Tag Archives: Фудбал

Ајакс го подготвува вториот најскап трасфер во историјата на клубот

Ајакс е на прагот да го донесе второто најскапо засилување во историјата на клубот (првото е Миралем Сулејмани кој кошташе неверојатни 16.250.000 евра). Според извештаите од страна на некои од холанските медиуми, се очекува Ајакс уште денес да се договори со Флуминенсе за 20-годишниот Ричарлисон. Се очекува трансферот да чини околу 12.000.000 евра, а договорот со Ајакс би бил на период од 5 години.

Барди со дебитантски гол за Леванте (ВИДЕО)

 

Ако судиме по првиот натпревар,  сезоната би се очекувала за Енис Барди да тече беспрекорно. Тој на својот прв натпревар против четвртолигашот Ла Нусија со глава постигна гол во нивната победа од 5-0, а стрелец беше на четвртиот гол. Инаку Барди на својот дрес ќе го носи бројот 5.

Ејупи со прекрасен гол го носи Осиек на дуел со ПСВ (ВИДЕО)

Музафер Ејупи со неговиот гол во 71 минута од натпреварот го намали резултатот на 2-1против Луцерн во Швајцарија со што и овој резултат на крај беше конечен. Овој пораз е на ниво на победа и голот на Музафер Ејупи ги носи во наредна фаза каде што ќе се соочат со фаворизираниот и гигантот од Холандија ПСВ Ајдховен.

Шкендија продолжува, за Работнички завршува Лига Европа

Шкендија продолжува и во квалификациите за фудбалската Лига Европа на УЕФА откако успеаја да останат непоразени (1:1) на гостувањето во Хелсинки.  Благодарение на победата со 3:1 во првиот меч во Струмица се пласираа во третото коло во кое ќе играат со подобриот од двомечот меѓу Норчепинг и Тракаи. Стрелец на голот за Шкендија беше Челиковиќ во 71 минута.

Додека вториот наш претставник Работнички по ремито во Скопје 1:1 денес загуби со високи  3:0 од Динамо Минск и ги заврши натреварите во Лига Европа.

Малме немоќен пред Вардар

На стадионот “Младост ” во Струмица Вардар оствари голема победа со 3:1 иако на полувреме губеше со 0:1, против Малме и се пласира во третото квалификациско коло во Лигата на шампионите. Иако пред натпреварот аутсајдер Вардар одигра шампионски и заслужено се пласира понатака.

Стрелци на головите за Вардар беа Грнчаров, Барсегјан и Бобан Николов во 90 минута за големо славје на Македонскиот шампион.

Карлос Бака потврди дека е врвен голгетер (ВИДЕО)

Бака не се откажува се уште од дресот на Милан. Постигна ретко виден гол и и дава сигнали на управата на клубот да смета сериозно на него наместо да бара напаѓачи на трансфер пазарот .

Џин во Борусија Дортмунд

Во Кина се играат голем број предсезонски пријателски натпревари, а меѓу поинтересните дуели е Милан против Борусија Дортмунд. По започнувањетро на тој натпревар воочливо беше доминантната висина на еден од фудбалерите на германскиот тим, а се работи за робусниот Дан Алекс Загаду кој без поголема помпа и најава стигна од ПСЖ, а се работи за 18 годишен дефанзивец со 1.96 см  висина каде што останатите покрај него изгледаат како ,,Мали деца повеќе има предизпозиции за одбојка или кошарка но првиот впечаток е дека ќе биде идната дефанзивна ѕвезда во светскиот фудбал и по кој знае кој пат ќе се покаже дека бундес тимот има ,,Носза талентирани фудбалери на трансвер пазарот. На сите страни ,,летаат милиони и се лицитира за големи фудбалски имиња, додека Борусија молчи, само работи , скенира, доведува таленти, а потоа тие дијаманти ги бруси и добива готов производ. Загаду ги има поминато сите француски селекции каде и бил капитен на тие репрезентативни настапи, а оваа сезона се очекува да се лансира во еден сериозен дефанзивец  и стандарден првотимец.

Милан најактивен на трансфер пазарот

Калчолигашот Милан под раководство на Берлускони не беше активен или трошеше мали пари, таа слика се променува ова лето со новите кинески газди кои не размислуваат многу да извадат многу милиони за квалитетен фудбалер, а како се започнати тие безмалку ќе имаат нови 11 играчи. Иако на стартот на летово не можеше да се очекува такво нешто заради желбата на Донарума и неговиот менаџер Рајола да го замени дресот на Милан со тој на Реал Мадрид, но кинезите најдоа магично стапче и цела ситуација ја претворија во нивна полза.

На голманската позиција како засилување е самиот Џанлуиџи Донарума кој потпиша нов договор и е сега најплатен тинејџер во светот. Второто засилување на голманската позиција е исто така со презиме Донарума и е во прашање неговиот брат кој настапуваше во Грција во тимот на Астерас Триполис па за него беа платени 1.5 милиони евра.

Нивната дефанзивна линија комплет ја реновираа започнувајќи од лев бек кој за 18 милиони евра пристигна Родригез од тимот на Волзбург, а е репрезентативец на Швајцарија. На спротивната страна од одбраната на десен бек се засилија со младинскиот италијански репрезентативец Конти кој настапуваше за Аталанта, а Милан за него плати 25 милиони евра. На стоперската позиција како засилувања дојдоа Мусакио од Вилјареал за 18 милиони евра, а трансвер ,,Бомбата и сериозноста на кинеските газди е доведувањето на стоперот од Јувентус Бонучи за 40 милиони евра.

Средниот ред беше засилен со Билја од Лацио за 16 милиони евра, иако лацијалите првично барале 20 милиони евра, но е најден заеднички јазик тие 4 милиони што недостасувале во вид на бонуси да бидат исплатени кон нив. Повторно фудбалер од Аталанта се сели во Милан, а се работи за Френк Кеси и за него ќе исплатат 28 милиони евра, а тој настапува во средниот ред. Турчинот Хакан Чалханоглу од Баер Лееверкузен за 25 милиони евра се сели на ,,Сан Сиро а игра во офанзивниот среден ред веднаш зад напаѓачите. На крилните позции е доведено едно засилување а тоа е Борини кој настапуваше за англискиот Сандерленд, а ќе биде на едногодишна позајмица за што ,,Росоњерите ќе исплатат 5 милиони евра.  Во нападот е доведено едно засилување во името на младиот перспективен напаѓач од Португалија во името на Андре Силва кој за него Милан исплатил  40 милиони евра на тимот од лисабонски Порто.

Се чини кинезите не застануваат тука, тие ќе продолжат да го засилуваат тимот како во нападот така и во средниот ред. Нивна цел се сега Ренато Санчес кој во Баерн Минхен не ја доби замислената минутажа и доверба, потоа во нападот се очекува барем уште еден голгетер кој ќе постигнува барем по 20 голови во една сезона, а се лицитира со напаѓачи како што се Обамејанг (Борусија Дортмунд), Алваро Мората (Реал Мадрид), Андреа Белоти (Торино) и Никола Калиниќ (Фиорентина). Винченцо Монтела ќе биде на слатки маки да го состави првиот тим, каде освен засилувањата од минатата сезона ги има уште: Абате, Ромањоли, Сусо, Локатели, Бонавенура и многу други.

Каков гол на Хулк (ВИДЕО)

Бразилецот Хулк постигна прекрасен погодок во Кинеското првенство за неговиот тим Шангај СИПГ кој вреди да се погледне.

ЖФК Драгон 2014 припрема тим за титула

Женскиот фудбалски тим на Драгон припрема тим за двојна титула и превземање на приматот што предходната сезона го заслужи   ЖФК Сц Истатов, а за таквите очекувања  управата на клубот  на чело со тренерот Илија Мандаров освен припреми за новата сезона кои следат летниов период тие играчкиот фонд го збогатуваат со дури 9 нови фудбалерки, а дел се и интернационалки кои доаѓаат од Србија. Фудбалерки кои пристапија во ЖФК. Драгон 2014 се следниве:

Стефана Битевиќ која е напаѓач, а претходен нејзин тим и беше Истатов со кој освои двојна титула.

Ана Милчевска потпишува договор со тимот  исполнувајќи го условот да има наполнето 14 години што ова лето и овозможува да потпише договор со сениорскиот состав на Драгон. Таа е талентирана и оваа сезона се очекува да го прикаже сиот свој раскошен талент.

Мартина Ангелковска по едно годишна позајмица во тимот на ЖФК Атлетико се враќа во својот тим.

Големо засилување ќе претставува талентираната и млада Сара Хусеин која доаѓа од тимот на ЖФК Топ Гол.

Исто така на голманската позиција доаѓа засилување во името на Магдалена Лекоска која настапуваше за тимот на ЖФК Топ Гол.

Уна Милковиќ е интернационалка од Србија, а таму настапуваше за тимот на Рад Београд и исто така се очекува да биде големо засилување за тимот.

Нова интернационалка доаѓа од Србија во името на Рафа Озил, а нејзин предходен тим беше ЖФК Црвена Звезда.

Нова интернационалка од Србија во тимот на ЖФК Драгон 2014 е Милица Шебек, а доаѓа од тимот на ЖФК Пожаревац.

Последното засилување и воедно комплетирање на тимот за оваа натпреварувачка сезона е Марија Миги Чубрило и доаѓа од ЖФК Олимпија од  Словенија.