Tag Archives: иновации

ХАЈАН СЕЛМАНИ: “Живееме во време и свет во коишто има бескрајни можности”

Хајан Селмани е основач и извршен директор на HASELT , компанија за развој на софтвер, дизајн и технолошки иновации. Познат е во јавноста и по Microsoft MVP како и по неговите повеќе од 300 настапи во вид на говори и предавања во последниве 7 години. Ја започнува својата кариера како софтверски инженер, а денес е познат претприемач, бизнисмен и инвеститор на интернационално ниво.

 Како одлучивте да започнете со кариерата во која работите денес? Што беше клучен момент?

 Љубовта кон компјутерите којашто се роди многу спонтано уште од моето основно образование. Како поминуваше времето, компјутерските технологии и интернетот доминираа се повеќе и повеќе во светот, што автоматски се зголемуваше и влијанието на компјутерската технологија насекаде. Знаејќи колкава пасија создадов кон работа со технологија и компјутери, веќе јасно беше дека мојата кариера ќе оди во таа насока и во иднина… единствено порано немав во предвид дека ќе станам и претприемач :).

Кои се најважните одлуки со кои секојдневно се соочувате како лидер во вашата компанија?

 Се околу работа со луѓе, и внатре во компанијата и со сите надворешни соработници, партнери, клиенти. Во суштина, една многу важна работа којашто ја воочив низ моето искуство како претприемач е дека од преголемо значење е како ги третирате луѓето, како работите со нив, како идентификувате различни способности кај различни луѓе и како наоѓате начин да ги поттикнете тие способности и потенцијали со цел да направите подобри, поуспешни и поквалитетни професионалци. Истото и при соработка со клиенти и партнери, најважен е човечкиот однос и како вие се поставувате према нив пред се како луѓе, а не како правни ентитети. Еден лидер може да се нарече себеси како лидер ако и само ако има способност позитивно да влијае на луѓето околу него и да поттикне нивен раст и развој. Носењето одлуки во овој контекст е многу голем предизвик и најважен дел во водењето на една компанија.

Како го поттикнувате креативното и иновативното размислување во вашата компанија?

 Има многу начини. Ние се обидуваме да работиме прагматично во контекстот на дадена работна позиција т.е. сет од одговорности на професионалецот. Генерално и многу важно ни е да им дадеме целосна слобода на луѓето во тоа како сакаат да работат, каде и кога. Доколку некој има специјално барање и истото е клучно за поттик на неговата креативност и иновативно размислување, тогаш се трудиме истото барање да биде уште веднаш реализирано. Ги земаме сите други варијабли во предвид. Фина работна околина, слобода на изразување, комплетно отстранување на микро-менаџмент, планирање и дизајнирање на работниот ден на поединецот и тимот онака како што нив најмногу им одговара, а не како што компанијата си замислила одреден процес дека треба или мора да биде.

Што правите секојдневно за да се осигурате дека вашиот раст и развој продолжува како лидер?

 Градам нови лидери. Во лидерство има пет нивоа низ коишто поминува секој еден лидер.
Прво ниво е да добиете позиција како лидер.
Второ ниво е да да изградите релација на блискост, пријателство и доверба со вашиот тим.
Третото ниво е да водите со пример и да станете нивен role model.
Четврто ниво е да почнете да ги развивате вашите луѓе во идни лидери.
Петто на лидерство сте го постигнале тогаш кога ќе создадете веќе лидери од оние коишто сте ги воделе или сеуште ги водите, а коишто водат други луѓе.
Со самото започнување на компанијата и успесите коишто ги постигнавме, се создадоа уникатни можности за мое лично развивање како лидер но исто така и за развивање на нови лидери. Среќен сум да кажам дека во овој момент во компанијата имаме неколку почитувани лидери коишто заедно со мене ги водат клучните сегменти од компанијата. Градењето на овие луѓе како лидери ми помага во моето понатамошно градење како лидер, исто така.

Дали некогаш сте одбиле клиент? Ако да која е причината?

 Да. Сме одбиле бидејќи сме биле преоптоварени со работа, додека на клиентот премногу му се брзало со реализација на проектот. Премногу ни е важен квалитетот на се што правиме и поради тоа не сакаме да се впуштаме во нешто коешто треба да биде завршено за кратко време коешто е недоволно, а ние исто така сме презафатени. Во вакви случаеви обично им даваме алтернативи на клиентите да работат на проектот со наши поблиски партнер компании.

Кои услуги или производи ги нудите / произведувате?

 Моменталниот (Јули 2017) нудиме услуги во развој на софтвер. Во суштина, работиме со доста нови и иновативни технологии и им помагаме на бизнисите да го извлечат максимумот од новите технологии пришто можат да добијат подобро, поиновативно, поквалитетно и подолготрајно решение. Во процес сме и на развој на наши сопствени производи како и на креирање целосен одел за подршка на развојот на наши производи. Веќе имаме наши производи коишто ексклузивно ги продаваме преку нашата бизнис мрежа во повеќе држави, но наскоро планираме “да нападнеме” со нови иновативни производи коишто би биле достапни за сите таргетирани корисници (компании и индивидуалци).

Дали работите на локално и/или на национално ниво и на што го препишувате вашиот успех?

 Воглавно, 99%, работиме надвор од Македонија. Се надеваме дека овој процент во блиска иднина ќе се смени бидејќи би сакале да допринесуваме со наши решенија и локално во Македонија.
Успехот го препишувам на многу работа, многу трпение, грижа за квалитет, создавање човечки и блиски релации со нашите клиенти, како и давање комплетна доверба на луѓето коишто работат во нашиот тим. На тој начин се создава многу позитивна синергија и доверба помеѓу сите страни, нашите клиенти и партнери можат многу брзо да воочат дека сме спремни да направиме се’, соцелда им помогнеме тие да работат поуспешно и да добијат максимум од нашето знаење за софтвер, технологии, но исто така и консалтинг во современо водење на бизнис и лидерство, како додадена вредност над она што го правиме како експерти за софтвер.

Ако имате некој совет на некој кој штотуку почнува да оформува сопствен бизнис, кој/и би бил/е?

 Во различни сфери и индустрии, започнување и оформување на сопствен бизнис си носи свои различни предизвици. Но, кога јас би почнал бизнис во билокоја друга индустрија, во секој еден случај би ги следен следниве совети:
– Времето е важен фактор, размисли како и каде го трошиш. Обидисе да одвоиш колку што е можно повеќе време во оформување на сопствениот бизнис. Ако е поле во коешто имаш веќе искуство, тогаш очекувано е да можеш да стартуваш и побрзо.
– Речиси не постои бизнис којшто можеш да го оформиш а за чијашто стартна точка за работа ти треба голема почетна инвестиција. Најди свој начин како да започнеш, не мора да следиш туѓи модели од минатото бидејќи времето се менува и денес има доволно услови за иновативно размислување и нови начини на водење бизнис во билокоја индустрија.
– Почни со првични активности уште од вчера, не подоцна.
– Можеби нема да мораш, но сепак треба да си спремен да работиш по 16 часа дневно, ако стварно сакаш да успееш.
– Различни идеји во различни индустрии си имаат различни специфики за тоа како од истото да се оформи реален бизнис. Ако си заинтересиран да слушнеш мое мислење, ти стојам на располагање за споделување на мое знаење, искуство и консултации, сосем бесплатно, на кафе во било кое време. Мој мејл за контакт: hajan@haselt.com

  Според Вас, што треба да поседува еден кандидат за да работи во вашата компанија?

 Генерално многу ни е важен карактерот на човекот. Ако е човек којшто е спремен да учи многу, спремен е за секакви предизвици во доменот на неговата професија/специјализа, ги вреднува човечките односи на високо ниво, спремен е да им помага на другите и да даде од она што го има и знае. Доколку ги воочиме неговите лични карактеристики да се поклопуваат во голема мера со културата на компанијата (транспарентност, отвореност, доверба, континуирано напредување, споделување на знаења, грижа за тимот и луѓето околу тебе…), во тој случај зборуваме за идеален кандидат доколку има и соодветни познавања на ниво на очекуваното на позицијата за којашто аплицирал. Најчесто доволно е и да има базични познавања од својата област, ако неговите човечки карактеристики се на високо ниво.

За крај дали имате нешто да додадете или да им се обратите на читатели на javisejuzna.mk?

 Живееме во време и свет во коишто има бескрајно можности, време и свет во коишто идеите на еден поединец како тебе може да сменат многу работи во твојата потесна а можеби и во пошироката (светска) заедница. Треба да работиме многу ако сакаме да создадеме подобра иднина за луѓето околу нас, за нас и за идните генерации. Посебно ние во Македонија, треба да работиме многу повеќе отколку што во просек работиме сега, за да направиме место кадешто секој би сакал и би се гордеел да живее во. Ние живееме со цел да направиме нешто повеќе за другите, и ако тоа го прифатиме уште сега дека е така, тогаш, нашите сопствени потенцијали и можности за успех ќе се мултиплицираат уште веднаш.

 

Дополнителни информации за Хајан Селмани и неговата компанија HASELT:

 

 Автор: Наташа Костовска 

PAQSULE : Торбица за сите спортисти (ВИДЕО)

Револуционерната технологија ги убива мирисите и бактериите во движење.Paqsule содржи над 20 функции кои започнуваат со притискање на само едно копче. Торбицата содржи дополнителни прегради за лап топ или телефон кој може да се наполни со помош на апликација во рок од 15 , 25 или 30 минути.Во процесот на чистење не се користи вода или детергент па во торбицата дополнително може да се понесат книги,полначи за уреди,па дури и храна.

Наташа Костовска

Sgnl:Паметен часовник- алка (ВИДЕО)

Sgnlе паметен часовник- алка кој овозможува да одговорите на вашите телефонски повици преку вашиот прст. Едноставно ставете го прстот на вашето уво додека зборувате преку вградениот микрофон.Истовремено се пренесува повикот и се блокира звукот во позадината кога се наоѓате во бучни простории. Со Sgnl,можете да го задржите вашиот мобилен телефон во џебот и без употреба на слушалки да одговорите на телефонскиот повик.

Sgnl добива гласовен сигнал од вашиот телефон преку Bluetooth. Потоа генерира вибрации (преку BCU) преку раката до врвот на прстот. Бидејќи преносот е направен преку вибрации, не постои ризик од оштетување на човечкото тело. Тој е дизајниран да одговара на секакви класични и паметни часовници. Дополнително со инсталирање на апликацијата Sgnlсе добиваат податоци со цел да го направат вашиот ден поздрав и поорганизиран.

Наташа Костовска

Razer’s project Ariana :Новост во гејмерскиот свет (ВИДЕО)

Проекторот е дизајниран да го надополни вашиот компјутерски екран , со што го носи играњето на компјутерски игри на повисоко ниво.Тој е составен од ултра-широки леќи во опсег од 155 степени и дополнителни 3Д камери кои ја “насликуваат”  играта , се со цел да го зголемат опсегот на екранот.Chroma lighting системот кој е достапен за  Razer проекторот е најимпресивен досега,така што ќе биде интересно да се види како ќе функционира со различни производи во 2017 год.

Наташа Костовска

LG W7 OLED – Телевизор или ѕидна уметност (ВИДЕО)

Само кога мислевте дека телевизорите со рамен екран не  можат да станат потенки или полесни, LG исфрла нешто ново на пазарот.

Новиот W7 OLED е како ни еден телевизор што некогаш сте го виделе. Неможе да се постави на пиедестал. W7 се прицврстува на ѕид и зафаќа само 3,85 милиметри, толку тенок што никогаш нема да гозабележите од страна.65-инчниот модел тежи само 18 килограми ,додека 77-инчен тежи 27. Тоа е помалку од многуте 32-инчни LCD-екрани, доволно лесни за да се прикачат насекаде, без да се грижите за ѕидните столпчиња или ограничувањата на тежината. LG вклучува , чиј врв е завртен кон ѕидот, додека долниот дел се држи до ѕидот со помош на магнети.

Посебниот дел  за звучниците се поврзува со дел од телевизорот преку кабел (долг до 81 инчи). На задната страна се сместени HDMI и други влезови, во кои се приклучува дополнителна опрема.

Наташа Костовска

Подводен дрон: Следи,фотографира и лови риби (ВИДЕО)

Со помош на хидролокатор, подводниот дрон може да открие риби, да ги фотографира, а потоа да ги префрли тие информации на паметен телефон користејќи Bluetooth. Дронот е дизајниран да испрати детали за пејзажот на водата, локацијата на риби и температурата на водата за риболов во езерска и морска вода, како и за риболовење во зимски услови (мраз). Сонарот, истотака, може да се оддели од подводниот дрон и да плови на површината.

Камерата фотографира/снима подводни снимки со објектив со агол од 100 степени (видео со 30 fps или 12-мегапикселна камера) и достигнува длабочина до 30метри. Светлината со сина боја е дизајнирана да привлече риби со што го олеснува риболовот.

Наташа Костовска

КУЌА ВО МОСКВА : ИЗГРАДЕНА СО ПОМОШ НА 3D ПРИНТЕР

Во градот Москва бил направен дом , но не во традиционална смисла – туку конструиран со помош на 3Д принтер. Инжинерите позади оваа иновативност се дел од компанијата Апис – Кор на кои им биле потребни околу 11 000 долари и помалку од еден ден да ја изградат куќата.

Тоа е дом со површина од 38m2со невообичаен облик. Заоблениот дизајн на домот бил избран да ја демонстрира способноста на 3D печатачот да го испечати градежниот материјал во било каква форма. Во внатрешноста, 3D печатениот дом ги има сите стандардни карактеристики на традиционално изградена куќа. Студиото во стилот на живеење има ходник, бања, дневна соба и компактна кујна. Апис Кор соработувал со Самсунг на демонстративната куќа. Електронскиот гигант обезбедил апарати за домот, вклучувајќи и телевизор со иста кривина како ѕидот на дневната соба.

Наташа Костовска

Ултра тенок микрофон –звучник:генерира енергија од движење (ВИДЕО)

Што би било доколку поседувате флексибилен електронски лист хартија кој што ги чита насловите од денешните настани и прескокнува на спортските настани само со помош на гласовна команда?

Истражувачите на државниот универзитет во Мичиген развиле уред познат како фероелектра наногенератор или FENG , кој делува како звучник – микрофон  и може да генерира енергија од човечко движење.

“ Тоа е уред кој можете да го свиткате, ставите во џеб, а потоа да одите некаде и да го поставите на екран, прозорец или било кој вид на платформа и да го користите взаемно и како микрофон и како звучник ” – изјавил Нелсон Сепулведа професор  на универзитетот Мичиген и примарен истражувач .

Во неколку демонстрации истражувачите покажале како FENG работи т. е. докажале дека може да се употреби како дел од систем за гласовно препознавање со цел да се овозможи пристап на одреден компјутер. Квалитетот на препознавање на звукот е доволно висок за да ги препознае фрекфентните компоненти на гласот на поединецот.

Наташа Костовска

СФЕРЕН ГЕНЕРАТОР ЗА СВЕТЛИНА

Архитектот на овој концепт André Broessel, верува дека со пронаоѓање на нови извори на алтернативна енергија ќе придонесе за светот поефикасен, ”позелен” начин за добивање на електрична енергија. Неговото решение се стреми да ја искористи  сончевата светлина на поефикасен начин.

Овој уред е способен да ги апсорбира сончевите зраци во текот на облачни денови, во утринските и вечерните часови, а исто така има способност да ја апсорбира и месечевата светлина. Ова е нешто што традиционалните сончеви уреди не можат да го направат.

Обликот го прави природен оптички уред за следење, што овозможува да се користи на речиси секоја голема површина, вклучувајќи ѕидови и површини кои се наклонети. Напојува згради , хибридни автомобили итн. Единствено нешто што треба да се направи е да се постави, да се позиционира леќата на сферата кон небото и нека колекторот го направи останатото.

Наташа Костовска

Не сте биле во ваков ресторан (ВИДЕО)

Уживајте во небесниот ресторан кој е поставен на височина од 300 метри над земјата на еден кран. Како се снаоѓаат посетителите на оваа висина може да видите на следниот ЛИНК .