Tag Archives: актуелно

Ех тие пусти пари

Кога се во прашање финансиите никогаш тие не се доволни. Од оваа парола се раководи акционерското друштво за стопанисување со станбен и деловен простор кој го видно поскапи користењето на Арената ,,Филип Втори па ги принуди тимовите што го користат овој терен да бараат нови решенија и солуции. Пред извесен период дневен термин за користење на арената беше 1000 евра и 2000 евра ноќен термин, додека за европски настапи чинеше 12.000 евра. Но, ех тие пусти пари кои никогаш не се доволни ги натера да го сменат ценовникот и драстично да ги кренат услугите за користење на овој стадион, а тоа изразено во цифри изнесува 3000 евра дневен термин, 6000 евра ноќен термин и верувале или не 35.000 евра (тука не е вклучено ДДВ) чини европското користење на домашниот терен.

Во држава која го негува спортот и се грижи се да функционира беспрекорно, вакво драстично кревање на цените веднаш ќе се изнајдеше резервно решение, на кое што засегнатите клубови во случајов (Работнички и Вардар) би играле на нов стадион, ама во нашата земја не е така лесно спортскиот живот и нормалното функционирање на спортот, од причина што немаме инфраструктура која ги задоволува барем минимум пропишаните стандарди.

Солуциите би биле стадионот во Ѓорче Петров, стадионот во Автокоманда и Маџари, но кога би се скенирале тие терени ќе се види дека нема основни услови за прволигашки фудбал. Каква ли само компарација и различно расположение има кога се играат евро-натпревари од типот на Малме, Копенхаген, Фенербахче, Зенит и со престојните исто така Розенборг и Реал Сосиедат, со натпреварите од домашниот шампионат против Скопје, Силекс, Академија Пандев, Ренова и останати. Компарацијата и споредбата не е проблемот во домашни и странски екипи, туку во какви услови се играат европските натпревари со тие во домашното првенство. Не е возможно да се споредат условите, бидејќи кога ќе се видат во какви услови и какви терени се низ Македонија, самите фудбалери, односно спортисти немаат мотивација и желба да ги прикажат игрите и настапите од тие на евро-сцената.

Дали надлежните или државата ќе ги воочат овие недостатици, проблеми, аномалии и инфраструктурни недоречености и недостатоци, зарем е можно од нашето осамостојување па се до денес да имаме во цела држава само еден стадион, само еден затворен базен, само една сала и една атлетска патека што ги исполнуваат европските пропишани стандарди ? Просто неверојатно е со какви проблеми се соочуваат спортистите и спортските работници, а од друга страна спортот е најдобар амбасадор на една држава и што е најтрагично постојано од спортистите се бараат учества на големи натпреварувања од типот на Лига на Шампиони, Лига Европа, Европско првенство, Светско првенство, Олимписки игри, а од друга страна никој не се грижи за нивното опкружување во кои тие работат и живеат. Исто така се под голема пресија на раководните структури како во клубовите така и во репрезентативните селекции да го даваат постојано својот максимум, а пак навивачите секој пораз или неуспех знаат да го пропратат со негодување и навреди кон нив.

Малку се тие спортисти би рекол се бројат на една рака, што без никаков респект, без ,,Влакна на јазикот јавно, јасно и гласно го искажуваат своето мислење, револт со искрени и чисти намери за реалните случувања. Сите овие статуси, текстови, колумни, објави се надеваме сите за наше добро дека ќе допрат до сите оние кои се надлежни да ги подобрат условите на спортистите и целокупниот спорт за взаемно задоволство, уживање и постигнување на врвни спортски резултати за кои бенефит ќе има и државата.

Ех тие пусти пари !!!      

Предраг Јанчески

Леон Кровли – Ирски гениј за билијард (ВИДЕО)

Леон на само 11 години успеа да стигне до финалето на У 18 и полуфиналето на У 21 во Карлоу за време на викендот, кој сега го доби националниот рејтинг број 2, наскоро да биде број 1.
Видеото од малиот гениј може да го видите на следниот ЛИНК.
                                                                                                                                                           Автор: Наташа Костовска 

Почна Октоберфест во Минхен

Градоначалникот на Минхен, Дитер Рајтер, точно напладне го отвори најголемиот панаѓур на светот – Октоберфест со два удари и традиционалниот извик „О’цапфт ис!

Првата кригла со пиво традиционално ја доби премиерот на Баврија, Хорст Зехофер. Цената на една кригла, која инаку собира еден литар пиво, на годинешниот 184-ти Октоберфест чини 10,95 евра и е 25 центи повисока отколку лани.

На панаѓурот се очекуваат околу 6 милиони посетители од цел свет.

Извор: dw.com/mk

 

Наскоро нова македонска тв серија “Фамилијата Марковски” (ВИДЕО)

Македонија, 2017 година. Фамилијата Марковски се соочува со многу предизвици што ги носи животот во едно општество со константни политички и социјални турбуленции.

„Фамилијата Марковски“ е нова играна ТВ серија од осум епизоди, чие дејствие е инспирирано од вистинити приказни од секојдневието на македонските граѓани.

Главни протагонисти се членовите на фамилијата Марковски. Бојан е 15-годишно момче чија пасија е снимање на видео – блогови (влогови) што од забава стануваат негова моќна алатка за иницирање на промени.

Неговата сестра, Јана (27) е млад амбициозен архитект која се соочува со морална дилема – дали да застане зад сомнителните проекти на архитектонското студио во кое работи, а го води нејзиното момче, или да го зачува сопствениот интегритет.

Виктор (24), постариот брат на Бојан, и покрај магистерската диплома се мачи да најде работа, а паралелно крие и огромна тајна од своите најблиски.

Иван, таткото на Бојан, чии планови и амбиции се распаѓаат во времето на приватизацијата, прифаќа разни ангажмани и привремени работи играјќи на картата на политичка неутралност.

Лиле, мајката на Бојан, е најголемиот поборник за правда во фамилијата Марковски, чија издржливост е ставена на тест откако е присилена да учествува во сомнителни активности на своето работно место.

Проектот ТВ серија „Фамилијата Марковски“ е во продукција на АРТ ПРОЕКТ ЛАБ од Скопје и е овозможен со поддршка од Агенцијата на САД за меѓународен развој УСАИД.

„Фамилијата Марковски“ наскоро ќе почне да се емитува на телевизијата „Канал 5“.

Режисер на ТВ серијата е Даријан Пејовски.

Главните улоги ги толкуваат: Петар Петковски, Тамара Ристоска, Владимир Петровиќ, Александар Микиќ и Силвија Стојановска.

Ви го прикажуваме трејлерот за новата македонска серија „Фамилијата Марковски“ која наскоро ќе почне да се емитува на телевизијата „Канал 5“.

Извор: Фамилијата Марковски

Пивото е здрав пијалок

Од студиите кои се направени под иницијатива на државниот универзитет Пен (Кина), доаѓаат до заклучок да пола литар пиво дневно значајно го намалува ризикот од срцев удар. Здравиот холестерол (HDL) е многу важен во борбата против лошиот холестерол кој ги згрутчува крвните садови. Пивото повеќе влијае на нивото на HDL отколку жестоките пијалоци. Испитаниците кои секојдневно пиеле пиво имаат значајно подобро ниво на HDL за разлика од оние кои не пиеле воопшто. HDL варира, а на оваа студија е докажано дека луѓето кои пијат пола литар пиво дневно го намалуваат паѓањето на HDL, поради што се зајакнува одбраната на телото од инфаркт.

Извор: trendseteri

“НА ТЕРАПИЈА” е новата Македонска ТВ серија (ВИДЕО)

„На терапија“ е првата македонска ТВ серија снимена според странска лиценца, во продукција на КИНО ОКО. Емитувањето на серијата ќе започне во септември 2017 година.

Серијата, во која глумат домашни актери, содржи 45 епизоди адаптирани од македонски автори и реализирани со екипа од македонски ТВ и филмски професионалци.

Оригиналната серија „На терапија“ потекнува од Израел и е креирана од Нир Бергман, Ори Сиван и Хагаи Леви. Леви е познат и по работата на серијата „The Affair“ наградена со неколку Златни глобуси.

Серијата веднаш се здобива со популарност, ласкави критики и неколку високи признанија, вклучувајќи ги наградите „ЕМИ“ за најдобар актер и актерка, наградата „Златен глобус“ за најдобар актер и наградата за нова серија на Синдикатот на писателите на Америка (Writers Guild of America).

Концептот на серијата доживува планетарен успех и се снимаат посебни верзии за Канада, Аргентина, Бразил, Јапонија, Чешка, Полска и Италија.

Во Балканскиот регион досега се снимени романска верзија (HBO Central Europe), словенечка верзија (POP Brio) со Игор Самобор во главната улога, српска верзија (Fox Television) со Мики Манојловиќ во главната улога и хрватска верзија (HTV).

Во македонската верзија на хит серијата игра исклучителна актерска екипа предводена од Никола Ристановски во улогата на психотерапевт, заедно со Јелена Јованова, Амернис Нокшиќи, Тони Наумовски, Ангела Димитрова, Драгана Костадиновска, Висар Вишка и Бедија Беговска.

Повеќе информации за серијата ќе најдете на страната www.naterapija.mk

Извор:  www.naterapija.mk

Играта во природа е магична и незаменлива

Не постои упатство за игра во природа. Децата само создаваат правила и во тој процес ја користат својата креативност, интелегенција, сонување и преговарачките способности на уникатен начин. Јас како долгогодишен почитувач и организатор на активности во природа можам да го истакнам следното: “… на децата им треба слобода и време за игра.“ Играта е неопходна. Низ неструктуирани, отворени и креативни движења децата успеваат да ги научат правилата на светот околу нив. Додека си играат во природа , децата истражуваат со своите чуства, откриваат нов живот, создаваат замислени светови и меѓусебно преговараат за да би создале свое опкружување кое е способно и квалитетно за играње.

1.Играта во природа е активност која ги опфаќа сите сетила
Додека се надвор, децата ќе ги видат, слушнат,помирисаат и допрат предметите кои не им се на располагање додека се внатре – во училница, во кабинет, во домашна просторија. Нивниот мозок на едноставен начин работи додека се обработуваат новите предизвици и потикнувања.

2.Играта во природа го поврзува неформалното образование (играта) со формалното учење.
Децата можат на практичен начин да променат концепти кој ги имаат научено на училиште, а се додека си играат надвор. Пример: Кога ќе ја допрат кората на дрвото или цветот на растението, тие се потсетуваат на примерите кои нивиот наставник им ги презентирал на часот по биологија и тоа за начинот на кој се хранат растенијата.

3.Играта во природа ја стимулира креативноста
Искуството кое го стекнав со 35 годишнто активно учество во програмските активности на извидничката организација на Велес и македонија , можам слободно стручно да го дизајнирам окружувањето за игра и учење – природата и природните материјали го потикнуваат безграничното детско сонување и служат како средство за инвентивност и креативност – “камењата, карпите и земјата“ дваат неограничени можности за игра кои секогаш можат на друг начин да се прикажат кога ќе се испадне надвор.

4.Играта во природа е отворена
Не постои упатство за игра во природа. Децата само создаваат правила и во тој процес ја користат својата креативност, интелегенција, сонување. Но и создадените преговарачките способности на уникатен начин.

5.Играта во природа ја намалува нервозата
Времето поминато во надврешната средина, психолошки ја намалува нервозата. Децата се отворени и опуштени после престојот во природа, кога ќе се вратат во традиционалните опкружувања во кои учат.

6. Играта во природа го зголемува нивото на концентарција
Времето кое децата го поминуваат во неструктурална игра во природа ја зголемува концентацијата на децата. Децата кои имат проблеми со задачите кои вклучуваат молив и хартија или подолго седат мирно и концетрирано, чесопати се многу поуспешни после времето поминато надвор.

7.Играта во природа е магично-сонувачка
Затоа што не постојат обележја, предходно започнати идеи и правила, децата за себе создаваат свој свет околу себе. На овој начин на играње, децата користат свои соништа такви како што не се користат кога се во затворено.

8.Времето поминато во природа развива почит кон другите живи суштества
Децата развиваат емаптија, способност за да ги воочат чуствата кон другите луѓе, така што си играат со суштствата во природата. Набљудувајќи ги бубачките, ластовичките или верверичките кои се движат од гранка на гранка од дрво на дрво, на децата им се овозможува да учат од други и така да растат.

9.Играта во природа го поттикнува решавањето на п роблеми
Додека децата управуваат со светот во кој сами си создаваат правила, мора да научат што функционира, а што не, кој начин носи успех, а кој загуба, кога да продолжат со подвизите, а кога да застанат.

10.Играта во природа поттикнува способност на водство
Во опкружувањето каде што децата создаваат забава, се појавуваат природни лидери или водачи. Едно дете ќе доминира во објаснувањето како се игра некоја игра, додека пак друго дете ќе ужива во поставувањето на физичките предизвизци на играта со препреки. Сите типови на способности и вештини на водачот се потребни и треба да се негуваат.

м-р Ангелче Гушев-kineziologija.mk

Најлесниот велосипед на светот

Фабриката Fairweel Bikes од Туксон, Аризон го произведе најлесниот велосипед на светот кој тежи само 2,72 килограми. Оваа тежина знаеме дека е доста полесен од оние натпреварувачките (тркачки) и професионални велосипеди кои во просек тежат околу 8  килограми. Тајната на неговата леснотија лежи во јаглеродните влакна и титанот од кои целиот велосипед е направен.  Заради наведените материјали од кои се произведува велосипедот, многу е веројатно да тој не се најде во масовна продажба затоа што цената на еден ваков вид на велосипед би изнесувал приближно 45.000 долари. Рамот целосно е изработен од карбон фибер и има титаниумски бандаши со десетобрзински пренос.

м-р Ангелче Гушев-kineziologija.mk

Лиужоу – Шумскиот град кој започнува да се гради во Кина

Кина започна да го развива првиот ,,Шумски град,, чија основна цел е борба против загадувањето на воздухот. Шумскиот град  дизајниран од Стефано Боери, оживува во Лиужоу, провинцијата Гуанкси на 175 хектари по должината на бреговите на реката Лиу. Се очекува да биде завршен во 2020 година.

Околу 1 милион растенија од 100 различни видови и 40 000 дрвја ќе бидат засадени во Шумскиот град. Фирмата на дизајнерот Стефано Боери која ги постави првите концептуални семиња во градот тврди дека Шумскиот град Лиужоу може да апсорбира над 10 000 тони CO2 и други загадувачи годишно, а од растенијата би можело да се произведува до 900 тони годишно кислород.

Но, не се само луѓето оние кои ќе имаат корист од развојот на овој град. Имено, различните видови птици од областа Лиужоу ќе добијат нов дом што ќе доведе до зачувување на биолошкта разновидност.

Секако, жителите на овој град нема да живеат во згради од дрвја и лисја, туку овој град ќе им ги пружи сите удобности на модерниот град вклучувајќи го и брзиот електричен воз. Шумскиот град ќе се потпира на геотермална енергија за напојување на внатрешните системи за климатизација, а соларните панели ќе обезбедат електрична енергија.

Изградбата на ваков град во индустриските центри во земјата ќе биде вистински тест за практично решавање на проблемите со загадувањето во Кина каде што околу 1.1 милиони луѓе годишно ги губат своите животи како резултат на ефектите од смог и нечист воздух.

 

НЕВООБИЧАЕНИ УБАВИНИ ВО СВЕТОТ

1.Прекрасна илузија на подводниот водопад во Маврициус

Па речиси, тоа е всушност само илузија … но изгледа сосема реално. Како слика создадена од самата мајка природа, островот Маврициус се наоѓа на 2.000 километри од југоисточниот брег на Африка, во близина на Мадагаскар.

Причината за ваквата илузија е поврзана со локалните песочни и слични наслаги кои протекуваат низ областа и ја менуваат бојата на водата, така што изгледа како водопад.

2.Индонезиски вулкан од чиј кратер еруптира сина лава

Сулфурните гасови согоруваат на такви високи температури што овој вулкан во Индонезија избива со сина лава.

3.Виножитно дрво – овие австралиски еукалиптус дрвја се познати по нивната единствена, мулти-обоена кора.

4.Цветни пустини во Чиле

Цветната пустина е климатски феномен што се јавува во пустината Атакама, Чиле. Феноменот се состои од расцутување на широк спектар на цвеќиња помеѓу месеците од септември до ноември, во годините кога врнежите се невообичаено високи.

5.Голема сина дупка во Белиз

Големата сина дупка е дестинација од светска класа за рекреативни нуркачи привлечени од можноста да се нурне во кристално чисти води и да се видат огромен број видови морски животни вклучувајќи тропски риби и спектакуларни корални формации.Има  кружна форма, во широчина над 300 метри и длабочина од 125 метри. Најголемата светска природна формација од ваков вид, Големата сина дупка е дел од поголемиот резервен систем за корален гребен, и е заштитена со УНЕСКО.

Наташа Костовска