Gazi Baba XC Challenge 2017

Во организација на Endurance.mk – Скопје (АК Индјуренс) и оваа година ќе биде организирана крос кантри атлетската манифестација ‘Gazi Baba XC Challenge’ на  05.03 (недела)  во Парк-шума Гази Баба.
Трката е од отворен карактер за сите атлетски клубови, активни атлетичари, рекреативци, љубители на трчањето во природа, од нашата земја, како и надвор од нашите граници.

Должина на патеката:
5.000м. – женска конкуренција;
8.000м. – машка конкуренција.

Старт на трките:
12:00ч

Награди: за првопласираните тројца во машка и три во женска конкуренција, предвидени се парични награди (наградите ќе бидат дополнително објавени);

Првопласираните тројца во двете категории добиваат медали, дипломи и симболични награди од помагателите на трката.
(*организаторите си оставаат за право да ги променат термините за трките и наградите доколку тоа го наложуваат условите, за што учесниците ќе бидат благовремено известени*)

Сите пријавени натпреварувачи добиваат:
– стартен број со чип;
– уникатно дизајнирана финишер медала;
– on-line резултати не подоцна од 2 часа по трката;
– диплома во електронска верзија на вашиот меил;
– освежување за време и по трката;
– во здраво тело, здрав дух и многу забава

Бранови на уплата и регистрација за трката:
Првиот бран на регистрација трае до 20.02.2017 до 23.59часот. До овој термин котизацијата изнесува 590 денари, а секој пријавен учесник на стартната бројка ќе го има напишано и своето име.

Вториот бран на регистрација започнува од 21.02.2017 и трае до крајниот рок за пријавување, односно до 28.02.2017 до 23.59 часот. Во овој термин котизацијата изнесува 750 денари.

 

Наташа Малинкова може да биде и фотомодел (ФОТОГАЛЕРИЈА)

Со прекрасна фотосесија на која никој нема да остане рамнодушен познатата Македонска пејачка Наташа Малинкова ја најавува својата нова песна “Хеј мама”.

Додека ја чекаме песната и видеоспотот за истата  уживајте во овие прекрасни фотографии на Наташа на која може да и завидат и светските фотомодели

 

 

 

 

 

 

Голем Роденденски концерт на групата ДНК

Групата ДНК (Панчо и Андреј) ве покануваат  на  својот голем славенички концерт кој ќе се одржи на 12 Мај (петок) од 21 часот, во „Метрополис Арена“ во Скопје. Концертот на ДНК е одбележување на 15 години од нивното постоење на македонската музичка сцена, но воедно и концертна промоција на нивниот најнов албум „Уште еден ден”.

На големиот концерт во Скопје, ДНК во придружба на својот бенд ќе ги изведат последните музички остварувања и сите останати хитови од нивниот 15-годишен репертоар како: „Срце“, „Што сака нека биде“, „Север и Југ“,„Она е од шутка“, „Авион“, „Само таа знае како“, „Најмила“, „Стојам сам“, “Полна Месечина”, “Навлечен на Тебе”, “Пази се од Мене”… и уште многу други.

Како дел од гостите на концертот се најавени  браќата Тавитјан, Тамара Тодевска, Магдалена Цветковска-Ена, Роберт Билбилов, Дарко Илиевски…

 

 

Ноќ на оскарите 2017 (ФОТО+ВИДЕО)

Церемонијата на доделувањето на оскарите, презентирани од страна на Академијата за филмски уметности и науки ( AMPAS ) се одржа на 26 февруари 2017 година во театарот Долби во Холивуд. За време на церемонијата, AMPAS ги презентира добитниците на оскар во 24 категории. Доделувањето на оскарите во САД беше пренесено преку ТВ каналот ABC, а за прв пат домаќин на церемонијата  беше комичарот Џими Кимел.

За најдобар филм беше прогласен ,,Moonlight,, неколку минути откако по грешка за истата награда го прогласија филмот ,,La La Land,,. Како презентери за доделувањето на наградата беа Феј Данавеј и Ворен Бити кои беа збунети после овој настан при што е утврдено дека им бил даден погрешниот плик. Кога Ворен Бити го отвори пликот за да го објави добитникот, тој погледна збунето, а потоа провери дали има друга картичка. ,, Единствено нешто напишано беше Ема Стоун -La La Land, затоа долго време гледав во вас и во Феј,, – изјави за публиката 79-годишниот Ворен Бити.

Имено La La land освои најмногу награди на церемонијата и тоа шест, после рекордното номинирање од 14 номинации. Меѓу нив е наградата за најдобра актерка која ја доби Ема Стоун.

За најдобар режисер беше избран Демиел Шазел – ,, La la land,, Покрај тоа La la land се закити и со награди за Најдобра оригинална песна, Најдобра кинематографија, Најдобра оригинална музика и Најдобар дизајн.

За најдобар актер беше избран Кејси Афлек, братот на Бен Афлек за улогата на ,,Manchester by the Sea,,

Најдобра актерка во споредна улога – Вајола Дејвис за улогата во ,,Fences,,

Најдобар актер во споредна улога – Махершала Али за улогата во ,,Moonlight,,

 

Ова е листата на сите победници:

 

Best Picture: „Moonlight“
Best Director: Damien Chazelle — „La La Land“
Best Actor: Casey Affleck — „Manchester by the Sea“
Best Actress: Emma Stone — „La La Land“
Best Supporting Actor: Mahershala Ali — „Moonlight“
Best Supporting Actress: Viola Davis — „Fences“
Best Original Screenplay: „Manchester by the Sea“
Best Adapted Screenplay: „Moonlight“
Best Animated Feature Film: „Zootopia“
Best Foreign Language Film: „ The Salesman“
Best Documentary — „O.J.: Made in America“
Best Documentary — Short Subject: „The White Helmets“
Best Live Action Short Film: „Sing“
Best Animated Short Film: „Piper“
Best Sound Editing: „Arrival“
Best Sound Mixing: „Hacksaw Ridge“
Best Production Design: „La La Land“
Best Cinematography: „La La Land“
Best Makeup and Hairstyling: „Suicide Squad“
Best Costume Design: „Fantastic Beasts and Where to Find Them“
Best Film Editing: „Hacksaw Ridge“
Best Visual Effects: „The Jungle Book“
Best Original Song: „City Of Stars“ — „La La Land“

Иновативно решение за пресадување дрвја

Реномираната холандска компанија Dutchman industries произведува машини специјализирани за пресадување на израснати дрвја во секаква големина.

Механизацијата која ја произведуваат претставува вистинско иновативно решение кое овозможува уредување и олеменување на урбаниот простор во градовите без многу напор.  Нивниот патентиран производ е наречен truck spade погледнете за што се работи на следниов линк.

Dutchman industries

 

Топ 10-те најатрактивни карибски дестинации (ФОТО)

Сурфање во Барбадос – Bathsheba
Природниот резерват Cockscomb во Белизе
Рафтинг во Костарика
Плажата Eagle во Аруба
Пирамидите во Чикенитца – Мексико
Нуркање на Гренадини
Les chutes du carbet – највисокиот карипски водопад во гвадалупе
Музејот на Пиратите во Насау, Бахами
The Pitons импозантните ридови на St. Lucia
Дождовните шуми на Јамајка

 

На најдобриот тренер му е врачен отказ

За најдобар менаџер за минатата сезона во Премиер лигата беше прогласен Клаудио Раниери, оваа зима беше прогласен и за најдобар тренер во Европа, во конкуренција на Сантош (селектор на Португалија и европска титула), Зинедин Зидан ( европски клубски првак со Реал Мадрид), е сосема заслужено, бидејќи минатото лето беше сензационален шампион  во Премиер Лига со малиот тим и голем аутсајдер тимот на Лестер Сити.

Тоа што беше хит со тимот на Лестер му донесе многу слава, почести, награди и многу понуди да превземе некој богат и познат тим во Европа. Италијанецот остана при земја и сакаше да остане вечно во бајката што сам ја испиша со своите фудбалери. Тој при самиот крај на својата богата кариера кога сите го отпишаа, кога со многу тимови од различни земји беше секогаш втор, дојде на крај повик да го превземе англискиот премиерлигаш кој секогаш водел борба за премиерлигашки опстанок, но Раниери со таа екипа на Лестер веќе на полусезона беше на чело на табелата. Изгледот на табелата беше како да е нешто ,,Скриена камера како да е некоја печатна или компјутерска грешка што тој тим е на прва позиција, Раниери тогаш ги убедуваше новинарите дека нивен главен план е да се изборат за опстанокот. Малиот тим од Лестер се до самиот крај беше и остана прв, со тоа што сите аналитичари, коментатори, екс фудбалери и познавачи на фудбалот не веруваа дека мал тим може да е шампион покрај богатите и познати: Манчестер Јунајтед, Арсенал, Манчестер Сити, Челзи, Тотенхем и Ливерпул. Сите предвидувања беа дека нема да станат шампиони, за на крај да паднат во ,,Вода предвидувањата и анализите, а сепак Лестер Сити минатата сезона ја освои Премиер Лигата.

Оваа сезона резултатите не одат во посакуваниот правец, бидејќи се наоѓаат на бод од опасната зона за испаѓање и испаднаа во Лига купот на Англија и во ФА Куп на Англија од третолигашот Милвол. Но не е се така црно, бидејќи дебитираа во Лига на Шампиони, а во првите три кола запишаа три победи и завршија први во својата група. Следен нивен противник во 1/8 финале им е освојувачот на Лига на Европа шпанскиот преставник тимот на Севилја, каде на првиот натпревар загубија со 2-1 и имаат супер резултат за на реваншот со минимална победа да влезат во 1/4 финале.

За жал така не мисли раководството на Лестер и чашата ја прели поразот во Севилја каде што Клаудио Раниери доби неочекуван отказ.Менаџерската односно тренерската работа е една од најтресните и е неблагодарна работа. При секоја победа, при секоја освоена титула или успех заслужни се фудбалерите, а кога ќе започнат поразите или една серија лоши резултати, тогаш не се криви фудбалерите туку менаџерот/тренерот/селекторот во клубот или репрезентацијата, од едноставна причина е што полесно е еден да добие отказ, место откази на повеќе фудбалери или цел тим. Раниери по врачениот отказ изјави дека неговиот сон е веќе завршен, дека засекогаш ќе го сака својот тим и неговите навивачи ќе ги носи во срцето.

Веднаш на пресконференции со пораки на подршка и неверување излегоа:                    Жозе Мурињо – ,,Кој му порача дека никој не може да ја ибрише историјата што тој ја испишал,  Јирген Клопкажа дека ,, По Брегзит и Доналд Трамп дека трето изненадување е отказот на Раниери и смета дека светот полудел, Роберто Манчини изразува жалење и му дава подршка на својот сонародник и колега, а исто така со критика кон раководството се појавија: Гери Линекер, Карагер, Фердинанд и многу други.

Во прилог на отказот на Клаудио Раниери вештите статистичари извадија интересен податок кој вели дека од 2012 година па се до сега има неколку менаџери што биле шампиони со своите тимови, за следната сезона или да се пензионираат или да добијат отказ, а тие се следниве:

Роберто Манчини- отказ (Манчестер Сити);

Сер Алекс Фергусон – замина во пензија (Манчестер Јунајтед);

Пелегрини – отказ (Манчестер Сити);

Жозе Мурињо – отказ( Челзи) и

Клаудио Раниери – отказ ( Лестер Сити).

За отказите на менаџерите обично ,, Кумуваат” највлијателните фудбалери во клубот и тие му ја кројат судбината на менаџерите , па и во овој случај има индиции тоа да е така, односно се посочуваат како виновници: Џејмс Варди, Вес Морган, Каспер Шмајхел, а листата може да биде и подолга.

Малиот тим, највероватно засекогаш ќе остане мал со ваквите одлуки и начин на дејствување во кризни ситуации, еднаш засекогаш треба да се изнајде правило или механизам да се заштити тренерската работа, бидејќи во овие рамки ничија работа не е сигурна и во било кој момент во било кој период од сезоната може да следи отказ на менаџерот од клупата.

Кога најдобрите не се најдобри – што преостанува за сите останати !!!

 

Директно од Јужна трибина -Предраг Јанчески

Вардар рутински против Целје

Вардар запиша уште лесна победа во Лигата на шампионите, тимот на Раул Гонзалез одигра одличен меч и ја оправда фаворитската улога против Целје.
Натпреварот беше неизвесен само во воведниот дел, до 3-3, потоа Вардар се одлепи, на полувремето се замина со 20:15.
Во второто полувреме „црвено-црните“ рутински ја чуваа предноста, Целје во ниту еден момент не се закани дека може да направи изненадување, на крајот конечниот резултат гласеше 35:30.
Најефикасен во тимот на Вардар беше Душебаев со осум погодоци, по шест постигнаа руските крила Дибиров и Шишкарев, Карачиќ постигна пет. Одличен настап имаше и Арпад Штербик кој мечот го заврши со 13 одбрани од кои неколку зицери.
Со овој триумф Вардар се врати на првото место на табелата, до крајот на групната фаза има уште два меча, гостување кај Мешков Брест на 4 март и осум дена подоцна против Кристијанштад во Скопје.

Евро-гол на Давид Бабунски

Давид Бабунски имаше старт од соништата во дресот на Јокохама Маринос во 1. коло од јапонската Суперлига.

Бабунски го постигна првиот гол за Јокохама на стартот од новата сезона во јапонскиот шампионат во победата од 3-2 против тимот на Урава. Давид Бабунски погоди во 18. минута за отворање на резултатот, и тоа со велемајсторски погодок со шут од околу 20 метри.

Бабунски одигра 80 минути на дуелот во кој Јокохама стигна до победата со погодоците на Уго Виера во 85. минута и Маеда во 92. минута.

Започна најголемиот карневал во светот (ФОТОГАЛЕРИЈА)

Синоќа во Рио Де Жанеиро започна најголемиот карневал во светот. Погледнете ја фотогалеријата во продолжение и уживајте.