Фудбалот е игра во која на крај победува Германија

Германија покажува по не броен пат дека е селекција и држава што менталниот склоп им е нивна главна карактеристика и најдоброто го покажуваат кога е најпотребно, односно во финалните натпревари. Констатацијата е сосема на место кога ќе кажеме дека фудбалот е игра во која што на крај победува Германија.

Да почнеме по ред каде што уште на стартот од мечот младите германци преку пресинг игра не им дозволи на противникот да ја прикаже и да ја наметне својата игра. Панцерите преку Ваисер, на два пати Гнабри и капитенот Арнолд имаа одлични шанси за погодок, додека шпанците се заканија единствено преку десниот бек Белерин кој со глава биеше над голот. Германската иницијатива и поголемиот посед на топка го претворија во гол во 40 минута на одлична асистенција на десниот бек Толјан , а Ваисер со парабола со глава биеше неодбранливо во десниот голманов агол за водство на натпреварот.

Второто полувреме почна со нервозна игра од двете страни каде што за неколку минути германците заработија брзи три жолти картони. Првата закана во вториот дел се случи во 58 минута кога од далечина шутираше Саул Нигез, а голманот Полерзберг изби во корнер. Преку контра напади германците пропуштија шанса пред време да го решат натпреварот со бројни промашувања на Гнабри, но неговите промашувања неговите колеги од одбраната пред се Штајн ја одработија максимално прецисно и средбата ја приведоа во целосна контрола за титула на Германија, а на другата страна разочарување на фаворитот за титулата.

МВП беше прогласен изненадувачки шпанскиот репрезентативец Себалос, додека најдобар стрелец на шампионатот беше Саул Нигез со 5 постигнати гола.

ПОТВРДЕНА Е ЛИСТАТА НА УЧЕСНИЦИ ВО ЕВРОКУПОТ

Барселона ќе биде домаќин на овогодинешното извлекување во Еврокупот ( 6-ти Јули), каде што три АБА – лигашки тимови ќе ги добијат имињата на нивните противници за наредната сезона 2017-18 . Екипите ќе бидат расподелени од 6 групи со по 4 тима , започнувајќи  ја сезоната од 11 Октомври.

 

Комплетна група на учесници :

  1. 1. Група :

Локомотив Кубан Краснодар – ( Русија )

Гран Канарија Лас Палмас– ( Шпанија )

Галатасарај – ( Турција )

Уникс Казан – ( Русија )

  1. Група :

Баерн Минхен – ( Германија )

Зенит Санкт Петерзбург– ( Русија )

Дарушафака – ( Турција )

Алба Берлин – ( Германија )

  1. Група :

Цедевита – (АБА Лига / Хрватска )

Тофаш Бурса– ( Турција )

Хапоел Банк Јахав Ерусалим – ( Израел )

Литвус Ритас Вилнус – ( Литванија )

  1. Група :

Доломити Енергија Тренто – ( Италија )

Грисин Бон Реџо Емилија– ( Италија )

Фиат Турин – ( Италија )

Билбао Баскет – ( Шпанија )

 

  1. Група :

Морабанк Андора – ( Шпанија )

Лиеткабелис Паневежис – ( Литванија )

Лимож– ( Франција )

Ратиофарм Улм– ( Германија )

 

  1. Група :

Будуќност Воли- (ABA League / Црна Гора )

Оарис Леваос – ( Франција )

Партизан Ниш – (ABA League / Србија )

Асвел  – ( Франција)

Автор: Наташа Костовска

Управата на ФК. Вардар е луда карта 500 денари со Малме

Управата на Фк. Вардар има самоубиствена мисија со одредување на картата да чини 500 денари со Малме во Струмица на ,,Младост која ќе биде пуштена во слободна продажба од 3 јули. Со ваквиот пристап може да им се врати како бумеранг па место пари и приход да има повеќе фудбалери и стручен штаб на Малме одошто навивачи на домашен терен. На Вардар му е преку потребна подршка од трибините за конечно една наша екипа во квалификациско коло во Лига на шампиони да стигне барем до победа и мрднување од мртва точка.

Работнички на ниво, Пелистер импресиониран и прегазен во Познањ

Тимот на Работнички патуваше на Сан Марино кај тимот на Тре Пене како носител во прво квалификациско коло и беше единствен преставник од Македонија со привилегирана ждребка, но сепак аматерскиот тим на Тре Пене одолеваше се до самиот крај ,,Романтичарите имаа над 10 шанси за гол, го имаа поседот на топката и моментот за радост беше во самиот финиш во 90 минута од корнер, а изведувач воедно и асистент беше Херера каде што Деан Митрев го постигна голот за победа и мирен реванш во Скопје.

Сликата во Познањ во Полска каде што гостуваше Пелистер на тимот на Лех беше сосема поинаква односно нивниот стадион беше исполнет до последното место со одлична атмосвера, каде што Пелистер влезе со голем респект кон противникот, а потценувајќи си ги своите фудбалски способности, каде што Лех уште во првото полувреме го завери пласманот во второ квалификациско коло со краен резултат 4:0, а реваншот во Македонија ќе биде само чиста формалност.

Мексико лесен залак за панцерите 

Купот на конфедерации во Русија е во завршна фаза односно вечерва се одигра второто 1/2 финале помеѓу Германија и Русија на кој ,,Панцерите на крајно рутински начин дојдоа до победа. Првите 10 минути мексиканците едноставно како да го ,,Преспаа тој период што за искусна и квалитетна репрезентација на Германија беше само олиснителна околност да дојде до брзи два гола и тоа во 6 и 8 минута со головите на младиот Горецка кој иако е фудбалер од средината на теренот не му беше тешко да ги покаже голгетерските способности.

После брзите два гола, Мексико сериозно си ја сфати ситуацијата заигра ангажирано и придонесе да создаде неколку сериозни шанси кои што дел ги одбрани Тер Штеген, дел завршија покрај рамката на неговиот гол и првото полувреме заврши со рамноправна игра во поле но со негатива од два гола.

Второто полувреме повторно имаа празни минути каде што германците преку Вернер постигна трет гол за чекор поблиску до победа со асистенција на левиот бек Хектор кој имаше шанса сам да постигне гол но беше не себичен и го проигра својот соиграч. До крај имаше ревија на убави акции на двете страни, а таквиот пристап придонесе во 88 минута нововлезениот фудбалер на Мексико Марко Фабиан од преку 30 метри со вистинска ,,Бомба да постигне евро-гол, но радоста на голот им траеше кратко, бидејќи исто така нововлезениот Јунес кај противникот постигна гол за конечен резултат од 4:1.

Извидниците од Велес запловија на XIX Вардарска регата “Гемиџии“

Извидничкиот одред “Димитар Влахов“ – Велес денес 29.6.2017 год. (четврток)со три посади или 20 извидници стартуваше на Вардарската регата „Гемиџии“ 2017. На овогодинешното 19-то издание учество земаа 60-тина учесници  кои ќе ја продолжуваат традицијата и ќе ја оживеат старата трговска размена која во минатото се одвивала  преку гемии. Водниот пат долг 146 километри ќе го поминат во четири етапи  и на целта ќе се пристигне во недела на 2 јули. На патеката извршена е контрола и очекуваат  безбедно да пристигнат на целта во Гевгелија. Во наредните денови се очекува да се зголеми бројот  на учесници. Традиционално како секоја година пред стартот на регатата, делегации положија свежи цвеќе на споменикот подигнат во чест на Гемиџиите кај Мало мовче. Вардарската регата ја пренесува приказната на велешките трговци  од времето кога за Велес со почит се зборувало во Влашко и Солунско, кога се внесувал овде духот на европските цивилизациски достигнувања. Но гемијата е цврсто врзана и со револуционерите што трајно ја обележија македонската борба за слобода и самобитност, Гемиџиите.

м-р Ангелче Гушев -kineziologija.mk

КСЕНИЈА НИКОЛОВА: НЕ ДОЗВОЛУВАЈТЕ НИШТО И НИКОЈ ДА ВИ ГО ОДЗЕМЕ ФОКУСОТ ОД ОНА ШТО ВЕ ПРАВИ СРЕЌНИ

 

Опишете како започна вашиот интерес кон пишувањето ?

 

  • Како и секоја друга искрена работа која наместо да ја планирате, едноставно се случува, така и моето пишување. Немаше ништо друго кое водеше кон тоа, освен љубов.

Набројте неколку книги кои сте ги прочитале , а ви помогнале да се надоградувате како писателка?

 

  • Во принцип ова прашање и прашањата од овој тип не ми се допаѓаат, бидејќи сметам дека секој уметник треба да се надоградува врз основа на она кое го носи во себеси, поврзано со начинот на живеење и искуствата кои животот му ги носи. Не верувам во тоа дека можеш да се надоградиш како уметник со помош на тоа што ќе се поистоветуваш со великаните и ќе учиш од нив. Индивидуалноста е витална во уметноста, а восхитувањето многу често знае да те однесе во ненамерно копирање. Информираноста е нешто сосема друго, анализирањето и набљудувањето на туѓото дело исто така, но сето тоа нема никаква врска со вистинското креирање и создавање. Со други зборови, читаме за себеси, во своето слободно време, за својата лична сатисфакција. Не верувам во идоли, особено не во уметноста, бидејќи сметам дека таа е добра само кога е бескрајно оригинална и вистинска.

Според Вас, што е најтешкиот дел во врска со пишувањето на една книга?

 

  • Пуштањето на книгата од себеси. Значи, крајот.

Дали можете накратко да ни кажете нешто за вашата последна издадена книга и зошто љубителите на книги би требало да ја прочитаат?

 

  • Не би требало да ја прочитаат поради ниедна друга причина, освен ако нешто одвнатре не им каже дека треба. Книгата е напишана со многу љубов и раскажува една интересна приказна. Освен што изобилува со емоции, истата е во себеси носи и доста интересни информации кои го едуцираат читателот. Мислам дека романот „Макар уште еднаш“ отвора нови хоризонти и победува стереотипи. И на крајот од денот, истиот буди емоции на многу интересен начин.

Која е пораката која ја пренесувате на читателите преку оваа книга и како дојдовте до името за насловот ?

 

  • Како што кажав, романот „Макар уште еднаш“ е бунтовна приказна која му дозволува на читателот да плови низ вистината и да ја согледа од повеќе агли, дозволувајќи му на крајот од приказната да верува во она во кое што тој сака да верува, бидејќи никому не треба да се суди и секој од нас постапува во одреден момент најдобро што умее.

Доколку би имале можност да поминете време со одреден лик од вашата книга,кој би бил тоа ? Што би правеле во текот на тој еден ден ?

 

  • Најверојатно тоа би бил Боно од „Макар уште еднаш“. А зошто? Бидејќи сум сигурна дека поминатото време би ми било незаборавно! Боно, иако не е главниот лик во мојата приказна, е ликот кој за мене е најинтересен и најзабавен. Тој на еден чуден начин, сосема несериозен, те учи на сериозни нешта.

Дали имате совет кон останатите идни и сегашни писатели ?

 

  • Бидете свои и немојте многу да се грижите за она како другите го прават она кое вие го правите, едноставно правете го онака како што душата ви кажува!

Во скоро време, дали можеме да очекуваме нов наслов од Вас ? (доколку е во можност некој детаљ)

 

  • Да. Го пишувам мојот нов роман. За прв пат ќе се обратам на публиката во женски род. Ќи биде интересно, колку за другите, толку и за мене.

За крај дали имате нешто да додадете или да им се обратите нанашите верни читатели на javisejuzna.mk ?

 

  • Пред да заспиете навечер, направете си листа на нешта кои сакаате да ги остварите утре. И кога ќе се разбудите наредниот ден, почнете да ги остварувате. Не дозволувајте ништо и никој да ви го одземе фокусот од она кое ве прави среќни. И така секој ден.

 

 

 

Автор: Наташа Костовска

Ѕвездите фудбалски во Македонија немаат сјај како западно-европските

Во модерниот фудбалски свет веќе играта е претворена во бизнис, шоу, вртоглави милионски суми се вртат и профитот е пред се. Западна Европа е во предност во однос на остатокот на Европа и пошироко во однос на развојот во спортот, инфраструктурата, традицијата, финансиските средства итн. Денешните теркови ни носат трансвер од еден во друг клуб не за 1 до 2 милиони евра туку цифрите одат над 100 милиони евра.

Што се однесува до Балканскиот Полуостров поточно што се однесува до Македонија иако сме свесни дека заостануваме премногу во инфраструктура, стручен кадар, едукација, финансии , долгорочни планови сепак во едно сум сигурен дека не заостануваме во талент во квалитет со останатите најразвиени спортски земји.

Поткрепа на ова тврдење е штотуку завршеното Европско Првенство во Полска до У-21 каде што нашата млада селекција успеа најпрвин да се пласира, а се пласираа само 12 селекции и самиот тој факт не сместува во најдобрите 12 во Европа во младинска конкуренција.

Од каде произлегува токму овој наслов (,,Ѕвездите фудбалски во Македонија немаат сјај како западно-европските) ? Со издржани факти и размислувања ќе се обидам да ја разјаснам и да ги претставам сопсвените гледишта:

Ќе започнам со голманската позиција. Бразилкиот интернационалец Едерсон кој до скоро бранеше за Бенфика  летово направи трансвер за невероватни 40 милиони фунти во тимот на Манчестер Сити. Голманот на Англија Пикфорд кој бранеше на ЕП Полска до     У-21 исто така направи трансвер од тимот на премиерлигашот Сандерленд кој испадна во Чемпионшип премина во Евертон за вртоглава сума од 30 милиони фунти. Донарума од Милан кој исто така настапи на престојното ЕП за својата Италија, се очекува да направи рекорден трансвер ако не оваа сезона тогаш во наредната натпреварувачка сезона и сумата сигурно ќе биде над 60-70 милиони евра, а се работи само за тинејџер.

Компарацијата со нашите квалитетни голмани како што се Столе Димитриевски кој по одличниот трансвер во Удинезе, но сепак на стартот тимот од Удине немаше доверба да му ја додели единицата па беше позајмуван во Гранада, а таму најчесто беше во вториот тим, со само еден настап во Примера Дивизион, а неговиот фудбалски пат го одведоа во второлигашка конкуренција во тимот на Гимнастик кој втората полусезона беше закован на резервната клупа и има обврзани раце да направи трансвер во Луго тим кој исто така е од втора лига во Шпанија. Младиот струмичанец Илиев кој направи супер квалитетен трансвер за Арсенал, но таму е далеку од првиот тим, со настапи само за младинскиот тим на Арсенал кој до сега го пратеа голем број на повреди. Игор Алексоски кој исто така настапи за Македонија на ЕП во Полска нималку не заостанува од останатите квалитетни голмани, но ја живее суровата реалност и е надвор од скаутингот на големите европски клубови кој ќе го одврзат ќесето и ќе извадат на маса милионска сума.

Во делот на дефанзивата Стоунс од Евертон направи трансвер во Манчестер Сити за рекорден трансвер за дефанзивец од 50 милиони фунти, потоа ова лето младиот швеѓанец Линделоф направи трансвер од Бенфика во Манчестер Јунајтед за сума од 30 милиони фунти. Додека нашите млади дефанзивци како што се Ѓоко Зајков кој направи солиден трансвер во Рен (Франција), за потоа без да му се даде било каква шанса да биде позајмен во Белгија, а во тимот на Шарлероа беше во втор план и не конкурираше за првиот нивен тим и настап на првенствени натпревари. Тука се и Дарко Велковски, Демири и Бејтулаи но тие најчесто се спомнуваат за трансвер или во балкански клубови или во клубови од типот на Грасхоперс и сличен тип на клубови кои се солидно познати но не се од самиот европски крем.

Средината на теренот е најбараната и најтрасверираната позиција со фудбалери и таму се вртат вртоглави милионски суми каде што најсвеж пример е трансверот на Бернардо Силва од тимот на Монако во Манчестер Сити за 70 милиони фунти, потоа пред две години Реал Мадрид потроши 80 милиони евра на Џејмс Родригез, а ги заработи тимот на Монако, а најголемиот трансвер во светот се склучи минатот лето за рекордни 110 милиони евра на Пол Погба од тимот на Јувентус во Манчестер Јунајтед. Инаку во бројните шпекулации ова лето вклучени се и Бакајоко (Монако), Родригез (Реал Мадрид) и други кои што ја надминуваат границата од 50 милиони евра, а што се однесува до нашите фудбалери на таа позиција како што се Бобан Николов (Вардар), Давид Бабунски (Јокохама,Јапонија), Даниел Аврамовски (Олимпија Љубјана) тие суми  и клубови се само сон.

Фудбалерите во нападот се исто така многу барани на трансвер пазарот секако и многу платени, а Суарез од Ливерпул направи трансвер во Барселона за 70 милиони евра пред неколку години,додека ова лето Андре Силва од Порто направи трансвер во Милан за 40 милиони евра, а листата е преголема да се пишат сите милионски транвсери. Македонските напаѓачи Марјан Радески (Шкендија), Виктор Ангелов (Ујпешт), Петар Петковски(Вардар), Дарко Чурлинов (Келн младински состав) се далеку од случувањата и барањата на големите клубови за трансверни суми како и нивните.

Во текстот погоре се испуштени Енис Барди од Ујпешт кој воедно беше избран меѓу најдобрите 11 во групната фаза на ЕП во Полска до У-21 и Елиф Елмаз од Работнички кој и тој беше и настапи на ЕП во Полска. Ако се следат медиумите и шпекулациите за нивните идни трансвери може да се прочита дека Барди и Елмаз би заминале во Видеотон (Унгарија), Херенвен (Холандија), Динамо Загреб и Хајдук Сплит (Хрватска) и Галатасарај (Турција). Според нивниот квалитет и потенцијал не заостануваат со ниту една фудбалска ѕвезда па освен трансвер во Манчестер (Јунајтед,Сити), Реал, Барса, Баерн Минхен, Борусија Дортмунд, Милан, Јуве, Интер и итн ќе биде жалосно да не влезат во костец со ѕвездените светски фудбалери па да имаме и ние и тие самите да се докажат на мега дерби натпревари.

Трансверите во денешно време што изнесуваат над 50 милиони евра во македонски услови трансверните рекорди се движат околу 70, 80, 100, 150 илјади евра, можеби сме многу далеку од големи трансвери, но нашата фудбалска иднина ние загарантирана за долги години и овој талент да го претвориме во квалитет, па освен настап на младинско ЕП за скоро да имаме и сениорско учество на големо натпреварување.

Предраг Јанчески

Шкендија гази уште на стартот (ВИДЕО)

Новиот стратег на Шкендија Ќатип Османи уште на стартот на евро-одисејата во првото квалификациско коло против молдавскиот преставник Дачија на стадионот ,,Младост во Струмица поради чувањето на скопската Арена за Супер Купот не им беше пречка да го совладаат ривалот со рутунски 3-0. Творци на победата беа офанзивните фудбалери Хасани, Ибраими, Радески, Жуниор, Вујчиќ најнапред уште во 7 минута над Радески беше направен фаул во шеснаесетникот, а сигурен реализатор беше Бесарт Ибраими за почетно водство.

Молдавците уште беа во шок кога стигна и втор гол во нивната мрежа во 11 минута од натпреварот после одбиената топка на Раилеан голманот на Дачија при слободен удар а одбиената топка бразилецот Жуниор ја проследи до Радески кој од 5 метри од голот немаше тешка задача за дуплирање на водството.

Во второто полувреме падна темпото на игра, но само привидно бидејќи тетовчани во 75 минута на аситенција на капитенот Ферхан Хасани до Марјан Радески за трет гол и запечатување на победата, а се надеваме и запечатување на пласманот во второ квалификациско коло. Шкендија покажа и докажа дека има капацитет да ги постигне барем минатогодишните успеси во квалификациите во Лига на Европа, а со Ќатип Османи на клупата се покажа како вистински избор. Младите фудбалери кои беа на ЕП во Полска се во напреден натпреварувачки ритам и баш тие беа едни од најдобрите поединци на теренот.

 

Новости во македонската кошарка : Клубови и национален тим

 

  1. КК МЗТ СКОПЈЕ АЕРОДРОМ

 Александар Тодоров е новиот тренер кој ќе ги води МЗТ во престојната 2016/17 сезона. За Тодоров ова ќе биде четврти пат како тренер на МЗТ , на кој  му ја донесе првата титула и ја започна доминацијата на клубот во македонската лига. Во минатото , во домашната лига тој беше тренер на КК Куманово 2009 и Вардар Скопје , додека интернационално во Бугарија ,Турција ,Романија и Косово.

По пропуштањето на 2016/17 сезоната, поради повреда на десната нога, 29-годишниот Дамјан Стојановски продолжува онаму каде што застана – во тимот на КК МЗТ.Стојановски за прв пат се придружи во тимот на плаво белите во далечната 2012 год. кога го напушти бугарскиот кошаркарски тим , Лукоил Академик Софија.  Во текот на годините тој успеа да го предводи МЗТ кон четири освоени прволигашки титули и пет титули во Македонскиот Куп. Имаше импресивна 2015/16 сезона во АБА лигата со статистика од 10.5 во поени , 2.7 во скокови и 1.6 во асистенции , додека шутот за три поени изнесуваше 39 % .

 

За МЗТ Скопје ова ќе биде четвртиот играч кој ја продолжува соработката за наредната 2016/17 сезона , приклучувајќи им се на Адем Меќич , Марко Симоновски и Ксавиер Темс.

 

  1. КК КАРПОШ СОКОЛИ

 

Тренерот Драган Николиќ го напушта тимот на Карпош Соколи . Негов огромен успех е тоа што го предводеше тимот во освојување на Македонскиот Куп. Негови останати достигнувања се освојувањето на наградата за тренер на годината за 2015 година, потоа беше на чело на српскиот национален тим во 2012 год.

Што се однесува до престојната сезона , соколите го продолжија договорот со Драган

Лабович и се во преговори со неколку од останатите играчи во тимот. Се очекува да се продолжат договорите со Кендрик Пери, Дарко Соколов и Игор Пенов.

Драган Лабович имаше одлична сезона со просек од  15.6 поени и 4.7 скокови во вкупно 26 натпревари во АБА лигата , како и 15.4 поени и 6 скокови во 18 натпревари во Македонскиот Шампионат . 30 – годишниот Србин преставуваше еден од главните играчи во текот на целата сезона.

Уште една новост за тимот на Карпош е  Кирил Николовски.Николовски ги помина претходните две сезони за клубот на Фени Индустри , каде што беше еден од значајните лидери на тимот. Неговите статистики се 12.5 поени и 6.5 скокови во изиграни 22 натпревари. За Николовски ова ќе преставува враќање во главниот град откако играше неколку пати за тимот на КК МЗТ , како и една сезона за тимот на Вардар.

Карпош Соколи нема да учествува во престојната АБА лигашка сезона , меѓутоа клубот останува со високи амбиции откако појавија интерес за приклучување во ФИБА Еврокупот или Кошаркарската Шампионска Лига како нивен нов интернационален предизвик.

  1. КК РАБОТНИЧКИ

 Тимот на работнички потпиша со Бојан Крстевски кој последната сезона ја одигра во дресот на Кожув.Во 22 изиграни натпревари тој постигна просек од 9.4 поени, 4.1 скокови , 1.1 асистенции и 1 блок од натпревар. Претходната 2015/16 сезона играше за Работнички ,а исто така има добиено награда за одбранбен играч на годината во 2014.

 

  1. ЖЕНСКИ МАКЕДОНСКИ НАЦИОНАЛЕН ТИМ ЗА 2017

Тренерот Марјан Лазовски заедно со Стојна Вангеловска ја имаат честа да го одведат националниот тим на женската македонска кошарка кон престојниот предизвик.Лазовски го водеше и машкиот национален тим ,но се докажа достоен за улогата како тренер на кошаркарките кои постигнаа значителен успех во турнирот и го завземаа второто место.По пауза од три години кошаркарките извојуваа победи над репрезентациите на Бугарија (Мак/Буг – 77:62 )и Босна (Мак/БИХ -72:60 ), меѓутоа со пораз против Јапонија (Мак/Јап -79:91) .По подолго време МКФ го активира женскиот македонски национален тим пријавувајќи го за квалификации на Европското Првенство ,а ждребката за составот на групите ќе се одржи на 4-ти Јули во Минхен.

Прва петорка : Нена Трајчевска , Ива Крстевска ,Ана Тантуровска, Јелена Антиќ и Криси Гивенс.

Македонија
Криси Гивенс
Јелена Антиќ
Ана Тантуровска
Ивана Кметовска
Ива Крстевска
Сара Анастасиеска
Драгана Петковска
Нена Трајчевска
Александра Стојановска
Ивона Пејковска
Софија Лазареска
Сандра Лазареска
Марина Неделчева

Автор:Наташа Костовска