Tag Archives: карневали

Започна карневалот во Венеција

Карневалот кој започна вчера во Венеција опфаќа бал под маски, изложба на гондолите по венецијанските канали, избор на кралица на карневалот и низа други манифестации во разни делови на градот и ќе трае до 28 февруари.

Градските власти припремиле 140 културни настани за деца и возрасни, вклучувајќи концерти и изложби во 40 палати, цркви и музеи.

Најочекуваниот настан е веројатно т.н. “лет на ангелите”, кој е во склад на традицијата која ги има своите корени уште од времето на ренесансата. На настанот минатогодишната победничка  на натпреварот за убавина се спушта надолу од кулата на црквата Св. Марко на истоимениот плоштад. Оваа година “Ангеловиот лет” на кралицата на убавината Клаудија Maркјори е закажан за 19 февруари.

Започна карневалот во Вевчани

Повеќе од 1000 маски денес продефилираа на дефилето под маски со кое започна традиционалниот Вевчански карневал.

Како што е вообичаено Вевчани деновиве е преполно од гости кои се дојдени од секаде да ја видат традицијата која се негува со години.Покрај традиционалните маски Зетот,Невестата и Глупавиот Август има многу маски со кои се исмејуваат сите негативни процеси кои се случуваат во државата.

По завршувањето на дефилето  василичарите ќе одат од куќа во куќа, а утре рано изутрина заедно со гостите ќе одат на полнење вода на Вевчанските извори. Манифестацијата ќе заврши со традиционалното палење на маските.