Tag Archives: скијање

По четврти пат пат обезбедена олимпијада, а по втор пат и А олимписка норма

По втор пат и повторно во нордиско скијање А олимписка норма за Македонија од Дарко Дамјановски кој ќе настапи на четврта олимпијада овој пат во Пјонг Јанг Јужна Кореја 2018 година. Ова е човекот кој ја испишува историјата  на оваа држава, кој е мотив, пример и инспирација на многу млади во Македонија. Трнлив и тежок е патот кон успехот , а дупло тешко му беше на упорниот нордиец , кој за својата земја  и за афирмација на неговиот спорт  го вложи целиот свој живот и ресурси.

Дарко Дамјановски им се заблагодарува на Агенцијата за млади и спорт, Ски Федерацијата на Македонија, до неговите пријатели од Словенија упатува голема благодарност исто така и до АРМ на Македонија каде и е вработен.

Ова треба да е поука и опомена до институциите  да водат поголема грижа и внимание на сите оние кои се успешни или имаат голем потенцијал да бидат успешни во спортот, бидејќо спортот е најголем амбасадор на една држава.

Во Јужна Кореја од малите екрани сите треба да му ја дадеме целата наша  подршка  за постигнување на најдобриот резултат во неговата кариера – со нетрпение ја очекуваме 2018 година.

Европски скијачки центри: Сент Мориц

Сент Мориц е урбан ски центар изграден на две нивоа и тоа, на север и по должината на езерото Енгандин во истоимената долина на само 3 часа возење од центарот на Цирих. Мориц е повеќе од зимски рекреативен центар затоа што е организиран да работи и да ги нуди своите услуги во текот на целата година.
Booking.com
Ниту еден врвен ски ризорт во светот не може да се пофали со толку голем број на луксузни хотели застапени со дури 63 %  во вкупниот број на сместувачки капацитети. Сепак урбаната архитектура е некако засенета поради фактот што вистинската убавина на Сент Мориц не се должи на изгледот на изградените објекти туку на погледот кој се простира од нив. Поглед кон совршениот спој на природни убавини за секој дел од годината.

Сент Мориц има железница и свој развиен систем на јавен превоз дотолку повеќе што,  мноштвото познати брендови хотели имаат  организиран приватен шатл транспорт за своите гости. Истиот е бесплатен и вклучен во цената на аранжманот. Оваа услуга значително помага во организирањето и планирањето на секојдневните активности, скратувењето на времето на чекање и секако максималното искористување на денот.

Луксузот и префинетоста се карактеристики кои го красат ова несекојдневно место и кои допринесоа Сент Мориц на двапати да биде избран за домаќин на Зимските олимписки игри. Покрај редовните олимписки дисциплини своевиден раритет  и атракција се полото и голфот на снег како и зимските коњички трки кои традиционално  се одржуваат секоја сезона на брегот од замрзнатото езеро Егандин.

Ски пасот на Сент Мориц покрива мрежа од 350 километри добро одржани ски патеки со над 60 ски лифтови поставени на повеќе локации од едниот до другиот крај на Енгандинската долина. Celerina, Pontresina, Silvaplana, Sills Maria  се имињата на малечките селца од каде оперираат ски лифтовите.

Широкиот опсег на високите сончеви падини го прават Сент Мориц идеално место за off route скијањето. Планинскиот масив го делат Corviglia, Corvatsch и Diavollezza Lagalb од кои најатрактивен дел е Corviglia и врвот Piz Nair (3057m) – лесно достапен со гондола која тргнува од центарот на градот. Своевидна атракција на Сент Мориц е скијањето на глечерот Diavollezza во летниот период.

Kitcbuhel, Austrija ноќевања од 1422 МКД

Планината Corvatsch се наоѓа на спротивната страна од долината и го карактеризираат пософистицираните терени за скијање. Diavollezza и Lagalb na 3000 м.н.в. се лесно достапни и се поврзани со патна и железничка линија за разлика од терените на  Corvatsch кои се единствено достапни за скијачите и се стигнува со ски лифтовите на Sills Maria и Surley. Тесното грло и чекањето на Piz Nair се надминати со постојаното инвестирање во изградбата на нови жичари.

Замрзнатото езеро и живописните шумски патеки го прават Сент Мориц еден од најинтересните и најубави скијачки центри на Алпите. Атрактивниот 42-километри Ехгандински Маратон кој тука се одржува секоја сезона привлекува илјадници натпреварувачи од целиот свет.

Едни од најпознатите сместувачки капацитети на Сент Мориц се:

  • Хотелот Палас познат по впечатливата кула и ски школата во состав н хотелот,
  • Планинската куќа Suvreta – мини резорт кој нуди wellness центар, рампа за сноубординг и сопствен приватен ски лифт.
  • Хотелот Carlton со препознатливиот стајлинг, гостољубивост и пријатен амбиент,
  • Хотелите Schweizerhof и Stefani за помладата генерација и љубителите на ноќниот живот,
  • Парк хотелот  Kurhaus за љубителите на кросс кантри скијањето.

Продолжува …

Македонија во Сент Мориц со седум скијачи

Почнувајќи од  утре па се до 18 февруари ќе се одржи Светското првенство во алпско скијање во Сент Мориц во Швајцарија.

На ова првенство боите на Mакедонија ќе ги  бранат седум скијачи: Антонио Ристевски (слалом и велеслалом), Лука Божиновски (слалом и велеслалом), Дардан Дехари (слалом), Воислав Синадиновски (слалом), Марјан Нашоку (велеслалом) и Виктор Петров (велеслалом) во машка конкуренција, како и единствената девојка, Лидија Симјановска, која ќе настапи во слалом и велеслалом.

Tимот во Сент Мориц ќе биде предводен од тренерот на алпскиот тим Иван Лесевски.

Безбедност во скијањето

Планините како и морето се пријатни за одмор и релаксација но исто така можат да бидат и опасни во зависност од временските услови. За таа цел облеката која ја носиме треба да биде повеќеслојна и да соодветствува на сите временски прилики. Едноставно кажано подобро да ни биде потопло одошто премногу студено.  Ракавиците,  капата,  јакната, зимските панталони и наочарите се неопходната опрема која мора да ја  поседуваме за зимскиот излет во планината  ни биде подеднакво пријатен и удобен .

Предолгата изложеност на минусни температури може да резултира со премрзнатост и хипотермија.  Премрзнатоста претставува постепено ладење на малите делови од човечкото тело како прстите на пример,  носот или   ушите. Едноставна превенција од премрзнатоста претставува затоплувањето  преку внимателно триење или користење на секаков вид извор на топлинска енергија. Хипотермијата се карактеризира со  целосно намалување на телесната температура . Иако тешко се дијагностицира, симптоми кои ја најавуваат хипотермијата се физичката и ментална летаргичност, забавувањето  на говорот визуелната  дисфункција (заматен вид) и сл.  Носењето на заштитните шлемови, популарните кациги, се задолжителна опрема за децата скијачи.

Интернационалната скијачка федерација (FIS)  го има пропишано следниов правилник за безбедност во скијањето:

  • респект – почитувај и не ги изложувај на опасност останатите скијачи,
  • контрола – адаптирај ја брзината на скијањето согласно сопствените скијачки способности и услови на скијачките патеки,
  • приоритет – при избор на правец на скијање,  скијачите пред вас секогаш имаат приоритет,
  • престигнување – одржувајте значително растојание од останатите скијачи при престигнување,
  • стартување – пред отпочнување со скијањето и влез во споредна патека обврзно погледнете нагоре и долж патеката,
  • запирање – при запирајте секогаш користете го страничниот краен дел од патеките,
  • качување – користете ги крајните страни на патеката,
  • незгода – обезбедите прва помош на лицето или повикајте прва помош ( информирајте ја спасувачката екипа),
  • знаци – придржувајте се согласно  поставените знаци и маркери, тие се наменети за ваша безбедност,
  • идентификација – лицата учесници или сведоци на незгода се должни меѓусебно да разменат документи за идентификација со цел процесирање на случајот  за понатамошна постапка.

Краток водич за скијачи:

  • секогаш скијате на сопствен ризик,
  • обележаните патеки по  кои скијате се заштитени од лавини,
  • при скијањето внимавајте на движењето на ратраците,
  • не отпочнувајте со скијање доколку претходно не сте обучени за тоа,
  • внимателно осврнувајте се на левата или десна страна секогаш кога менувате правец,
  • почитувајте ја природата – не фрлајте отпадоци.

Европски Скијачки Центри – Шамони

Шамони познат уште и како главен град на екстремното скијање, по многу нешта се разликува од останатите ски центри. Острите високи врвови со над 3000 метри надморска висина, стрмните патеки и широки долини го прават ова место респектабилно и претставува вистински рај за љубителите на скијањето.

Шамони е сместен во францускиот дел на алпите веднаш под Мон Блан, со 4807 мнв.највисокиот врв во Европа. Самото градче го сочинуваат хотелски комплекси и вили изградени во стилот на деветнаесетиот век. Фактот што овај скијачки центар својата слава ја стекнал во годините пред откривањето на автомобилот како превозно средство доволно објаснува за зголемениот сообраќаен метеж низ центарот на градот.Причина повеќе зошто посетителите особено редовните го изоставаат автомобилот за сметка на локалниот автобуски превоз. За нив тука е вообичаена  востановената пракса на паркирање на автомобилете на влезните паркинг зони веднаш до автобуските постројки. Линијата ги поврзува сите ски терени и овозможува брз трансфер од периферијата до центарот на Шамони.

Центарот на Шамони, малиот плоштад и околните улички кои го поврзуваат претставува пешачка зона, додека главната улица е шопинг зона и е затворена во текот на денот. Тука понудата е толку сеопфатна што скоро и да нема бренд кој не е застапен а го има во главните метрополи. Вистински предизвик за припадничките на понежниот пол, секако оние со подлабок џеб.

Што се однесува до скијањето, понудата на Шамони секоја година е се побогата и посеопфатна . Британската скијачка школа БАСС која работи уште од 2008-та во својата програма покрај фри рајд дисциплината во својата програма нуди и часови по турно, оф пист и кантри скијање. Интересот за овие дисциплини е доста голем поради реномето кое го ужива оваа школа како и поради стручниот кадар со кој располага, искусните ски инструктори и планински водичи. Заинтересиранит во траење од еден викенд можат да ги научат основните техники за скијање во длабок снег, но и подетално да се запонзаат со опремата и да се здобијат со основни познавања во областа на сигурноста при скијање на непристапни предели и необележани патеки.

Терените на Шамони нудат одлична можност за скијање во сите категории. Највисоката а воедно и најатрактивна стартна позиција за фри рајд спуст на Шамони е врвот Аугуиле ду Миди на 3842 мнв. Иаоко одоздола изгледа неосвоив, петте базни ски станици на Лес Хоучес поврзани со автобуски превоз од центарот на градот го прават овај врв лесно достапен. Потребни се само 20 тина минути од центарот за да се стигне до местото од каде се протега величенствена гледка на околните гранитни врвови, Монт блан во позадина и широкиот појас на долината Вале Бланш.

Тешко совладливите скијачки патеки за понапредните се Аргентиере и Ле Тур. Двоседот кој тргнува од Ле тур кон Тет де Бал го поврзува Шамони со Швајцарскиот ски центар Валорцин од спротивната страна. Лес Хоучес е познат и по организирањето на ФИС куповите во спуст такашто квалитативно го одвојува или подобро речено истакнува од останатиот класичен спој патеки на Шамони.

Единствен недостаток на Шамони е ски пасот. Продажбата на ски картите тука е помалку збунувачка поради постоењето на два ски паса за еден ист центар. Со купувањето на еден од нив се добива екслкузивитет во скијањето на точно одредени патеки. За неупатените најидеална опција би било купувањето на целодневната или полудневна ски карта Монт Блан со која целосно е опфатен појасот на Лес Хоучес.

Во делот на сместувачки капацитети едни од најпознатите се Les Hameau Albert, Auberge du Bois Prin, Hotel Mont Blanc, Sapiniere, Hotel Richemond, Hotel Alpina и Gustavia

Европски Скијачки центри – Ливињо

Cheap Hotel Deals. Book now and get up to 75% Off.

Ливињо убедливо е еден од најефтините алпски скијачки центри во Италија. Сместен на 1820 метри надморска висина Ливињо преtставува позната шопинг дестинација пред се поради неговата местоположба каде покрај скијањето може да се ужива и во купувањето. Пристапните цени на алкохолот, цигарите, парфемите и брендираната роба се вистински магнет за туристите од цела Европа кои го посетуваат ова магично место во текот на целата година. Ослободувањето на плаќањето данок на овие производи претставува привилегија која датира уште од времето на Наполеон кога истиот во 1805 тата година, како тогашен владетел на Кралството Италија ги воведува царинските бенефити за Ливињо. Истите тие царински поволности подоцна се прифатени и надградени од Австро – унгарија во 1818 та и Европската економска заедница во 1960та година. Дополнителна причина да се посети ова зимско туристичко место се и добро одржаните широко појасни ски терени адаптирани пред се за почетниците како и за напредните скијачи. Следат, количината на снежни врнежи во текот на годината како и квалитетот на снегот кој вообичаено се задржува на патеките до средината на Април.

Главен недостаток кој го прави овај ски центар помалку атрактивен за разлика од останатите е пристапноста. Имено, неразвиената патна инфраструктура која го поврзува Ливињо со Бормио на исток, Сент Мориц на запад и Давос преку Кластер Егадин тунелот на север како и оддалеченоста од главните патни артерии кон Милано, Цирих и Бергамо го прават Ливињо помалку атрактивно место за посета од страна на искусните љубители на скијањето. Така на пример просечното времетраење на превозот од аеродромите во Милано или Цирих од Швајцарска страна, изнесува околу три и пол до четири часа во зависност од густината на сообраќајот и делот од денот кога се патува.

Карактеристични за Ливињо се тесните улици како и живописните и атрактивни куќички градени во стар алски стил. Вреден за напомена е и бесплатниот автобуски превоз кој сообраќа на далечина од 12 километри кружно и ги поврзува четирите дистрикт зони на Ливињо: Санта Марија, Сан Антонио, Сан Роко и Трепале – местата од каде започнува вистинската зимска авантура. Инаку ски центарот е поврзан со мрежа од триесетина ски лифтови на двете страни од долината. Гондолата Карусело е главниот линк кој води до највисоката точка – врвот Карусело на 2797 метри надморска висина, и до кој се стигнува во две етапи. Тоа е местото од каде отпочнува скијањето надолу преку сртот Вета Блесациа и Костациа на 2328 м.н.в по стрмната надолнина се до спротивната страна на влезот од Ливињо на надморска висина од околу 1800-тини метри.Најатрактивната патека во Ливињо. Безмалку 1000 метри висински диференцијал од почетната точка и околу еден час фантастично скијање низ прекрасниот алпски живописен терен. Локацијата на сите ски лифтови е означена на мапата која е бесплатна и може да се најде насекаде, од кафетериите и рестораните па се до бутиците и штандовите каде се продаваат ски картите. Што се донесува до ски пасот, цената на ски картичка варира во зависност од понудата и периодот (почетокот, средината или крајот на зимата),  Тоа може да се купат на интернет, како и.

Сместувањето како и секаде така и тука е организирано на база на целодневен и полудневен пансион. Имајќи го предвид големиот број ресторани со кој изобилува местото сместувачките капацитети се продаваат претежно на база на полупансион. Тука се и големиот број апартмани и студија се разбира. Од хотелите со четири звезди би ги издвоиле Golf Parc и Intermonti. Хотели со три звезди Alpina, Helvetion и Viktoria. Околу цените и услугите кои се нудат во споменатите сместувачки капацитети подетално може да се информирате на следниот линк.

Hotel Helvetia

Европски Скијачки центри – Инсбрук

Инсбрук двапати град домаќин на зимските олимписки игри и трет по големина град во Австрија. Стратешки лоциран во западниот дел на Австрија со свој сопствен интернационален аеродром градот Инсбрук има развиена мрежа од сообраќајници и патишта кои го поврзуваат со главните европски центри на исток и запад. Ски терените на Kitzbuhel и Ski Welt се одалечени на само еден час возење додека Obergurgl и Solden на час и половина.

Со купување на основниот Инсбург скипас добивате можност за користење на 62-та ски лифта и 130 километарската мрежа скијачки патеки во траење од три и шест дена. Втората верзија на т.н. Инсбург супер скипас е всушност еднодневна ски карта со која се добива пристап за скијање на патеките на Kitzbuhel или Arlberg овозможувајќи достапност за користење на 210 те ски лифтови и скијање на патеките во вкупна должина од 520 километри. Основниот Инсбург ски пас го вклучува и автобускиот превоз од Инсбург до скијачките терени и назад.

Патеките обележани со сина и црвена боја се наоѓаат онад Тулфес на јужната страна од долината.

Со отварање на канцелариите на Burton и Интернационалната сноуборд федерација градот Инсбург претставува вистински магнет и собиралиште на сноубордерите од целиот свет.

Што се однесува до сместувањето во градот тоа е значително поефтино во однос на останатите ски центри. Изборот на ресторани е голем додека ноќниот живот посебно интересен. Најидеалната опција за сместување би била хотелот Еуропа Тирол, хотел со пет ѕвезди, со внатрешен дрвен ентериер и ресторан со одлично реноме. Следат хотелите со четири ѕвездички како Golden Adler, Romantik hotel и Schwartzer Adler попознати по високорангираната кујна и подготовката на локални специјалитети. Најприфатлива понуда за сместување би биле многуте хостели и приватни апартмани каде може да се најде сместување во секое време по значително пониски цени. Божиќниот пазар во стариот дел на градот е посебно место за уживање каде можат да се најдат уникатни божиќни украси, елки и разни предмети за декорација од крајот на Ноември до средината нa Јануари.

Axamer Lizum – 2343 – 874 метри надморска висина – е ски ценатар сместен под врвовите на планините Hoadl и Pleisen на 1553 метри надморска висина. Лесно достапен земајќи ја во предвид оддалеченоста од центарот на Инсбрук. Axamer е еден од најдобрите ски центри за сноуборд во цела Австрија . Десетте ски лифтови обезбедуваат лесен пристап до Алпските висови на кои во најголем дел се одржуваа Зимските олимписки игри во далечната 1964 и 1976 та година. Најдолгата шест и пол километарска скијачка рута за напредни скијачи од врвот Hoadl 2343 м.н.в води надолу се до селцето Axam на 874 м. Неколкуте дополнителни ски патеки се делат во зависност од стилот на патеките кои водат надолу до долината Axam, од различни страни на врвовите. Gipfelhaus at Hoadl е името на планинскиот ресторан со панорамски поглед на околината кој нуди исклучиво австриски домашни специјалитети како познатите штрудла од јаболко, виенска шницла, тиролскиот грошл, линцер торта. Хотелскиот комплекс Lizumerhof се наоѓа веднаш до постојката со ски лифтови на 20 км оддалеченост од центарот на Инсбрук. Опуштено место за уживање во вистинки алпски амбиент со дрвен декор и богат стилски ентериер. Соби опремени со тв со рамен екран, кабловска и слободен WI-FI.