Фудбалерот на Спортинг Лисабон напаѓачот Баст Дост  во португалското првенство на 31 настап има 31 постигнат гол што можат да му подзавидат сите останати голгетери ширум Европа. Инату тој на почетокот на оваа натпреварувачка сезона дојде од Бундеслигашот Волзбург за  8 милиони евра и во дебитанстката сезона во првата Португалска лига како и во тимот на Спортинг не само што е главен кандидат за прв стрелец туку е во најтесна конкуренција да биде златна копачка на Европа, каде што сериозен ривал му е Лионел Меси.

Дост иако на прв изглед не дава гаранција на висока напаѓачка класа, тој на секој натпревар наоѓа начин да стрела во противничката мрежа. На вечерашното дерби Брага 2:3Спортинг Лисабон тој постигна хет-трик и е најзаслужен за трите бода. Сите неутрални фидбалски вљубеници на фудбалската игра се во исчекување и со подршка кон него кон патот кон успехот и разбивање на конкуренцијата каде се наоѓаат последниве неколку години Меси, Роналдо, Суарес, Ибрахимовиќ и др.

Нашиот најдобар фудбалер Горан Пандев постигна гол за Џенова во натпреварот против Киево за водство на неговиот тим од 1:0 на полувреме. Убавиот погодок може да го видите на следниот ЛИНК .

Голманот на Валенсија Диего Алвеш во 56 минута му го одбрани пеналот на Роналдо и има фантастичен процент на одбранети удари против него, бидејќи од последните 4 пенали 3 пати бил поуспешен, што е статистика од соништата и за респект.

Алвеш има голем број на одбранети удари од пенал во Примера и е кошмар за напаѓачите, а исто така и Лионел Меси има лошо искуство со овој голман само што е податок плус што е на страната на Диего Алвеш.

Лина Ѓорческа како седма носителка на Фјучр турнирот во Тунис вреден 60 илјади американски долари во 1/2 финалниот дуел против опонентката Петра Мартиќ по тешка и неизвесна борба во три сета 3:6, 6:4, 6:4 влезе во финале и ќе чека победникот од вториот полуфинален дуел  помеѓу Рејчел Хогекамп од Холандија која е  трета носителка и Агнес Букта од Унгарија.

До крајот за Реал Мадрид секој нов противник е нагазна мина така и денеска во рамноправна битка против традиционалниот ривал од Месталја тимот на Валенсија водеа егал борба кој ќе ги земе трите бода, иако за гостинот бодовите не беа  потребни, а за мадриѓани денешните три бода беа прекупотребни, во тој стил и се отвори натпреварот со статива и застанување на срцата на сите присутни на Бернабе, но Реал се созема ја презеде иницијативата па прекрасниот центаршут на Карвахал на Роналдо му остана само да се поклони кон топката и да го постигне водечкиот гол, а негов 20 –ти во сезоната.

Второто полувреме започна со нереализиран пенал на Роналдо, односно успешна интервенција на Диего Алвеш, па можеби тој момент ги размрда редовите на Валенсија па постигнаа гол преку поранешниот фудбалер на Реал, а сегашен капитен на Валенсија Парехо во 82 минута и кога се чинеше дека е неминовно реми, домаќините ја направија последната завршна офанзива и преку асистенција на џокерот од клупа Мората кој асистираше а Марсело ги донесе наСантјаго Бернабе очекуваните три бода. Реал ја заврши својата домашна задача и вечерва очекуваме Барселона во каталонското дерби со Еспањол да ги освои трите бода и до последното коло рамо до рамо со Реал да ја бијат битката за тронот.

Од Шпанија има најави дека фудбалерот на Реал Мадрид Алваро Мората  дека ја има куќата во Мадрид на продажба што е доволен сигнал дека кај него се јавува незадоволство од минутажата што ја добива од Зинедин Зидан кој оваа сезона иако ретко му ја доделува шансата во првиот тим сепак стигна до 13 голови, додека неговиот конкурент за единственото место во нападот Карим Бензема иако игра стандардно во првиот тим тој има само 9 гола оваа сезона во Примера.

Шпанските медиуми имаат критички осврт кон изборот на фудбалери на францускиот стручњак, кој е на два фронта конкурентен да освои титула, а тоа е Примера каде со Барса се рамо до рамо во борба за титула и Лига на шампиони каде се во1/2 финале и бараат шанса за настап во финалето во Кардиф. На шпанскиот репрезентативец Мората му преостанува само да ја користи секоја минутажа што ќе ја добие и во летниот период да се сретне со челниците на тимот и да ја реши дилемата дали останува во Мадрид или ќе ја бара среќата на друго место.

Македонската пејачка и ди-џеј Фани Христова после подолго време се врати на пеењето и ја промовираше својата нова песна „Казна и грев“. Текстот и музиката  се на Фани, а за аранжманот се погрижи Роберт Билбилов.

За Шкотска синоним е најголемото фудбалско дерби помеѓу ривалите од Глазгов, однoсно на денешното Олд Фирм дерби Глазгов Ренџерс 1: 5 Селтик. Ренџерси оваа сезона не се дораснат противник, бидејќи оваа сезона по долга апстиненција од прволигашкиот фудбал поради пред неколку години прогласениот банкрот и префрлување на најнизок ранг на натпреварување еве оваа сезона се вратија на највискок ранг. Но во тимот нема фудбалери кои ќе го понесат товарот за највискоки дострели, се чини дека нивен најголем успех е што ќе успеат да се пласираат во едно од евро-натпреварувањата за следната сезона со неколку засилувања и напад на шампионската титула.

Денеска на нивниот Ајброкс стадион не беа во можност да пружат поголем отпор на тимот на Селтик кој и оваа сезона ќе биде сигурен првак со огромна бодовна разлика пред сите останати.За Ренџерси почесниот погодог на овој натпревар го постигна ветеранот и нивен капитен во нападот Кени Милер во 81 минута по двојниот пас со Гарнер,а убавата акција беше крунисана со гол. Селтик константно напаѓаше и играше пресинг на половината на Глазгов,а таквата игра со голови ја крунисаа Синклер во 7 минута од пенал, во 52 минута Грифиц од работ на шеснаесетникот каде голманот на домаќините се чини можеше многу подобро да реагира, потоа после прекин на асистенција на Грифиц  дефанзифецот Бојата со глава од непосредна близина постигна гол, за на крај во 87 минута гол серијата да ја затвори десниот бек Лустиг по убав продор и дриблинг и со одмерен пласиран удар го постигна петтиот гол за својот тим.

Глазгов освен постигнатиот гол на Милер , тој во првото полувреме имаше уште еден солиден шут кон голот, второто полувреме шанса за нив имаше и Ванхорн, додека Селтик имаше ревија на шанси и скоро сите фудбалери најдоа шанса и прилика да се заканат кон домашниот тим на Глазгов. Натпреварот помина во жестоки дуели и високо темпо на игра, но сепак судијата имаше лесна задача, што од двете страни имаше соработка со сите фудбалери. Ова е последното Олд Фирм за оваа сезона и со нетрпение ја очекуваме наредната натпреварувачка сезона за да уживаме во ова несекојдневно супер интересно градско дерби на Шкотска.

Јелена Антиќ богатата интернационална кариера ја збогатува со шампионска титула со тимот на Лулеа во шведското првенство со краен резултат во серијата до три добиени односно со 3-1 против тимот на Удоминате. Резултатот од овој натпревар гласи 71:65, а Антиќ имаше голем придонес играјќи 34 минути, а придонесе со 13 поени, 6 скока, 7 асистенции и 2 освоени топки.

Јелена Антиќ за првпат во кариерата игра во Шведска, каде оваа сезона одигра 32 натпревари, со просек од 15 поени, 8,8 скока и 5,7 асистенции по натпревар. Нашата интернационалка игра на крилната позиција, каде оваа сезона е и прв асистент, а трет стрелец и скокач во тимот. Освен ова искуство таа има и три шампионски титули со тимот на Партизан и исто така доминтни настапи во женската јадранска лига во тој период, а освен во Србија има настапувано и во тимови од Шпанија, Израел и Романија.

После клубските настапи во шведскиот шампионат за неа следи пауза, а потоа се надеваме ќе ја гледаме во репрезентативниот дрес во сениорската кошаркарска репрезентација на Македонија, која треба летово да се активира по неколкугодишна апстиненција.

Кога започна љубовта кон спортот, односно колку време се занимавате како спортски новинари ?

Јовица: Прво здраво и благодарам за поканата, односно интервјуто за вашиот интернет сајт, а патем голем поздрав за сите љубители на спортот, како и за читателите на javisejuzna.mk. Што се однесува до прашањето, љубовта кон спортот сум ја имал одсекогаш, од најрана возраст. Ми текнува дека уште како мал, собирав албуми со сликички на сите поголеми натпреварувања, запишував имиња на фудбалери на цели екипи во тетратки и слично. Инаку професијата спортски новинар ми дојде некако како исполнување на сонот. Веќе осум години сум спортски новинар и верувам дека ќе бидам дел од оваа професија уште долги години, бидејќи нема нешто подобро од тоа да го работиш тоа што највеќе го сакаш.

Игор: Љубовта кон спортот е многу одамна, многу нескромно ќе биде ако кажам колку време за тоа се најкомпетентни моите пријатели и блиски кои добро ме познаваат што значи спортот во семејстовто Александровиќ,додека како спортски новинар веќе трета година работа во која уживам и ја работам со задоволство.

Се водите ли кон старата парола Фудбал, кошарка …………….. па се останато во вашата емисја ,,Полн Погодок” или ………. ?

Јовица: Некако како по навика или како по обичај фудбалот секогаш и сегде е број еден. Привлекува најголемо внимание и е секогаш присутен во Полн Погодок. Но, нашата цел не е само добар рејтинг туку и популаризација на останатите спортови во Македонија, кои се на многу пониско ниво. Тука мислам пред се на атлетиката и велосипедизмот, со чии федерации имаме одлична соработка и разбирање, но тука се и пливањето, боречките спортови и слично. Ние навистина се обидуваме со цела сила да ги подигнеме овие условно кажано помали спортови во нашата држава и сигурен сум дека успеваме во тоа.

Игор: Емисијата полн погодок е плод на тимска работа на спортската редакција на ТВ Сонце,секако дека не се водиме само на основите како што велите сакаме се да опфатиме како и спортови кои слабо се афирмирани во нашава земја ,накратко секоја година се обидуваме да направиме нешто ново а гледачите се приоритет да бидат задоволни од ,,Полн погодок,, како спортска емисија.

Колку емисии се на број , дали во новата сезона се планирани нови содржини во  ,,Полн погодок” ?

Јовица: Хммм … пред неколку емисии го славевме јубилејот од 50 емисии. Само во оваа втора сезона на Полн Погодок имаме реализирано веќе 35 емисии и нема да застанеме тука. Ако се знае традицијата и практиката која што ја воведовме помеѓу првата и втората сезона, каде што направивме неколку промени во позитивна насока, можам уште од сега да кажам дека ќе се случува истото и помеѓу втората и третата сезона. Спремаме нешто ново, нешто поинтересно и од спортски и од технички аспект. За тоа можам да ветам дека вие ќе бидете првите кои ќе дознаете за новитетите 🙂 Меѓутоа тука неможам, а да не ја спомнам екипата која ја реализира секоја емисија, Дарко Поповски – Блуз кој е страшно добар монтажер и Далибор Миливојевиќ, нашиот камерман кого го нарекуваме уметникот со камера, без кои Полн Погодок немаше да биде тоа што е сега.

Игор: Па во една сезона може да се снимат околу 40 до 50 емисии од прилика, новата сезона не би била ако не внесеме свежина во емисијата, да планирани се новини, засега не би откривале само можам да кажам дека ќе бидат вклучени сите спортски работници, спортски радиа, спортски портали и сите клубови од републикава. Секако дека тимот на “Полн Погодок” има доста идеи но мора да се гледа и реалната слика на можностите на реализација на истите, но сепак спремаме новина во емисјата.

Директно бевте учесници вие и ТВ Сонце на неодамна завршеното европско првенство во сала во Белград,Србија. Кои се вашите впечатоци ? Дали може да ве гледаме и на други големи спортски манифестации ?

Јовица: На оваа тема можеме да го разговараме цел ден, но ќе бидам краток и јасен. Ова беше најголемото натпреварување на кое што сме биле присутни до сега. Дури и после два месеци, ние уште ги сумираме впечатоците и импресиите. Ние како држава сме далеку на организациски план дури и од Србија, па замислете колку сме далеку од поразвиените европски земји. Беспрекорната организација ми остави најголем впечаток. Се беше под конец, секој си го знаеше своето место и својата работа, од волонтери, спортски работници, обезбедување и така натаму. Ние како новинари имавме неверојатно добри услови за работа и помош за секој евентуален проблем. Дефинитивно тоа е незаборавно и драгоцено искуство за нас. Што се однесува за други спортски големи настани во иднина, секако дека нашата цел е да бидеме присутни секаде, но многу е тешко како новинар од Македонија, да обезбедиш услови и средства за да присуствуваш на настани кои се на подалечни дестинации. Сепак, нашата следна цел е Европското Првенство во фудбал до 21 година во Полска, каде ќе го имаме историскиот прв настап на една фудбалска репрезентација на Македонија на големо натпреварување.

Игор: Секако сакаме да сме присутни на што повеќе настани,како што напоменав колку што дозволуваат можностите,се надеваме во иднина и со доста видео записи од многу интересни места кои биле одржани исторсики натпревари.

Главна одлика вие објективноста . Што е со останатите новинари зошто не поставуваат горкливи и незгодни прашања зошто се помалку ја слушаме објективноста од нив ?

Јовица: Објективноста треба да биде одлика на сите новинари, не само на спортските новинари. Ние се трудиме да бидеме, што е можно повеќе објективни и мислам дека успеваме во тоа, а така ќе продолжиме и во иднина. За останатите колеги не би сакал да разговарам, бидејќи сите си имаат свој начин на работа. Можам само да кажам дека голем проблем во нашиот спорт е тоа што веќе длабоки корени во оваа сфера има пуштено и политиката. Едно мора да биде јасно, спорт и политика не одат заедно и тука настанува првичниот проблем, каде неминовно е да бидат замешани и новинарите, за жал.

Игор: Објективноста е многу ако не и најтешката работа во Македонија, па доволно е провокативно прашањето па ќе кажам дека спортот е многу поврзан со политиката во Македонија како и насекаде низ светот само тоа некој знае добро да го скрие или да замачка очи,за жал кај нас не е така сите сме свесни сто се случува на тема спорт. Горките прашања се одлика на нас како спортска редакција зашто така и емисијата се изгради како објективна без страв да се изнесат вистини или моменти кои сакаат да се скријат. Сепак многу селектори, тренери и спортски работници не гледаат со почит на новинарите туку како само пролазна станица, за разлика од другите земји кои и те како се цени нивната работа и труд. Би завршил со тоа што никогаш нема да заземеме страна или да скриеме некаква неправда.

Ваша емисија на која сте горди?Ваш омилен тим и спортист?

Јовица: Горд сум на реализацијата на наградната игра на “Полн Погодок” и Бизнис Академија Смилевски, каде доделивме целосна стипендија за студирање на таа академија. Омилен тим ми е Вардар во Македонија, но тука е и Интер кој ми е омилен клуб од секогаш. Омилен спортист … ги има неколкумина, не би сакал да извојувам ниту еден, да не се налутат хахаха  🙂

Игор: Емисија на која сме горди секако е “Полн погодок” таа е нешто посебно за нас во ТВ сонце како и спортската редакција и начинот на кој таа расте, ќе дадам еден пример на пример во првата година кока кола продаде само 25 шишиња, а денеска е најстрого чуваната тајна,така и со полн погодок рејтингот расте без помпа и без спонзори за промоција на самата емисија, нашата цел е примарна, а тоа е гледачите да се задоволни па после се останато. Омилен тим ако морам да одберам еден е Барселона кој навивам од својата 6 – та година, но тука се Бока Јуниорс, Парма и Вест Хем клубови кои се изградиле со нивните школи. Омилен спортист ми е Меси и никој друг, некој ќе каже дека е клише но еве еден совет нека го погледнат неговиот филм и приказната како еден многу мал момент му го менува животот. Ќе посочам само една реплика кога неговата баба го носи да гледа фудбалски натпревар, а по пат му вика кога ќе пораснеш ќе играш и ти и ќе бидеш многу добар, но во тој момент фали еден играч и неговата баба довикува дека тој може да игра ситен како кифла, добива прашање од тренерот што можеш со топка, Меси кратко одговара се. Другото е историја.

Кои се вашите идни планови, каква порака ќе им испратите на нашите верни читатели на javisejuzna.mk ?

Јовица: Планови има многу, но колку ќе се реализира останува да покаже времето. Ќе се обидеме да растеме како емисија се повеќе и повеќе, да се развиваме од ден на ден, да ги доближиме и помалите спортови поблиску до љубителите на спортот и обичните гледачи. Мојата порака е едностана, спортувајте, сакајте спорт и следете не, нема да зажалите 🙂

Игор: Идни планови да се надминеме од годината која сме ја имале со “Полн погодок” тоа е најголем мотив за нас. Што се однесува до вашите читатели би им порачал да ве следат и да си ги следат соновите затоа што се остваруваат колку и да се далеку во даден момент сепак се може да се оствари. Продолжете со добрата работа и се надевам дека ќе имаме добра соработка како секогаш и комплиметни од наша страна за досегашниот труд кој го вложувате во www,javisejuzna.mk.