, кога растенијата мируваат – два пати месечно или дури и поретко ќе биде доволно. За залевање на растенијата најдобро е да се користи вода која има иста температура како и самите растенија и супстратот во кој се посадени, однодно стоена вода.

Растенијата имаат важна улога во насочувањето на енергијата и хармонијата во домот. Сите растенија шират позитивна енергија бидејќи го прочистуват воздухот и помагаат животната енергија да циркулира низ домот. Украсувањето со растенија не само што визуелно ќе ги разубави просториите, туку ќе помогне и во намалувањето на вревата, освежувањето на воздухот и обликувањето на помалку стресен амбиент.

Затоа, доколку немате услови да си направите цветна соба, доволно е да имате и по некое растение во дневната соба со кое ќе ја украсите дневната соба, а со тоа ќе донесете и позитивна енергија во вашиот дом.