Tag Archives: атлетика

Големиот Усеин Болт кариерата ја заврши на бизарен начин

На последната професионална трка на големиот Усеин Болт ја заврши на бизарен начин трката 4X100 метри каде во последната промена на штафетата тој беше последната замена и по само 20 метри ја истегна задната ложа и не ја заврши трката, каде сензационално триумфираа домаќините Велика Британија во фото финиш против Сад, а трети или бронзени заврши Јапонија

Уште еден доказ зошто е Болт најдобриот на сите времиња (ФОТО)

Усеин Болт (Јамајка) на Светското првенство во Лондон ја трчаше последната официјална трка на 100 метри. Болт ја заврши трката на третото место  веднаш зад двајцата американските спринтери Колман и победникот Џастин Гетлин.

Сепак, Болт ќе биде запаметен како најголем спринтер на сите времиња, и, секако, во конкуренција за најдобар спортист во историјата. Ова е поддржано со фактот дека од 30-те најбрзи трки на 100 метри на само девет трки спринтерот кој победувал не бил подоцна обвинет за допинг. И сите 9 најдобри времиња му припаѓаат на Усеин Болт.

Останатите барем по еднаш се фатени на допинг тест, а тука се : Тајсон Геј, Џастин Гетлин, Јохан Блејк и Асафа Пауел.

 

 

Кируи и Черимо победници во маратон

Kипкорир Кируи од Кенија во машка конкуренција на светското првенство во атлета во дисциплина маратон стигна прв на целта со време 2.08.27 пред Тола од Етиопија и Симбу од Танзанија.

Во женска конкуренција победничка беше Росе Черимо од Бахреин инаку родена кенијка со време 2.27.11 пред натпреварувачките од Кенија (Киплагат) и маратонката од Сад (Крег).

СП атлетика- маратон

Мажи:

Џефри Кипкорир Кируи од Кенија 2.08.27 часа

Тамират Тола од Етиопија 2.09.49 часа

Феликс Симбу од Танзанија 2.09.51 часа

Жени:

Росе Черимо од Бахреин 2.27.11 часа

Една Киплагат од Кенија 2.27.18 часа

Еми Крег од Сад 2.27.18 часа

Победата за Гетлин, овациите за Болт (ВИДЕО)

Џастин Гетлин ја засени прошталната 100 метарска ноќ над Усеин Болт и нашиот легендарен коментатор Златко Калински со златно време 9.92 пред неговиот сонародник со сребрен медал Кристијан Колман со време 9.94 и неочекувано со бронзен медал си заминува во историјата Усеин Болт со време 9.95.

Лондонската публика крајот на трката го дочека со свирежи кон Џастин Гетлин, а овации кон Усеин Болт, но јамајчанецот до крај остана спортист со реноме и гордост па спортски го поздрави својот ривал и му честиташе на неговиот успех. Како и да е победа си е победа без разлика какво минато имал американскиот атлетичар, а за атлетичарот од Јамајка ќе остане во аналите на светскиот спорт како еден од најголемите спортисти, со харизма и резултати кои што во блиска иднина тешко некој и да ги надмине.

Финалната трка може да ја погледнете на следниот ЛИНК.

Штафетно трчање и измена на штафетната палка

Во овој прилог Ви претставувам еден практичен приказ за реализација на наставен час (дневна подготовка за реализација на часот по спорт и спортски активнисти). Овој практичен приказ се однесува на обуката на штафетното трчање на 4х100 метри и измената на штафетната палка. Целокупната подготовка можете да ја симнете тука > atletika_utvrduvanje-na-stafetno-trcanje-rabota-so-palka

м-р Ангелче Гушев-kineziologija.mk

Кируи победник, Кираџиев најдобар наш маратонец на Скопски Маратон

Киротич Кируи втора година по ред победи на Скопскиот маратон откако на целта стигна со време од 2 часа 12 минути и 59 секунди.

Второпласираниот Едвин Кипруто Кирва стигна со време од 2 часа 16 минути и 15 секунди, додека третиот Самуел Кимутаи Киптум имаше 2 часа 16 минути и 32 секунди.

Aлександар Кираџиев е најдобар наш маратонец кој патеката ја  истрча за 2 часа и 41 минута и 29 секунди завршувајќи ја трката на шестата позиција.

Во женска конкуренција најдобра беше Стела Барсосио исто така од Кенија која оствари и нов рекорд на патеката кај дамите. Таа ја истрча маратонската трка во Скопје за време од 2:33.42 часа.

Од нашите маратонки најдобра беше Весна Кираџиева сестра на Александар Кираџиев, а второпласирана беше неговата сопруга Билјана Кираџиева.

Македонскиот атлетичар Дарио Ивановски е победник на полумаратонската трка на денешниот Скопски маратон. По триумфот на полумаратонот во Белград, Ивановски успеа да слави и на домашен терен во Скопје. Патеката во должина од 21 километар ја мина за време од 1:11:27 часа.

Кај жените победнички се трите сестри од Естонија,  Лејла, Лина и Лили Луик, кои на целта стигнаа за 1:26.07 часа.

Македонија – домаќин на Европското првенство во планинско трчање

Атлетската федерација на Македонија, Р.Македонија и градот Скопје, официјално ја добија организацијата на 17-то Европско првенство во планинско трчање.

Имено, на Европското првенство во атлетика во сала во Белград, беше доделена организацијата на овој настан на Р.Македонија и официјално беа потпишани договорите од страна на претседателот на Европската Атлетска асоцијација Свен Арне Хансен , како и претседателот на Атлетската федерација на Македонија, Крсте Серафимовски, со што уште еднаш се потврди дека Европската атлетска асоцијација (ЕАA) има целосна доверба во Р.Македонија, во АФМ, како и во патеката на падините на Водно.

На ова Европско Првенство, Македонија ќе биде домаќин во 2018 година, или поточно на 01 Јули 2018 , на падините на Водно, каде ќе се трча во два правци: нагоре и надоле.

Се очекува на овој голем настан да присуствуваат околу 250 – 300 атлетичари, од повеќе од 30 држави, со голема веројатност бројката да биде зголемена како ќе се ближи Европското Првенство.

Натпреварувачите ќе се натпреваруваат во поединечна и во екипна конкуренција и во следните дисциплини:
-Младинци на 8 км, во два круга ( мажи )
-Сениори на 12 км, во три круга ( мажи )
-Младинки на 4 км, во еден круг ( жени )
-Сениорки на 8 км, во два круга ( жени )

Само да напоменеме дека, 16-то Европско првенство во планинско трчање ќе се одржи оваа година, на 8-ми Јули и тоа во Камник, Словенија, каде ќе се одржи и официјалното примопредавање на домаќинството од Словенија на Македонија.

Овој настан како еден од најголемите спортски настани кој ќе се одржат во Македонија, е од навистина големо значење за македонската атлетика, како за Р.Македонија, така за Атлетската федерација на Македонија и за градот Скопје.
Препораката од (ЕАА) е доколку се покажеме како добри домаќини во иднина ќе биде доделено и поголемо атлетско натпреварување во Македонија.

Генерален секретар
Дејан Ангеловски – Контакт телефон 078-315-563, 070-555-563

Официјални лица за односи со јавност и медиуми:

Игор Александровиќ Јовица Симоноски
e-mail: igor_aleksandrovic@hotmail.com e-mail: jovicasimonoski@gmail.com
Тел: +389 (75) 257 571 Тел: +389 (72) 22 66 10

Давитков нов селектор

Јорданчо Давитков од денес е нов селектор Кошаркарската репрезентација на Македонија, а друштво на повратникот на клупата на националниот тим ќе му прават двајца млади стратези, Александар Јончевски и Љупчо Малинков.

Македонскиот стратег по вторпат доаѓа на тренерското столче на Македонија. Своевремено тој го наследи Марин Докузовски на клупата на националната селекција во 2001 година, а по низа неуспеси да се пласира на континенталното првенство, Давитков успеа да го направи (дотогаш) најголемиот успех на националниот тим откако во 2005 година обезбеди место во Дивизија А.

Семинар за атлетски тренери во организиација на ЕАА

Во организација на Европската атлетска асоцијација од 10-12 март во Виена ќе се одржи Семинар – Конференција за атлетски тренери на Европа на кој ќе земе учество и претседателот на тренерската комисија при Атлетската федерација на Македонија Беџет Точи. На Конференцијата ќе има можност за размена на искуства  и идеи со колегите од цела Европа со цел унапредување и усовршување на тренажниот процес. Конференцијата ќе биде отворена од Претседетаелот на ЕАА, Свен Арне Хансен по кое ќе бидат претставени најдобрите национални системи во Европа за скокови, фрлање, трчање како и методологија за постигнување на врвни резултати. Предавачи на Семинарот се Вофганаг Рицдолф за скокање,  Елио Локатели за спринт, Рене Сак за фрлања и уште неколкумина.

Генерален секретар

Дејан Ангеловски – Контакт телефон 078-315-563, 070-555-563

Официјални лица за односи со јавност и медиуми:

 

Игор Александровиќ                                        Јовица Симоноски

e-mail: igor_aleksandrovic@hotmail.com             e-mail: jovicasimonoski@gmail.com

Тел: +389 (75) 257 571                                    Тел: +389 (72) 22 66 10

Национално првенство во крос-кантри на Македонија 2017

Атлетската федерација на Македонија ќе го организира Националното првенство на Македонија во крос-кантри на 11.03.2017 година во Скопје. Натпреварот ќе се организира во: поединечна, екипна, севкупна екипна машка и женска конкуренција.

Место на одржување: Скопје ( Кеј на река Вардар/ Луна парк/ Градска плажа ).

Патека: Кружна ( земјена тревната патека )

Натпреварот ќе се одржи во следниве дисциплини по категории:

МАЖИ:                                                          ЖЕНИ:

Помлади Пионери -1000 метри                         Помлади Пионерки- 800 метри

Пионери- 1500 метри                                      Пионерки- 1000 метри

Млади Младинци- 4000метри                           Млади Младинки- 3000м

Младинци- 6000метри                                     Младинки- 4000 метри

Под 23 год- 8000 метри                                   Под 23 год- 6000 метри

Сениори- 10000 метри                                    Сениорки- 8000 метри

 

ПРЕЛИМИРАНА СААТНИЦА

12:00  Помлади Пионерки- 800 метри (ж)

12:10  Помлади пионери – 1000 метри (м)

12:20  Пионерки- 1000 метри (ж)

12:30  Пионери- 1500 метри (м)

12:40  Млади Младинки- 3000 метри (ж) , Младинки – 4000 метри (ж)

13:00  Млади Младинци- 4000 метри (м), Младинци – 6000 метри (м)

13:30  под 23- 6000 метри (ж), Сениорки- 8000 метри (ж)

14:10  под 23- 8000 метри (м), Сениори- 10000 метри (м)

Напомена:

Екипните победници во Сениорска конкуренција ќе се стекнат со право за пријава и учество на Европско клупско првенство за 2018 година.

 

На натпреварот се очекува да настапат 150 атлетичари-ки од 15 клубови .

Генерален секретар

Дејан Ангеловски – Контакт телефон 078-315-563, 070-555-563

Официјални лица за односи со јавност и медиуми:

 

Игор Александровиќ                                        Јовица Симоноски

e-mail: igor_aleksandrovic@hotmail.com             e-mail: jovicasimonoski@gmail.com

Тел: +389 (75) 257 571                                    Тел: +389 (72) 22 66 10