Ф4 турнирот за кадетки РФМ го додели на Охрид 

Овој викенд во Огрид ќе биде збогатен со еден убав настан каде на дело ќе можат да се видат голем број на талентирани ракометарки од кадетска конкуренција , а во исто време селекторот да го види кој е потенцијалот и нови кандитатки за репрезентација.

Охрид како град и спортскиот центар ,,Билјанини изворивеќе се етаблирани како успешни организатори на вакви спортски настани. Оваа година на завршниот Ф4 турнир за титулата шампион во кадетска конкуренција ќе се борат тимовите на Вардар СЦЈС, Металург, Куманово и домаќинот Лихнид.

Турнирот е планиран за во недела и во еден ден да се одиграат сите натпревари односно двете полуфинални и натпреварите за трето место и завршно на крај големото финале.

Термини на натпреварите:

Полуфинале:

11 часот Лихнид – Металург

12.45 часот Вардар СЦЈС – Куманово

18 часот Натпревар за 3 (трето) место

19.45 часот ФИНАЛЕ

 

 

Водно почетна станица на трките од планинскиот велосипедизам

Почетната станица односно првата трка од планинскиот велосипедизам ќе се одржи овој викенд во недела: 02.04.2017 а стартот е закажан во 12 часот над црквата Св. Јован крстител на Водно. Организатори на оваа прва трка се велосипедскиот клуб ,,Енерџи од Скопје и Велосипедската федерација на Македонија а трката е за ранг листата на Велосипедската федерација на Македонија во планински велосипедизам.

Патеката е во должина од 2,3 км а има неколку категории а тоа се следниве: Елит, јуниори, кадети, жени, мастерс и хоби, каде што велосипедистите ќе стартуваат со 1 минута разлика, а сите категории ја возат истата патека и должина.

Можат да учествуваат сите оние клубови и ентузијасти што имаат исправен велосипед, кацига и соодветна опрема, а секој натпреварувач вози на сопсвена одговорност е напомената од организаторот на оваа трка. Исто така организаторот обезбедува награди за најдобрите тројца, додека прогласувањето на најдобрите ќе се одржи на целната рамнина.

Пријавување: info@energi-cycling.mk

Тел: 02 3231 772

Пријавување и на самата стартно целна  рамнина од 10.00 – 11.30 часот.

Чекор пред животните изненадувања

Со  животното осигурување не само што сте чекор пред изненадувањата кои ги носи животот, туку истовремено тоа претставува и сигурен облик на штедење. Осигурувањето на живот е долгорочно решение кое нуди комбинација на најбезбеден облик на штедење, сигурност како и осигурување, и е целосно приспособливо на индивидуалните потреби на клиентите.

ПРИДОБИВКИ:

  • Сигурен облик на штедење со истовремено осигурување;
  •  Ви припишуваме добивка;
  •  Загарантирана исплата на парични средства по истекот на осигурувањето;
  •  Бидете чекор пред изненадувањата кои ги носи животот;
  • Обезбедете финансиска сигурност за Вас и Вашето семејство;
  • Создавате капитал за Вашите идни планови;
  • Создавате капитал за времето кога приходите ќе Ви се намалат, особено по заминувањето во пензија.

КАРАКТЕРИСТИКИ:

  • Се прифаќаат лица од 14 до 65 години – Oсигурувањето да заврши на 75 годишна возраст.
  • Можност за избор на динамика на плаќање : месечно, квартално, полугодишно, годишно, еднократно.
  • Можност за избор на начин на уплата: уплатница, траен налог, задршка од плата, во нашата дирекција.
  • Траење на осигурувањето – 10 до 25 години.

Полисата опфаќа лица од 14 – 65 годишна возраст и истата е прилагодлива согласно Вашите можности и потреби, односно сами избирате колку ќе уплаќате и на тој начин сами ги дефинирате и осигурените суми.

  • ОСИГУРУВАЊЕ ОД НЕЗГОДА
    • Осигурена сума во случај на траен инвалидитет поради несреќен случај
    • Осигурена сума во случај на 100% траен инвалидитет
    • Дневен надомест за лекување во болница поради несреќен случај

Дополнителното осигурување од незгода е просторно и временски неограничено.

  • ЗДРАВСТВЕНО ОСИГУРУВАЊЕ ОД ТЕШКО БОЛНИ СОСТОЈБИ

ЛИСТА НА БОЛЕСТИ ОПФАТЕНИ СО „CROATIA ЗДРАВСТВЕНО ОСИГУРУВАЊЕ ОД ТЕШКО БОЛНИ СОСТОЈБИ“:

  • Исхемична болест на срце
  • Срцев удар
  • Мозочен удар
  • Мултиплекс склероза
  • Паркинсова болест
  • Алцхајмеровата болест
  • СИДА
  • Хронично затајување на функцијата на бубрезите
  • Затајување на црн дроб
  • Анкилозантен спонделит
  • Ревматоиден артритис
  • Малигни болести (рак)

Осигурителниот надомест на осигуреникот ќе му обезбеди неопходни парични средства за плаќање на трошоци кои не ги покриваат другите осигурувања.

Нашите вредности се нашата основа за успешна и плодна соработка.  Пополнете ги празните полиња на следниов линки спратете ни ваш контакт на емаил, вибер или скајп за подетално да ги утврдиме вашите цели и да ви го објасниме начинот за обезбедување долгорочна финансиска сигурност на вас и вашето семејство.  Исполнете ја обврската спрема нив, еден ден ќе ви бидат благодарни.

Нов селектор на машката ракометна репрезентација

УО на РФМ на денешната седница го прифати предлогот од Комисијата за спроведување на разговори со потенцијалните кандидати за нов селектор на сениорите што ќе го наследи Лино Червар на македонската клупа, во состав Филип Милошевски, Милчо Чакарески и Гино Стерзовски,  Гонзалес да биде најсоодветно решение за македонската репрезентација во временскиот теснец на еден месец пред завршните квалификации за пласман на ЕП 2018 во Хрватска.

Тренерот на Вардар, Раул Гонзалес, е избран за нов селектор на машката ракометна репрезентација на Македонија.

„Раул Гонзалес во изминативе три години добро го води Вардар. И во моментов сметаме дека попогодно решение за селектор на машката ракометна репрезентација на Макеоднија не можевме да најдеме – образложи директорот на сениорската репрезентација, Милчо Чакарески, кој е и еден од тројцата членови на Комисијата која го предложи Гонзалес како единствен кандидат за нов селектор.

 

Кил го победи на гости Рајн Нехар во ЛШ

Екипата на Кил успеа да го победи нагости тимот на Рајн Нехар со 24:26 и со вкупен резултат 49:50 се пласира во четвртфиналето на Лигата на Шампионите. Најдобри поединци во тимот на Кил беа Билик и Вујин со по 5 гола. Додека кај Рајн Нехар Екдал Ду Риц постигна 6 погодоци.

Веслањето потона како спорт во Македонија

Веслачката федерација на Македонија (ВФМ) е составена од клубови од три града, а тоа се клубовите од Охрид. Струга и Дебар. Како федерацијата така и клубовите кои партиципираат во неа не располагаат со финансиски средства кои овој спорт ќе го кренат на професионално и организациски на повисоко ниво. Пред неколку години во Охрид беше организиран балкански конгрес во кој учествувале: Турција, Грција, Србија, Романија, Бугарија и секако и нашата земја како домаќин. На тој конгрес станало збор за подигање на квалитетот на веслачките трки кои најчесто биле организирани само за кадети и јуниори во машка и женска конкуренција, а целта била да се организираат исто така и во сениорска конкуренција како и тоа балканската федерација да го добие заслужното внимание и во светската веслачка федерација.

Но за жал од денешна перспектива констатираме дека веслачкиот спорт потона, а загрижувачки е фактот што никој не посветува внимание и почит кон овој спорт и не се води грижа за помалку познатите и помалку медиумски застапени спортови како што е овој случај со веслачкиот спорт во Македонија.

Поради недостиг на финасии како и недостик на основни реквизити за бавење со овој спорт веслачката светска федерација донирала три чамци пред 15 – тина години, но замислете колку е загрижувачка финансиската состојба во овој спорт што не можеле да обезбедат минимални средства за подигање на донацијата на тие чамци од светската веслачка федерација, за на крај пред неколку години конечно да ги имаат во свој посед.

Кога се чини проблемите се решаваат веднаш доаѓа нов проблем, односно се отворил спор околу сопсвеноста на хангарот каде се чуваат чамците од веслачкиот клуб Југ, а спорот е со Дебарско-кичевската епархија. Судскиот спор кој припаднал во корист на Дебарско-кичевската епархија довела до тоа да веслачкиот клуб Југ мора да ги подмири финансиските долгувања и судски трошоци, а исто така да мора да се пресели и да го отстапи хангарот кој е изграден уште од 1947 година и до ден денес со донации надградуван и реновиран.

Веслачкиот клуб Југ кој е формиран во далечната 1932 година поминал многу премрежија и проблеми но сепак оваа пречка, овој проблем е капак на се до сега во историјата што му се случило, па поради немање на доволно средства да се раздолжат кон судските трошоци и тужителот доведени се во ситуација да им се одземаат пловните објекти и сите останати пропратни реквизити, што значи дефинитивно згаснува Југ како и веслачката федерација на Македонија со цело свое натпреварување и делување. Единствената помош но никако врз основа на постигнатите резултати туку само паушална минимална помош им била од Агенцијата за млади и спорт, но како тргнале на лошо работите по веслачкиот спорт и тие средства им се укинати и може на аукција секој да учествува и да купува нивни чамци, скифови и дублите.

Сите членови и сите засегнати од оваа појава како со клубот така и со федерацијата единствена надеж и желба е преку таквите аукции да изнајдат начин и средства да си ги повратат во своја корист сите неопходни реквизити за непречена работа и натпреварување. Исто така има најава дека тие имаат спремни идејни решенија, предлози и насоки во разрешување на нивниот проблем, но за жал никој до сега не го слушнал нивниот глас ниту пак ги има разгледано нивните решенија за спас на веслачкиот спорт.

Згаснувањето на спорт само по себе е жална вест и е од големо значење, но кога се работи за спорт кој е промотор на Охрид, кој е промотор и амбасадор на нашата земја,кој е туристичка атракција,  во исто време и еден од најстарите спортски клубови во Македонија како и голем број на спортисти што ќе останат без нивниот сакан спорт е и повеќе и од доволно секако и крајно време да се преземе нешто конкретно и овој проблем да биде поставен на маса кај сите оние што се надлежни и кон сите што можат на било каков начин да помогнат да се изнајде позитивен епилог.

Директно од Јужна трибина -Предраг Јанчески

Елена Ристеска со нов спот (Видео)

Објавен и промовиран новиот спот на Елена Ристеска. Темата под наслов  ,, Сеуште ме плашиш,, на Елена Ристеска е снимена во дует со Хари Мата Хари.  Снимањето на спотот е направено во Хотелот Русија во Скопје, по текст на Алма Абдагиќ, музика  на Хари Варесановиќ,  и аранжман на Дарко Димитров.

Во прилог уживајте  во прексрасната  изведба на Елена Ристеска .

Видео анализа за прв пат применета во фудбал

На вечерашниов пријателски дуел помеѓу Франција 0-2 Шпанија за прв пат во историјата на фудбалот се случи да се тестира да се примени видео анализа која ќе им асистира и помага на судиите на терен, односно ако се случи спорен момент судиите може да побараат видео анализа која ќе утврди што точно се сличило долу на теренот а судиите не го виделе во текот на играта.

Во 48 минута при 0-0 Антоан Гризман постигна гол со глава, каде што дефанзивците на Шпанија реагираа на офсајд и кога цел стадион на чело со француските репрезентативци се радуваа на голот и се упатија на центарот, судијата Цваер побара видео анализа која во рок од неколку секунди утврди дека фудбалерот Курзава бил во офсајд и неговата асистенција за гол е во недозволена позиција и судијата место гол досуди офсајд и резултатот во тој момент остана 0-0.

Видео анализа повторно беше побарана во 77 минута, бидејќи репрезентативецот на Шпанија Делофеу постигна гол, каде што помошникот судија крена знаменце за офсајд, но при видео анализата се покажа дека голот е регуларен и судијата Цваер покажа кон центарот и гол за Шпанија.

Предраг Јанчески

Мартовска серија на победи и историски настап на Чурлинов

 

По првите 20 минути каде што едноставно двете селекции имаа испитување на силите, првата шанса и возбудување на мирното и слабо посетено со публика ,,Телеком Аренасе случи во 19 минута кога Радионов одлично шутирање каде нашиот голман Димитриевски беше сконцентриран и исфрли во корнер.

Во 40 минута по една мешаница каде нафрли Алиоски, ја прифати Кире Ристевски но немајќи простор за удар кратко на работ на шеснаесетникот му ја додаде на Стефан Спировски, а тој со интелигентен шут од прва го погоди левиот небранет агол за наше водство од 1-0. Првото полувреме ќе го завршевме и со поголема разлика, но нашиот шпиц Несторовски пред голот на Пандев ја погоди само гредата од голот.

Горан Пандев имаше шанса во 55 минута да зголеми на 2-0 но сепак шутираше по средината на голот и пропадна убава шанса за гол. По влегувањето во игра на Тричковски веднаш работите се променија така да нашите фудбалери заиграа поангажирано и поотворено со тоа што во 61 минута по неговиот пробив по десната страна убаво по земја додаде во петерецот каде Горан Пандев само рутински ја спроведе во празната мрежа за зголемување на водството.

Езџјан Алиоски нашиот мотор на денешниот натпревар ја убрзуваше нашата игра и постојано беше константна опасност по белорусите, Алиоски во 69 минута по пробивот по левата страна убаво нафрли каде што го пронајде на Горан Пандев кој со глава го постигна својот втор гол на натпреварот а трет за нашата селекција и на крај се покажа и за конечен резултат.

Во 83 минута во игра влезе Дарко Чурлинов за историја бидејќи е најмладиот фудбалер кој настапил за нашата репрезентација со 16 години и 8 месеци, каде што по првиот негов допир со топката шутираше и за малце ќе го постигнеше и својот дебитански гол но среќата не го посака.

Состав на Македонија:

Столе Димитриевски, Стефан Ристовски, Кире Ристевски, Ванче Шиков, Даниел Мојсов, Остоја Стјепјановиќ, Стефан Спировски, Александар Трајковски, Езџјан Алиоски, Горан Пандев (капитен) и Илија Несторовски

Настапија уште:

Иван Тричковски, Душко Трајчевски, Музафер Ејупи, Кристијан Тошевски, Бесарт Ибраими и Дарко Чурлинов.

Селектор: Игор Ангеловски

Стрелци: Спировски 40 минута, Пандев 61 и 69 минута.

Теодора е светла иднина на охридскиот женски ракомет

Ракометниот женски тим на Лихнид се труди преку својата макотрпна работа и правилен развиток на млади талентирани ракометарки да направи силен тим, а нивен најдобар производ е Теодора Балоска. Лихнид оваа сезона се во најтесен круг на фаворити за освојување на првото место во кадетска конкуренција.

Зошто токму ракомет што беше пресудно да се занимаваш со овој спорт ?

Се започна кога во училиштето дојдоа и го промовираа клубот Моби Дик . Почнав само како рекреација, но едноставно сето тоа се смена, ракометот на некој начин е нешто кое ме исполнува нешто каде ја трошам енергијата и многу ми се допаѓа начинот на игра. Уживам додека тренирам, а посебно на натпревари.

 Колку време тренираш ракомет и во кој клуб настапуваш ?

Тренирам веќе 5години, почнав да тренирам во клубот МобиДик во 2012г. кој подоцна беше преименуван како Лихнид кој го водат Билјана Богданова-Смилеска, Филип Јовановски и Атанас Поп-Стефанија.

На која позиција настапуваш, дали е твој личен избор или тренерот одлучи за твојата позиција ?

Играм на лев бек,тоа е одлука на моите тренери,но сепак кога има потреба играм и среден и десен бек.

Кој тим тие фаворит и кој ракометар/ка ти се идоли во ракометот ?

Фаворит ми е тимот на Вардар од Скопје, а идол ми е Кристина Неагу.

Каков е системот на натпреварување, колку тимови има во вашата лигa и кој вие најголем ваш ривал ?

Има две групи во кадетската лига каде ние настапуваме. И во двете групи во кои има по пет клубови, од двете групи првото и второто место настапуваат во final four. Најголем ривал е Стружанка од Струга .

Дали има иднина женскиот ракомет во Македонија ?

Има иднина, гледам дека има многу потенцијал и желба во мојата екипа, а и во другите екипи.

Дали имате настапувано на турнири надвор од Македонија , кои се вашите достигнувања како тим ?

Да сме настапувале во Србија на турнир во Златибор и Белград и пријателски натпревари во Лебане со екипата Радан. Нашите достигнувања како тим се навистина задоволувачки.У спеавме да влеземе во фајнал фор и немаме пораз во нашата група.

На кој натпревар имаш постигнато најмногу голови?

Најмногу голови имам постигнато на натпреварот со Вардар, таму постигнав 8 голови.

Како успеваш подеднакво успешно да ги извршуваш и обврските на училиште и тренинзите во твојот клуб ?

Бидејки не сакам да пропуштам тренинзи се трудам да си го организирам своето време па после часовите да одам на тренинг, понекогаш знае да биде напорно , но сакам да го правам тоа.

Кои се идните твои планови, каква порака ќе им испратиш на нашите верни читатели на javisejuzna.mk ?

Мојата порака до читателите на www.javisejuzna.mk е да ве читаат бидејќи ги промовирате и помагате талентираните наши спортисти, има што навистина да се прочита и да им се задржи нивното внимание. Сакам да им порачам на сите да се занимаваат или со некој спорт или со било каква рекреативна спортска активност. Желба ми е да го освоиме првото место оваа сезона и да заиграм за репрезентацијата на Македонија.

Предраг  Јанчески