АНДОНОВА ПОТПИША ЗА ПСЖ

Најдобрата македонска фудбалерка Наташа Андонова направи мега-трансфер, откако од шведскиот Розенгард се пресели во редовите на Пари Сен Жермен. Поради настапот за Розенгард во првиот дел од сезоната, нема да може да му помогне на ПСЖ во обидот да ја освои Лигата на шампионите во женска конкуренција.

Јога – за опуштање на телото и умот

Што е јога?

Јога претставува древна индиска техника која ги поврзува физичкиот, менталниот и духовниот аспект на човекот од една страна и силите на природата од друга страна.
Таа се состои од практични вежби за телото и умот. Вежбите за телото вклучуваат физички позиции, а вежбите за умот вклучуваат вежби за дишење и медитација. Можеби звучи едноставно, но јогата всушност и не е толку едноставна техника. Некои физички вежби се многу сложени и тешки, така што почетниците тешко можат да ги изведат. Но, сепак во јогата има толку многу работи што можат и почетниците да ги изведат за да го подобрат телото и духот.

Зошто треба да ја практикуваме јогата?
Менталните техники што се користат при јога успешно се справуваат со ослободувањето од последиците од динамичното и стресно живеење, техниките за дишење носат повеќе енергија, а телесните вежби го одржуваат телото во добра форма. Оваа вештина постојано го менува нивото на здравје и енергија кон подобро. Јогата може да ве ослободи од стресот. Бавното и лесно дишење го смирува нервниот систем, го релаксира телото, го забавува протокот на крв и го релаксира срцето. Јогата ги зајакнува мускулите, ја зголемува подвижноста на зглобовите, го контролира држењето на телото, ја поттикнува работата на внатрешните органи, го зајакнува имунитетот, ве ослободува од напнатост, воспоставува правилно дишење. Особено е корисна за луѓе кои страдаат од артритис, реума и болку во грбот, а вежбите за дишење се корисни за луѓето кои имаат астма.
Јогата може да ја практикуваат сите, не постои старосна граница. Само има разлика во вежбите.

Колку често треба да се практикува јогата?
Практикувањето на јога зависи од тоа колку стресно живеете и колку време, дисциплина и волја имате за вежбање.
Еднаш неделно е минимум за да одржите баланс и рамнотежа. Два пати неделно е оптимално кога почнува да се забележува напредок. Три пати неделно е за оние кои максимално сакаат да се посветат на себе. Но, најдобро е да се вежба секој ден по 10 минути.
Вежбите најдобро е да се прават на празен стомак наутро или навечер да се прават полесни вежби. Потребно е најмалку еден месец за да се приметат промените на вашето тело. После шест месеци веќе има големи промени на вашето тело, начинот на размислување и jакнење на имунитетот.
Немојте да јадете најмалку 2 – 3 часа пред вежбање јога.
Разбудете ја внатрешната сила и разберете ја својата вистинска природа со практикување на јогата.

– Најстарата инструкторка по јога во светот е Тао Порчон – Линч, поранешна балерина која денес има 98 години. Таа веќе 75 години секое утро станува во 5 часот и веднаш почнува да ги подучува луѓето како да живеат здрав живот.
,, Се е моќно, ништо не е невозможно,, е нејзината изрека.

Ирис Митнаер-Мис на универзумот

На годинашниот избор за Мис универзум кој се одржуваше во Манила, Филипните победи преубавата Ирис Митнаер 24-годишна студенка по стоматологија од Лил,Франција. Во изборот вкупно учествуваа 86 девојки од целиот свет.

 СП Франција – Експертско првенство

Домаќините како по обичај се тие кои ги темпираат и закажуваат термините за одигрување на натпреварите, па со самото тоа се во привилигирана позиција во однос на сите останати. Дури не им требаше на французите никаква друга привилегија, со тоа што беа домаќини, имаа познати терени, публиката им беше ветер во грб, медиумското внимание беше вперено во нив, па сите останати селекции како однапред да извадија ,,Бело знаме и целта како да им беше само како да се стигне до бронзениот медал.

Но, да бидам коректен и да потенцирам дека не случајно е овој наслов што е, бидејќи Франција е ,,Експерт по ракомет па и експертски го одигра цел шампионат. Тие имаат свој стил, начин на игра, имаат огромен играчки потенцијал, голем избор на клупата, едноставно имаат систем кој делува моќно и недостижно. Престојниов мундијал нудеше можност за калкулации, бирање на противници избегнување несакани ривали.

Горе-долу калкулациите им успеваа помалку или повеќе, можеби затоа  Хрватска и Словенија добија можност за медал, а Германија, Данска и Шпанија рана елиминација. На сите нив главен проблем им беше Франција ама сакале или не веќе во 1/2 финале една од нив мораше да се соочи со нив, џек потот беше од Словенија.

Словенците не се ни разочараа на овој факт бидејќи и самите беа свесни дека порано или подоцна мора да се соочат со најголемиот фаворит за титула репрезентацијата на Франција. Домаќините на тој натпревар одигра со сите расположливи сили, односно Дидие Динар им ја подели подеднакво минутажата на сите ракометари што му се на располагање, а пак тие сите му одговорија на најдобар можен начин и секој имаше запазена ролја кога ја добиваше дадената шанса и максимално ја користеа сите.

Словенија на чело со Вујовиќ пробуваа да го дадат својот максимум, да одиграат на високо ниво, да ги одиграат натпреварите на своите кариери, да им пружат достоен отпор на фаворитот. Крајниот резултат изразен во 31:26 е доволен показател дека и кога ќе се остави срцето на терен, кога секој го дава максимумот од себе не мора и не значи дека победата дека ќе ти припадне. Словенците по крајот на мечот на нивните лица не се гледаше разочарување, немаше солзи, немаше нервозни гестикулации и вербални препокувања, што значи беа задоволни од самите себе и мислите веднаш ги насочија кон натпреварот за трето место, а Франција веднаш се насочи на второто 1/2 финале помеѓу Норвешка и Хрватска.

Вториов натпревар фаворитската улога им беше доделена на Хрватска, не поради одиграното на терен, туку поради нивната долгогодишна традиција да бидат во врвот на светскиот ракомет, поради ракометарите кои настапуваат во најдобрите европски ракометни тимови, поради искуството од ваквите настани.

Норвешка ја нема на врвот на светскиот ракомет, тие се во сенка на своите женски колешки кои доминираат во светско ниво во делот на ракометот, но сликата се менува од година во година, норвешките ракометари се на цена на европскиот ракомет, се враќаат на сцена, сепак тие се скандинавска школа, каде имаат динамичен стил на игра, брз пренос на топката, со брзи контри и полуконтри и луцидни крила. После Франција играчки норвежаните беа втори по квалитет и секој потсвесно ги апострофираше за фаворити за медал на овој мундијал.

Скадинавците имаат предводник во младиот Сагосен, кој од лето ќе настапува за ПСЖ, но останатите се исто така квалитетни и имаат по двајца ракометари во конкуренција за одредена позиција, тие ги имаат: Бергеруд (голман), Бјорнсен и Јондал (крила), Ли Хансен (лев бек), Сагосен  и О”Саливен (Плејмејкери), Танген и Тонесен ( десни бекови), Мирхол (пивот) се на се една компакна, хомогена екипа.

Коцкестите во најголем број на минути од натпреварот го диктираа темпото, ја имаа контролата се беше во нивни раце. Првото полувреме го одиграа до перфекција и требаше само да се повтори дел од таа игра од првото полувреме. Норвешка не се откажа од стилот на игра и завршувањето на акциите по само 5 секунди напад , па и зошто би се откажале кога тоа на нив им носи резултат и брзи голови.

На средина на второто полувреме хрватите како по обичај на ова првенство имаат период на ,,Празни минутиили ,,Црн период , таквиот пристап и подарок секоја искусна селекција како Норвешка би го искористила за своите потреби и за враќање на резултатот во своја полза. На 5 минути до крајот Хрватска имаше 2 позитива но и таа нивна предност беше анулирана, но во нивниот последен напад, Муса имаше зицер за победа, беше фаулиран не постигна гол, а судиите досудија седмерец , коцкестите беа во еуфорија и со подигнати раце, а скандинавците беа со пешкирите на глава.

Златко Хорват ја презеде одговорноста да го шутира последниот седмерец иако претходно од истата таа позиција промаши. Бергеруд остана на голот во обид да одбрани што и му успеа и го процени ударот, ја виде намерата, рефлексно реагираше и им донесе нерешен резултат по одиграните 60 минути.

Настана еуфорија сега само на спротивната страна, каде ладните сканинавци видно го покажаа своето задоволство и насмевки, а хрватите останаа во чудо и неверување по исходот на средбата. Правилата налагаат во ваков случај да се одиграат 2 X 5 минути. Првите 5 минути Хрватска повторно имаше 2 позитива, но поради заморот, поради психолошкиот притисок ја доведоа повторно Норвешка во позиција да го преземе водството и на крај да ја однесе победата. Хрватска заедно со цела спортска јавност во неверување и шок, а норвежаните добија неповторлива можност да го осетат вкусот на големото финале.

Натпреварот за трето место го донесе балканското дерби помеѓу Словенија и Хрватска, но расположението беше сосема спротивно, бидејќи коцкестите одиграа исцрпувачки 70 минути и шокантен пораз, а и фактот дека имаа помалку од 24 часа за рекуперација, одмор и анализа за наредниот натпревар. Додека кај словенците имаа ден повеќе за одмор, не беа оптоварени со бремето на победа против Франција па беа задоволни од дотогаш одиграното ги добија симпатиите на спортската јавност во Франција и попдготвено со големи мотиви го дочекаа балканскиот дуел.

Хрватска како против Новешка така и против Словенија имаа одлично прво полувреме, имаа предност, имаа кондиција, мотиви, имаа 8 позитива и само се чекаше да го прегазат и понижат противникот, но место тоа се случи едноставно потполно друга ситуација на теренот, упорните словенци и мотивирачките тајм аути на Вујо, каде што им кажа последните 10 минути да ги одиграат како да е крајот на светот, да ги одиграаат натпреварите на своите кариери, тие тоа и го направија намалуваа гол по гол и сензационален пресврт со нивна неочекувана победа како се одвиваше натпреварот се до тој момент. Тие го заслужија во целост бронзениот медал, за нив е прво вакво одликување, ова е историски момент за нив и нивниот ракомет и се заедно со скандинавците хит на овој мундијал. За Хрватска што да се каже само еден одигран целосен натпревар против Шпанија, а со сите останати одлично прво и за заборав втори полувремиња, успех е за нив и четвртото место и мислите се кон нивното европско првенство  и темпирање на формата за тогаш, но овие денови за нив следи анализа на одиграното и под знак прашалник дали селекторот Бабиќ ќе го преживее овој период на притисок од јавноста.

Финалето беше очекувано, се играше отворено, се судрија два титани, во битка за завршен судир за борба по златниот медал. Норвешка имаше одиграно прво полувреме од соништата, се им одеше во прилог, ја запреа француската машинерија, го принудеа на Динар често да користи ротација да ја бара својата најдобра постава и за жал отпорот траеше само 40 минути, потоа експертите експерстски одиграа до крај ја презедоа контролата врз резултатот Жерард беше на ниво на задачата на голот реализацијата во напад беше се посигурна и посигурна па крајниот резултат 33:27 е превисок за едно финале, но показател на доминацијата и на непобедливоста на Франција. Сепак Норвешка е селекција која надоаѓа и се очекува да биде при врвот на светскиот ракомет.

Пишува: Предраг Јанчески

ВАРДАР ЈА ОСВОИ “МОРАЧА”

Ракометарките на ЖРК Вардар го освоија неосвоивото досега. Славеа над Будуќност во „Морача“ со 31:28 (16:16) во натпревар од групата 1 во продолжението на сезоната во Лигата на шамиони. Ова е прва на македонскиот првак во Подгорица во четвртото гостување. Црногорките лани триумфираа со 31:19, во сезоната 2014/15 со 23:17 и во овој месец со 30:29 во рамки на турнирот во возобновената регионална лига.

Андреа Пенезиќ со осум гола и Андреа Лекиќ со седум беа најпрецизни во тимот на Давид Дејвис. Пет постигна Александра Лакрабер, по три додадоа Јованка Радичевиќ и Камила Херем. Прв стрелец на мечот беше Романката во дресот на Будуќност, Кристина Неагу со 10 погодоци.

ЛАЗАРОВ-НАЈДОБАР СТРЕЛЕЦ НА СП ВО ФРАНЦИЈА

Кире Лазаров иако одигра само 6 натпревари е најдобар стрелец во Франција со 50 постигнати голови. После него следат Авелино Серхио Лопес од Ангола со 47 постигнати постигнати голови (7 натпревари) и Амине Банур  од Тунис со 45 голови (7 натпревари).

Додека во конкуренција за најкорисен играч заврши на 2 место со 78 поени (50 голови + 28 асистенции) зад Сандер Сагосен со 84 поени ( 41 голови + 43 асистенции) . На третото место заврши Никола Карабатиќ со 73 поени (31 голови + 42 асистенции). Сагосен и Карабатиќ одиграа дури 3 меча повеќе од Лазаров.

„ЛА ЛА ЛЕНД“ НАЈДОБАР ФИЛМ

Мјузиклот “Ла Ла Ленд” во кој главните улоги ги толкуваат Рајан Гослинг и Ема Стоун ја освои наградата за најдобар филм на годината на еснафот на филмаџиите.

“Ла Ла Ленд” ја раскажува приказната за љубовта меѓу џез пијанист и млада актерка. На церемонијата на доделувањето присуствуваше пејачот и композитор Џон Леџенд кој игра улога во филмот. Тој го користи центарот на вниманието, повикувајќи го Холивуд да се крене против имиграциската политика на Доналд Трамп.

Според сите анализи на филмските критичари “Ла Ла Ленд” e главен фаворит за добивање и на оскар пред филмовите  “Месечината” (на Бари Џенкинс) и “Манчестер до морето” (на Кенет Лонрган).

Се врати кралот-18 титула за Федерер

Рожер Федерер излезе како победник во големото финале со Рафаел Надал на Австралија Опен и го освои својот 18 грен слем трофеј во кариерата.

До него популарниот Федекс дојде по пет сета (6-4, 3-6, 6-1, 3-6, 6-3) со тоа што во решавачкиот се врати од негатива за да дојде до пехарот на Род Лејвер Арена. Ова за 35-годишниот Швајцарец беше прв триумф на големите собири уште од 2012, а по истиот Рожер уште еднаш покажа колку е голем

Елтон Џон подготвува мјузикл на Бродвеј

По успехот на филмската адаптација на популарната книга,  „Ѓаволот носи Прада“ ќе стане мјузикл на Бродвеј. Музиката ќе ја направи славниот Елтон Џон, кој има богато искуство со бродвејsките адаптации на „Кралот Лав“ и на „Били Елиот. Драматургијата ќе биде на Пол Радник, кој има работено на „Џефри“ и „Го мразам Хамлет“, а бил ангажиран и на филмот „Адамсови“.

Приказната на авторката  Лорен Веисбергер за младата новинарка Енди, која ќе стане асистентка на влијатлната и озогласена главна  урендичка на модниотмагазин Runway, Миранда Присли. Филмот на комичен начин доловува ккао изгледада се работи во модната индустрија. Во филмот „Ѓаволот носи Прада“  од 2006 година главните улоги ги толкуваа Ен Хатавеј, Мерил Стрип, Стенли Тучи, Емили Блант и Адријан Грениер.

Како да се храните здраво – Здрав доручек

Кога се будите наутро прво што ви паѓа на памет е кафе, за да се расоните и да го започнете новиот ден. Сонливи сте и немате енергија. Но кафето не е прав избор. Најважно е да одвоите време прво за здрав доручек, а потоа за кафе. Здравиот доручек претставува ,,крал на сите оброци,, и не смееме никако да го прескокнеме. Но, често пати го кршиме ова непишано правило. Ако најдеме време за нешто да каснеме често пати тоа го правиме ,,од нога,, на брзина или бираме некоја лоша комбинација, а потоа се прашуваме зошто сме уморни, без енергија и имаме вишок килограми.

Неколку идеи за здрав доручек

Наместо да го прескокнете доручекот или да јадете нешто на брзина, пригответе си здрав доручек кој не бара многу време, а може да го приготвите и на работа.

  • Житарици со суво овошје :  може да користите овесни, јачменови, ржани снегулки кои ќе ги попарите со топла вода или млеко и ќе додадете лешници, бадеми, суво овошје по ваш избор, дури може и свежо овошје како банана на пример и уживајте. Со ваков појадок ќе бидете расположени и ќе имате енергија за да го започнете денот.
  • Како појадок може да конзумирате и овошје по ваш избор и тоа најдобро после будење, не после оброк. Ако го конзумирате овошјето наутро на празен желудник неговите здравствени придобивки ќе имаат поголем ефект, а вие ќе ја добиете потребната енергија за да започнете со вашите работни обврски.
  • Доколку сте во можност и имате блендер може да си направите и овошно смути, поготово во зимските денови кога има многу настинки и ви се потребни многу витамини. Во блендер ставете 3 мандарини, пола чаша вода, пола чаша овошен јогурт, 2 лажици сок од портокал, 1 лажица сок од лимон, 1 лажичка мед, 1 киви. Ова измиксирајте го и послужете го во чаша. Уживајте. Ќе ви го подобри денот и ќе се чуствувате полни со енергија.

Во смути како комбинација може да користите разно овошје, јаткасти плодови ( ореви, лешници, бадеми ) и зачини како цимет, мускатно овошје, ѓумбир и др.

Не го прескокнувајте доручекот, најдете време за да имате енергија за денот што започнува. Хранете се здраво!