Александра Патриша Караско или попозната како Алекс Моеган е моментално најдобра светска фудбалерка која со Сад ја одбрани светската шампионска титула во финалето против Холандија. Во полуфиналето против Англија Морган својот 30-ти роденден го прослави со погодок, а е родена на 2 јули 1989 година.
Таа потекнува од местото Дијамант Бар на околу 50 километри источно од Лос Анџелес. Како дете се занимавала со многу спортови, а со фудбалот започнала како многу мала во Ајсо (American Youth Soccer Organization).
Со клупски фудбал Морган започнала на 14-годишна возраст во тимот на Ципрес Елит и со овој тим ја освои крајбрежната сокер лига за фудбалерки под 16 години, додека до 19 годишна возраст го освоија третото место.
На 17-години добила репрезентативен повик за селекцијата до У-20 каде што на егзебициски меч против машките врсници заработила тешка повреда на лигаментите, повреда која ја оддалечи од фудбалските терени се до 2008 година.
Алекс студираше на Универзитетот (колеџот) Баркли, а настапуваше за Калифорниските златни мечки од 2007 до 2010 година каде што влезе во историјата како трет стрелец на сите времиња со постигнати 45 гола на колеџ натпреварувањата.
Професионалната кариера ја започна во Вестерн Њу Јорк Флеш кога беше избрана како прв пик на драфтот во 2011 година. И во оваа конкуренција влезе во историјата како прва фудбалерка од Калифорнија која е избрана како прв пик на драфтот.
Алекс Морган за две години освои две шампионски титули како и титула на Светското првенство во шампионатот. Во својата богата професионална кариера Морган настапуваше за тимовите на Сиетл Соундерс во овој период поради подготовки за Олимписките Игри во 2012 години таа одиграла само три лигашки меча каде што постигнала два гола и остварила две асистенции.
Во остатокот од кариерата играше уште за Портланд Торнс во период од 2013 до 2015 година и во 36 натпревари постигна 15 гола. За тимот на Орландо за кој настапува сеуште игра уште од 2016 година и до сега има одиграно 52 натпревари со 18 погодоци.
Морган една сезона ја одигра и во Европа за европските шампионки тимот на Олимпик Лион од Франција каде што запиша 8 натпревари и постигна 5 гола. За репрезентацијата на светскиот шампион Сад, забележа 169 настапи, а постигна невероватни 107 погодоци.
На претстојното Светско првенство во Франција, Алекс Морган го подели првото место на листата на најдобри стрелци со 6 гола заедно со уште соиграчката Меган Рапино и англичанката Елен Вајт. Оваа фудбалерка е светска ѕвезда, миленичка на нацијата, фудбалска убавица која пред се плени со своите фудбалски вештини.
