Tag Archives: спорт

Прв настап за Работнички на Еврокупот

Парма го направи своето меѓународно деби денеска и беше домаќин на Работнички во Перм. Работнички мора многу да надоместат во вториот натпревар против Парма во Скопје, губејќи го првиот натпревар во Русија со разлика од 25 поени – (8-63). Френк Геинс беше главниот виновник, постигнувајќи 23 поени за тимот на Перм, со Коди Милер кој постигна 16 поени, од Работнички најефикасен беше Костов со 22 поени.

 На половина од првиот период, домаќините имаа водство од 11-10 над Работнички со речиси никакви празни места да се видат на трибините.Иван Ухов и Коди Милер го завршија првиот период со придонес за водството на Парма на 24-17.

Силниот старт на третиот период за Парма резултираше со зголемување на водството на 50-36. Играта почнуваше да излегува од рацете на Работнички, кој се бореше,но сепак победата заврши во рацете на Русите.

 

Наредниот натпревар е во Скопје на 27 септември од 19:30
 
Автор: Наташа Костовска

Нови предизвици за кошаркарските клубови

Периодов започнуваат натпревари во рамки на ФИБА , како што се Лигата на шампиони и Европскиот Куп. Два скопски клуба ќе земат учество ,односно КК Карпош Соколи ќе се натпреварува во Лигата на Шампионите, а КК Работнички во Европскиот Куп. Од женските клубови, ЖКК Бадел ќе учествува на меѓународен турнир во Бор, Србија.

Лигата на шампиони започнува од денес за тимовите од 16 земји кои треба да поминат преку трите фази на претквалификација само за да стигнат до редовната сезона. Соколите го започнуваат престојниот предизвик денес, против естонскиот Калев и натпреварот ќе се одржи во спортскиот центар Борис Трајковски од 17 часот. Дополнително беше изјавено дека влезот ќе биде слободен за сите посетители кои сакаат да искажат подршка. Наредниот натпревар е на 21 септември каде што ќе играат на гостински терен со Калев. Доколку постигнат успех , во втората фаза ќе се натпреваруваат против Алба (Унгарија), а во третата со Пинар (Турција). Карпош Соколи има еден од највозбудливите играчи во Лигата на шампионите од минатата сезона, а тоа е Тадеус МекФејден кој играше за ПАОК.
 

За КК Работнички Европскиот куп ќе започне во вторник на 21 септември, каде што ќе си ги одмерат силите со руската Парма, а по 6 дена ќе бидат домаќини во Скопје. По серијата од две натпревари во квалификацискиот круг 1, победничкиот тим на секоја комбинација ќе се пресели во квалификацискиот круг 2, каде што ќе им се придружат на уште 10 дополнителни тимови. Десетте победници во квалификациите за квалификацискиот круг 2 ќе имаат загарантирани места во регуларната сезона, која ќе се состои од 32 тимови.

Екипата на Бор од Србија, организира меѓународен турнир во женска кошарка “Пиџа – Жикајло” кој ќе се одржи на 23 септември и на кој ќе настапат 4 екипи: ЖКК Бор(Србија) ЖКК БАДЕЛ 1862 (Македонија) ЖКК Бановичи (Босна и Херцеговина) ЖКК Студент (Србија) Првиот натпревар БАДЕЛКИ го играат од 10ч. токму против домаќинот на овој турнир, додека останатите две екипи ќе ги одмерат силите од 12ч.

 Извор: ЖКК Бадел 1862, FIBA Eurocup

Наташа Костовска 

Нашата репрезентација на СП за кајак

Нашата сениорска репрезентација од 27.09-01.10, ќе настапи на светското првенство за кајак слалом , спуст и слалом крос во Пау-Франција. Репрезентацијата во состав Александар Златаров, Борче Мирчевски, Љубомир Спасиќ, Енис Небиовски вчера вечер се упати кон Пау, каде недела дена ќе тренираат на патеката каде ќе се одвива светското првенство, а водич на тимот е Роберт Папазов. Им посакуваме среќа на нашите репрезентативци на престојното светско првенство!

Извор: фејсбук профил Елена Чуркоска

Крај на евробаскетот – Драгиќ е од друга планета

ALL STAR ПЕТОРКА: Горан Драгиќ – МВП (Словенија) Алексеј Швед (Русија) Богдан Богдановиќ (Србија) Лука Дончиќ (Словенија) Пау Гасол (Шпанија)
 СРБИЈА – СЛОВЕНИЈА: (85:93)

За првпат во историјата, пред својата рекордна публика во Синан Ердем, Турција, Словенија стана европски шампион. Горан Драгиќ доби 35 поени и беше прогласен за МВП на натпреварот, Пепелиќ освои 21 поен во финалето, а Ентони Рандолф имаше 11. За Србија, Богдан Богдановиќ постигна 22 поени.

Одличен почеток на натпреварот… Блажиќ го чуваше Богдановиќ, Јовиќ – Драгиќ и Милан Мачван се приклучи на стартната постава на местото на Стефан Бирчевиќ. Лучиќ го чуваше Дончиќ, но дури и со помошта на Марјановиќ, Дончиќ постигнуваше поени, но првата четвртина заврши со 22-20 за Србија. Како и да е, Србија не ја покажа менталната цврстина за да го започне вториот период, Мачван направи фаул на Ентони Рандолф со обид за три поени , потоа Јовиќ ја испушти топката, а Драгиќ постигна кош и 25-22. Словенија го засили темпото, а Горан Драгиќ со една од најимпресивните половини , постигнувајќи 26 поени во првото полувреме кое заврши со 56-47 за Словенците. Горан Драгиќ го отвори вториот дел со три поени и водството за Словенија е 61-53 со 3:30 до крајот, но Лука Дончиќ излезе со повреда на зглобот и не можеше да го продолжи натпреварот. Резултатот беше 84-82, 2:20 до крајот на натпреварот, но Словенците го подигнаа темпото кога беше најпотребно и се заќитија со победа.

 ШПАНИЈА – РУСИЈА: (93:85)
Русија се обиде да се врати назад од -18 поени на два бода разлика до крајот на четвртиот период, но браќата Гасол се погрижија Наваро да се пензионира со бронзен медал околу вратот. Пау Гасол постигна 26 поени, 10 скока и 3 блока, Марк имаше 25 поени,а за Русија, Швед имаше 18 поени.
Сан Еметерио постигна 5 рани поени за водство на Шпанија од 11: 3. Швед беше единствениот кој постигна поени во текот на 4-те почетни минути… Најлошата вест за Шпанија беше кога Марк Гасол се повлече со повреда и отиде директно во соблекувалната. Шпанија водеше со 21-13 на крајот на првиот период и беше во контрола, обидувајќи се да го добие натпреварот за својот капитен Хуан Карлос Наваро, кој се повлекува од меѓународната кошарка.Крај на полувремето во Синан Ердем Арената, Шпанија се поблиску до нивниот шести последователен медал и на паузата водеа со 45-28. Русија направи пресврт за некое време, но Серхио Родригез не им дозволи, Шпанија водеше со 66:55, Марк Гасол е добар, постигнувајќи 11 поени во една четвртина. Рубио беше надвор од преостанатиот дел од натпреварот поради два неспортски фаули, 76-73, 3:30 до крајот, но сепак фуријата ја превзеде победата.
Наташа Костовска

Богдан Богдановиќ ја одведе Србија во финалето!

СРБИЈА – РУСИЈА: (87:79)
Србија се приклучи на Словенија во финалето на Евробаскетот, по победата над Русија 87-79 во вториот полуфинален натпревар во Истанбул. Богдан Богдановиќ беше неверојатен, постигнувајќи 24 поени, вклучувајќи ги петте по ред, кога тоа беше најпотребно.Бобан Марјановиќ имаше 18, додека Владимир Лучиќ имаше 13 поени. Без оглед што ќе се случи во недела, Србија ќе го добие својот прв медал во период за 8 години.Алексеј Швед заврши со 33 погодоци, а Русија ќе игра со Шпанија во мечот за бронзениот медал.
Не само што Богдан Богдановиќ го мачеше Кулагин на офанзивниот крај со 7 поени досега, исто така ја украде топката од него и попречи додавање за Русија. Добри вести за Русија, Богдановиќ седнува на клупа со 3:00 за крај на првиот период. Прв напад за Русија без него на теренот, Швед постигнува тројка. Крај на првиот период, Србија запиша 8 стрелци,а Богдановиќ ги водеше со 7. Србија имаше 32-26.Богдановиќ постигнуваше кош по кош, а толпата извикуваше “Србија, Србија!” станувајќи сè погласна и погласна, додека водството стануваше поголемо 40-26, да Русија дозволи 40 поени за 15 минути. Во меѓувреме, Бобан Марјановиќ блокираше ,постигнуваше поени и Србија го заврши полувремето водејќи 48-34. Богдан Богдановиќ и Бобан Марјановиќ комбинираа 26 поени, повеќе од половина од нивниот тим. Владимир Лучиќ одигра добри минути, доби 7 поени, Швед водеше со 14.Русија имаше 11-0 постигнати погодоци по ред со цел да го намали јазот на 57-52, но немаше шанси Србија да дозволи Русија да се врати назад! Милосављевиќ постигна тројка од аголот, Марјановиќ го затресе кошот со забивање, за да се зголеми разликата на 64-52.Крај на третиот период, Богдановиќ е до 17 поени, еден над Марјановиќ, но Русија го има водечкиот стрелец на играта, Алексеј Швед. Србија со водство од 66-57.Русија не беше срамежлива да постигне поени, но Србија им дозволуваше да постигнуваат тројки., и го намалија јазот на 75-73 со 3:59 до крајот.Повторно Богдановиќ за најдобар играч на натпреварот и Србија водеше 81-74 на само 1:29 до крајот.
На вчерашната пресконференција на капитенот на Словенија , Драгиќ му беше поставено прашањето против кого преферира да игра во финалето? Неговиот одговор гласеше против Србија.Очигледно желбата му се исполни,а и тренерот Кокошков го делеше истото мислење, но додаде самоуверено дека кога би играле против Србија би ја победиле. Дали оваа изјава ќе држи вода дознаваме во финалето во недела од 20:30
Автор: Наташа Костовска

Словенија и Драгиќ преголем залак за Шпанија (ВИДЕО)

ШПАНИЈА – СЛОВЕНИЈА: (72-92)
Шпанија налета на Словенија која им приреди изненадување оставајќи ги зад себе ,упатувајќи се кон финалето.Словенците запишаа историја и стигнаа до финалето за прв пат ,освојувајќи ја својата 13 победа во низа.Рандолф и Драгиќ со по 15 поени,а Дончич со 11 предводеа кон победа,а за Шпанците најефикасен беше Пау Гасол со 16. Словенија го започна натпреварот со одличен старт,уништувајќи ја шпанската одбрана со 4-6 погодоци за три поени водејќи 16-10 со уште 3 минути остаток од првата четвртина.Састре се обидуваше да остане во чекор со Драгиќ,а Серхио Родригез на Препелиќ. Огромна офанзивна игра на Састре, добивајќи го својот погодок за три поени и 30-25,па Кокошков побара тајмаут. Словенија водеше 40-38 на 3:28 до полувремето, меѓутоа Драгиќ ја одвлекуваше шпанската одбрана околу себе, Дончиќ повторно се надмина, а и Препелиќ не беше на одмет. Тројцата се здружија на 26 поени и Словенија повторно беше блиску до двоцифрено водство, но Пау Гасол не го дозволи тоа.Пет поени по ред и Шпанија го намали јазот до 47-43, но на крајот од полувремето Словенија водеше 49-45 од кои што 10 од 15 обида беа за три поени. Словенија успешно ги чуваше браќата Гасол и постигнаа 6-0 со почеток во четвртината со што го принудија Скариоло по само три минути да повика тајмаут. Словенија имаше водство од 73-57 на крајот од третиот период. Досега Пау Гасол не беше доволен за Шпанија. Словенија беше импресивна во напад и во одбрана. Серхио Скариоло правеше тактики во одбраната, но дури и кога Словенците промашија погодок, Горан Драгиќ беше таму за да го исчисти нередот и да ги освои неговите први бодови во вториот дел. Реализацијата за шутот од 3 поени беше 56% за Словенија и 26% за Шпанија, додека за 2 поени беа изедначени со по 50%.Во слободните фрлања Шпанија имаше 94%, а Шпанија 67%. Словенија продолжува во финалето , а против кого ќе дознаеме во утрешниот натпревар меѓу Србија и Русија.
Во продолжение видеото на кое Драгиќ постигнува тројка и изнудува фаул:
Наташа Костовска

Чудото од дете Лука Дончиќ (ВИДЕО)

Лука Дончиќ кој е роден на 28 февруари 1999 година во моментов е најголема кошаркарска ѕвезда на словенечката и европската кошарка. Со само 18 години тој заедно со Горан Драгиќ е носител на играта на словенечката репрезентација на ЕП и еден од главните кандидати за МВП на шампионатот.

Вториот ден од четвртфиналето заврши среќно за Русија и Србија

Во вториот ден од четвртфиналето, Русија и Србија излегоа како победнички кои ќе се борат за влез во финалето на 15 септември од 20:30ч. , а тука е и Шпанија со Словенија која ќе игра на 14 септември од 20:30 ч.
ГРЦИЈА – РУСИЈА: (69:74)
Русија се наоѓа во полуфиналето на евробаскетот за прв пат од 2011 година. Во натпревар во кој имаше 11 промени на водството и 6 пати резултатот беше изедначен, Алексеј Швед се избори за победа со 26 поени и 5 асистенции. За Грците најефикасен беше Ник Калатес со 25 поени, 7 асистенции и 5 скока. Грција го започна натпреварот солидно, одржувајќи го Алексеј Швед на три промашени шута и водеа со 23-17, доцна во првата четвртина.Секој пат кога Русија ќе направеше континуирано постигнување на поени, Константинос Мисас со помош на тајмаут се обидуваше тоа да го спречи, но Русија ја намали разликата на 35-29 , а полувремето заврши со 37-31.Алексеј Швед ја отвори втората половина со тројка, но Тимофеј Мозгов беше руското главно оружје, голем човек со 13 поени. Георгиос Принтезис беше многу поблиску до просекот на Швед, со две тројки во третиот период и 18 поени за играта.На три минути до крајот на третиот период Грција водеше со 4 поени т.е. 49-45.Русија заостануваше зад Грција која го контролираше натпреварот со двоцифрено водство поголем дел од натпреварот, но момците на Сергеј Базаревич одбраа совршен момент за да го освојат своето најголемо водство во последната четвртина и да направат пресврт.Реализацијата за шутот од 3 поени беше 25% за Грција и 23% за Русија, додека за 2 поени Грција имаше 61%, а Русија 53%.Во слободните фрлања Русија имаше 80%, а Грција 50%.
ИТАЛИЈА – СРБИЈА: (67:83)
Србија се враќа во полуфиналето, откако го направи истото пред две години во Лил. Играчите на Александар Ѓорѓевиќ прославија 83-67 победа над Италија во четвртфиналето, во игра што ја контролираа од крајот на првиот период. Богдан Богдановиќ беше неверојатен кога најмногу им беше потребен на своите соиграчи завршувајќи со 22 поени, 6 скокови и 4 асистенции.Марко Белинели имаше 18 за Италија, Луиџи Датоме 15 поени. По пет минути игра Србија со помош на Богдановиќ успеа да ги запише првите поени на натпреварот. Бобан Марјановиќ се трудеше да ги спречи сите стрелци во одбраната, но со прекршок доби предност од 22 сантиметри над Пол Билига.На крајот на првата четвртина, Србија водеше со 18-17. На крајот на полувремето Србија заврши со 11 поени водство (44-33)…Италија се обидуваше да остане близу до Србија, но тоа преставуваше тешка задача за нивната одбрана.На крајот на третиот период во Синан Ердем, Србија имаше водство од 59:48.. Еден прекршок му припадна на Белинели кој најде доволно простор за три поени, но Богдан постигна тројка и и донесе водство на Србија, 70-59, во последните четири минути.Реализацијата за шутот од 3 поени беше 28% за Италија и 18% за Србија, додека за 2 поени Србија имаше 63%, а Италија 48%.Во слободните фрлања Италија имаше 94%, а Србија 90%.
Наташа Костовска

Шпанија и Словенија продолжуваат во полуфинален меч (РЕЗУЛТАТИ,СТАТИСТИКИ)

Шпанија и Словенија ги освоија првите два билета за полуфиналето на овогодинешниот Евробаскет. Утре ќе ги дознаеме и останатите две репрезентации (Русија, Грција, Италија и/или Србија) кои ќе им се придружат.
ШПАНИЈА – ГЕРМАНИЈА: (84:72)
Шпанија се враќа во полуфиналето! Браќата Гасол придонесоа за 13-тата победа на Евробаскетот во Синан Ердем арената, завршувајќи 84-72 против Германија. Марк Гасол постигна рекордни 28 поени, вклучувајќи ги и 4 од 6 тројки и 10 скока, а Пау Гасол имаше 19 поени.Германија беше храбра, но 27-те поени на Денис Шродер и 8-те асистенции не беа доволни. Шпанија се обидуваше да го чува Шродер, оставајќи многу простор за Бартел и Бензин, сепак испадна дека не е добра идеја бидејќи Германија водеше 7-0 по три минути игра.Бавен почеток за фуријата и Германија имаше 9 поени. Скариоло повика тајмаут за акција помеѓу Рубио и Пау Гасол,која што беше извршена совршено. Минувајќи низ првиот период, тука беа Серхио Родригез и Хуанчо Хернандомез. Шпанија играше со двајца плејмејкери, но Германија го имаше Шродер со 6 поени.Одговорот на Крис Флеминг за шпанскиот состав на Рубио Родригез- Ло заедно со Шродер. Ло постигна тројка веднаш штом влезе, па Скариоло направи уште едно прилагодување – Састре го чуваше Шродер,а Рубио на клупа. Германија во водство од 16-14.Неколку тројки од Маодо Ло, тоа е помошта која му беше потребна на Денис Шродер. Како и да е Шпанија водеше со 34-33 на полувремето. Шпанија се искачи на 41-39 во тртиот период бидејќи Марк Гасол стигна до 10 поени.Во вториот дел од натпреварот Шпанците го превземаа темпото и ја постигнаа победата која ги одведе до полуфиналето.Реализацијата за шутот од 3 поени беше 40% за Шпанија и 27% за Германија, додека за 2 поени беше изедначено со по 54%.Во слободните фрлања доминираше Шпанија со 76%, а Германија со 64%.
СЛОВЕНИЈА – ЛАТВИЈА: (103:97)
Словенија освои тешка победа во натпревар во кој и двете репрезентации играа импресивно и ја покажаа борбеноста. Словенија со 103-97 извојува победа над Летонија, а Горан Драгиќ беше човекот што им беше потребен, постигнувајќи 26 поени, 8 асистенции и 6 скока. Лука Дончиќ беше нереален, има само 18 години, а постигна 27 поени и 9 скока.Од Латвија, Кристапс Порцингис беше најефикасен со 34 поени и 6 скока. Ентони Рандолф го доби својот прв почеток за Словенија, тренерот Кокосков зборуваше за своето одбрамбено присуство. Драгиќ со силен старт, сите постигнуваа поени… 10-10, 6:26. Драгиќ има 13 поени, Порзинис не дозволува да ја добие целата слава, има 11. Драгиќ со подобра поддршка, Словенија води со 38-30 … И имаше уште 7:39 игра во вториод период, се случи пресврт и Литванија замина со +4 на полувремето 55-51.Словенија ја започна втората половина со 11-0 и си даде шанса да го прекине латвискиот отпор кон крајот на третиот период кој заврши со 76-66.Шанса за Латвија! Аинарс Багатски не може повеќе да чека, го врати Порзингис во играта, а големиот момче привлекува прекршоци – плус технички за словенечката клупа.Вимар ги извади, Латвија го намали јазот на 91-87. 2:30 до крајот. Реализацијата за шутот од 3 поени беше 39% за Словенија и 33% за Латвија, додека за 2 поени Словенија имаше 61%, а Латвија 59%.Во слободните фрлања Латвија имаше 83%, а Словенија со 82%.
Наташа Костовска

Македонија е организатор на ФИБА 3×3 турнир

За прв пат во Македонија со организација на МКФ, Агенцијата за млади и спорт ќе започне одобрениот кошаркарски турнир ФИБА 3×3 кој ќе се одржи на 15 и 16 септември. Наградата за прво место изнесува 1500 евра, а наградата за второ место е 500 евра. Надоместокот за регистрација за турнирот е 40 евра за тим и рокот за пријавување е до 13 септември (среда) на следните меил-адреси: media.3x3macedonia@gmail.com и на 3x3macedonia@gmail.com.

Повеќе информации на линковите :
Извор: www.mkf.mk
                                                                                                                                               НАТАША КОСТОВСКА